Білім беру саласы: Шығармашылық

Бөлімі: Сурет салу

Тақырыбы: «Тәрелкені әшекейлеу»

Мақсаты: Балаларды белгілі бір тұтынатын бұйымдардың пішініне сәйкес ою-өрнектермен тәрелкені әшекейлей білуге үйрету.

Көрнекіліктер: тәрелкенің суреті, шыны ыдыстар, тәрелке, кесе, ақман.

Әдіс-тәсілдер: көрсету, түсіндіру, сұрақ-жауап, дидактикалық ойын.

Қажетті құрал-жабдықтар: сурет салуға арналған ақ қағаз, түрлі-түсті қарындаштар.

Билингвалды компонент: ыдыстар- посуда, тәрелке- тарелка.

Балаларды шеңберге тұрғызу

Шаттық шеңбер

Бала, бала, баламыз

Бақшамызға барамыз

Күні-бойы қызыққа

Батамыз да қаламыз

Бір шаңырақ астында

Бірге сайран құрамыз.

Тәрбиеші : Өте жақсы балалар, енді орынымызға отырайық. Балалар, қазір жылдың қай мезгілі?

Балалар: Күз мезгілі.

Тәрбиеші : Күз мезгілінде қандай табиғат құбылыстары болады?

Балалар: Күзде күн суытады, жаңбыр жауады, жел соғады, құстар жылы жаққа ұшып кетеді, ағаштың жапырақтары сарғайып жерге түседі.

Тәрбиеші : Балалар, бізге қуыршақ Айгерім қонаққа келді. Қане, балалар, амандасайық.

Балалар: Сәлеметсізбе, қуыршақ Айгерім!

Тәрбиеші : Балалар, қуыршақ Айгерім бүгінгі сурет сабағында сендердің қандай сурет салатындарынды көргісі келеді. Ендеше балалар, қуыршақ Айгерімге қандай сурет салатынымызды айтайық. Бүгінгі оқу іс-әрекетіміздің тақырыбы: «Тәрелкені әшекейлеу». Балалар, тәрелкені біз күнделікті тұрмыста, әғни, ас үйде қолданамыз. Тәрелкеге біз неше түрлі тағамдар саламыз, тамақ салып жейміз. Балалар, мына тәрелке қандай геометриялық пішінге ұқсайды?

Балалар: дөңгелекке, шеңберге

Тәрбиеші : Ал, мына тәрелкенің көлемі қандай? Ал мынаның ше?

Балалар: үлкен-кішкентай .

Тәрбиеші : қане балалар, бірге қайталаймыз: тәрелке- тарелка

Балалар: тәрелке- тарелка

Тәрбиеші : Енді балалар, көрмеге назар аударайық

Көрмеде кесе, тәрелке, ақман, шыны ыдыстар тұрады.

Балалар: ыдыстарды ұстап көреді, пішініне, түсіне көңіл аударады, салыстырады.

Тәрбиеші : Балалар, бұлардың барлығын бір сөзбен не деп атайды ?

Балалар: ыдыстар деп атаймыз.

Тәрбиеші : Балалар, бірге қайталаймыз: ыдыстар- посуда

Балалар: ыдыстар- посуда.

Тәрбиеші : Балалар, енді осы ыдыстар туралы тақпақтарымызды айтып берейікші

Жанель:

Ыдыстарды жинаймын

Үлкендерді сыйлаймын

Кесе, қасық бәрінде

Өз орнына қоямын

Ақбота:

Анам ыдыс жуады,

Мінезі оңды биязы

Ол барында тұрады

Жайнап үйдің жиһазы.

Медина:

Бәріде бар бақшада

Ойын бөлме асхана

Орындық та, тақта да

Заттарда көп басқада.

Жаңылтпаш:

Шеше, шеше, неше кесе сынды кеше

Тәрбиеші : Жарайсыңдар, балалар! Балалар, енді бәріміз орнымыздан тұрып, бойымызды сергітейік.

Сергіту сәті:

Орнымыздан тұрайық

Алақанды ұрайық

Бір отырып, бір тұрып

Біз демалып алайық.

Дидактикалық ойын: Тәрелкені тап.

Шарты: алты түсті тәрелкенің түстеріне сәйкес қасықтарды түсіне қарай тауып, тәрелкенің үстіне қояды.

Тәрбиеші : Өте жақсы балалар, енді сурет салуға кірісейік.Тәрелкенің суретін салып,оның ішін «ою»,«су тамшысы» суретін салайық. Алдымен үлкен дөңгелек сызамыз, ішіне орташа дөңгелек сызамыз, сосын шетіне айналдыра кішкентай тамшылар- судың тамшыларын салып, іштерін бояймыз. Өрнегімізді әдемілеп бояймыз. Міне балалар, тәрелкеміз әшекейлі, әдемі болып шықты.

Балалардың салған суретін көрмеге ілу.

Тәрбиеші : Балалар, сендер ненің суретін салдыңдар?

Балалар: тәрелкенің

Тәрбиеші :Тәрелкенің пішіні қандай?

Балалар: Дөңгелек

Тәрбиеші : Тәрелкені қандай өрнекпен әшекейлейсіңдер?

Балалар: «Су тамшысы», кішкентай дөңгелектермен

Тәрбиеші : Жарайсыңдар,балалар! Балалар қуыршақ Айгерім сендерге рахмет айтып жатыр,сендер суретті әдемі салады екенсіңдер.Қуыршақ Айгеріммен қоштасайық.

Сау болыңыз, қуыршақ Айгерім!!