Жоспарланған уақыт

Жоспарланған жаттығулар

Ресурстар

Басталуы

-Бүгінгі сабағымыздың тақырыбы: Таулы жер өсімдіктері мен жануарлары.

-Бұл сабақтан сендер:

1. Таулы жердің ерекшелігі туралы.

2. Таулы жерде өсетін өсімдіктер туралы.

3. Таулы жерді мекендейтін аңдар туралы білесіңдер.

-11 желтоқсан қандай күн? (Видео көрсетіледі)

Кіріпсе сөз: Балалар, таулы жер, ондағы әсем табиғат, өсімдіктер мен жануарлар біздің еліміздің дәулеті, еліміздің көркі. Таулы жердің ерекшелігіне қарай онда өсетін өсімдіктер мен тіршілік ететін жануарлар алуан түрлі болып келеді. Оның ерекшелігін қазір алдын – ала бөлінген үш топ өздерің зерттеп, қорғап баяндайсындар.

І топ. «Зерттеушілер»
ІІ топ. «Қорғаушылар»
ІІІ топ. «Журналисттер»

Видео. Слайд. Топтың аты жазылған қағаздар.

Ортасы

І топ «Зерттеушілер» – Тауды зерттейсіңдер (Қазақстан таулары және ерекшеліктері мен ауа райы туралы айтасыз).

ІІ топ «Қорғаушылар» - Өсімдіктері және оның пайдасы туралы айтасыздар. Қаржылық сауаттылық: Таулы жер өсімдіктерінен қандай пайда келтіруге болады?

ІІІ топ «Журналистер» - жануарлары туралы айтасыздар және сипаттайсыңдар.

Жетекші сұрақ:

-Балалар, Н.Ә.Назарбаев «Қазақстан-2030» стратегиялық бағдарламасында Қазақстанды ненің символы ретінде алды?

(«Қазақстан-2030» жылдары Орта Азия барысына айналады,яғни біздің мемлекетіміз ең ірі ,алпауыт мемлекеттермен терезесі теңеледі деген. Барыс өте епті, жылдам, жыртқыш аң. Ол биік тау құздарын мекендейтін аң. Барыстың саны бүгінде күрт азайып кеткендіктен, қазір қорғауға алынды. Барыстың  шапшаңдығы мен ептілігі туралы аңыз, әңгімелер өте көп.)

- Бүркіт қай рәмізде және неге оны бейнелеген?

І топ. «Зерттеушілер» Жарнама: Болашақта сендер ер жетесіңдер. Белгілі бір мамандық иесі боласыңдар. Мысалыға«журналист» болады делік. Өзіміздің Қапал ауылында «Туристік аймақ» ашылды дейік. Осы Қапалға туристерді келтіру үшін қалай жарнамалайсындар?Несімен қызықтырар едіңдер?
ІІ топ. «Қорғаушылар» егер тауға, өсімдіктерге, жануарларға тіл бітсе адамдарға не айтар едіңдер сол туралы хат жазады( сөйлеу мәдениеті, көркем әдеби тілмен жазуға тырысамыз).
ІІІ топ. «Журналисттер» мәнерлеп оқудың хас шебері, сол себепті Мұқағали Мақатаевтың «Мен таулықпын» атты өленін мәнерлеп оқып және тау туралы ой толғау жазасыңдар.

Tay дейтін алып жүрек Ана туған
Мен таулықпын!
Таудан мен жаратылғам.
Киіктің сүтін емін ержеткенмін
Қуат алып қыранның қанатынан
Мен таулықпын
Таудан мен жаратылғам.
Бұлт бүркеніп, жай отын ала туғам
Күн алғашқы сәулесін маған шашып
Маған келіп түнейді қара тұман.
Тау ұлымын
Тау - менің дәу бесігім
Мен оның әуресімін, сәулесімін.
Асқар шыңдар желпиді бесігімді
Бір орамын ағытып сәлдесінің.
Мен - таулықпын!
Таудан мен жаратылғам.
Тау деген Ана туған дара тұлғам
...Тауға барып
Көкке ұшып кетсем бе екен
Ұстап алып қыранның қанатынан

Оқулық , хат жазуға арналған парақ. М.Мақатаевтың өлеңі.

Аяқталуы

-Сонымен таулы жерде қандай өсімдік, жануар, құстар мекендейтінін білдік. Енді білімдерінді тексеру мақсатында терме диктанттан мен орман-тоғай, шөл дала, шалғын және таулы жер жануарлары мен өсімдік, құстарын оқимын, сендер тек қана таулы жерге жататын өсімдік, жануар, құстарын теріп жазасыңдар.

Терме диктант

Бағалау топ басшысы бағалайды.

Кесте, бағалау парақшасы.

Қосымша ақпарат

Резервтегі тапсырма. Уақыт үнемді пайдаланылып, сабақ соңында уақыт қалған жағдайда қосымша мына тапсырма беріледі.

« Әлемде талай қызық бар?» жануарлар туралы қызықты деректер.