Қаракөл орта мектебі

ашық сабақ

Сыныбы:3^а

Өткізген: Мусина Әлия Оңатқызы

Сабақтың тақырыбы: С.Сейфуллин «Туған ел»

Сабақтың мақсаты:

Білімділігі:Автор туралы мағлұмат бере отырып,отан, туған ел жайлы түсініктерін кеңейту,оның табиғатының әсемдігі жайлы білім беру. Өлеңнің тақырыбы мен идеясын ашу, мағынасын түсіндіру.

Дамытушылығы: Оқушылардың тіл байлықтарын молайтып, ой-өрісін, дүниетанымын кеңейту. Өз ойларын айта білу дағдыларын дамыту..

Тәрбиелігі: Отанды қорғауға, елін-халқын құрметтеуге, елжандылыққа, жауапкершілікке тәрбиелеу.

Сабақтың әдісі: Сатылай кешенді талдау технологиясы,топтастыру стратегиясы,Кубизм әдісі,сұрақ-жауап;

Сабақтың түрі: Аралас сабақ

Сабақтың көрнекілігі: бейнебаян, слайдтар, ғажайып үштік, сызбалар.

Сабақтың барысы: І. Ұйымдастыру

Сыныбымыз тап -таза

Бор да дайын тақта да

Топ-топ болып бәріміз

Отырайық партаға

Топқа бөлу. Ітоп Атамекен ІІ топ Шаңырақ ІІІ топ Қазақстан

ІІ Үй тапсырмасын тексеру.

-М.Мақатаев өлеңі неліктен үш бақытым деп аталады?

-Д.Әбілаев өлеңі не туралы?

-Екі өлеңнің ұқсастығы мен айырмашылығы неде?

-«Оты сөнген, от ал менен, жүрегімді суырып-ақ алыңдар»деген тіркестерді қалай түсінесің?

ІІІ. Өткен материалды бекіту. Кубизм стратегиясы

1.Мұқағали Мақатаев кім?

2.М.Мақатаевтың өлеңі неліктен “Үш бақытым“деп аталған?

3.Д.Әбілевтің өлеңі не туралы?

4.Тіл туралы заң қашан қабылданды?

5.Қазақстан Республикасының мемлекеттік Туының белгілерін атап бер.

6.Қазақстанның қандай байлықтарын білесің?

ІV. Жаңа сабақ. Топтастыру стратегисы. Төмендегі сызбаға Отан ұғымын білдіретін тіркестерді, сөздерді жазу.

Қ.Республикасының картасын көрсету. Бұл не?

-Бұл Қазақстан Республикасының картасы.

-Біздің Отанымыз-Қазақстан Республикасы.

-Біз бүгін С. Сейфуллин атамыздың «Туған ел»өлеңін өтеміз.

С. Сейфуллин 1884жылы 15 қазанда Жезқазған облысы,Ақадыр ауданы, Қарашілік қыстауында дүниеге келген. Ол шығармашылықпен белсене араласты. «Жұбату» атты тұңғыш әңгіме жазды. Қазақ әдебиеті оқулықтарын жасауға қатысты. Жазушының көптеген өлең, повесть әңгімелері бар.

Оқулықпен жұмыс.

• Мәнерлеп оқып беру, мазмұнын түсіндіру

• 2-3 оқушыға мәнерлеп оқыту.

- Мәтін бойынша сұрақ-жауап;

І топ- Ақын туған даласын кімге теңейді?

ІІтоп- Берілген суретті пайдаланып, ақын ойын түсініп көр.

ІІІ топ- Табиғат адамға не береді?

Дәптермен жұмыс.

І топ-Үш бақытым

ІІ топ-Туған тілім

ІІІ топ-Туған ел өлеңін сатылай талдау.

Табиғаттың тарылтпайтын мөлдір таза тынысың

Пәк табиғат әр жүректің тамылжыған жырысың.

Ей адамдар ақылға сал, қатыгездік жасама.

Өзің дағы сонда тудың, табиғаттың ұлысың.

.....Онсыз әрбір азаматқа тіршіліктің мәні жоқ. Алыс кетсең сағыныш сезімі оянып, іздейсің. Сол жерде сен дүниеге келесің, өсесің білім нәрімен сусындайсың. Кейін сол үшін қызмет етесің. Оны мәңгілік сүю және қорғау, қалтсыз еңбек ету, әрбір азаматтың парызы.

-Балалар мен не туралы айтып отырмын?

-Біздің мекенжайымыз қалай аталады?

-Иә балалар, біздің жеріміздің табиғаты да керемет. Ендеше»Қаракөлім-ауылым» атты бейнебаянды тамашалайық.

Атырау облысы, Қызылқоға ауданы Қаракөл ауылы

-Отан, туған ел дегенде көз алдарыңа не елестейді?

-Біз қандай елміз?

-Тәуелсіздігімізді қашан алдық?

-Егемендігімізді айқындайтын белгілер?

Тәуелсіз елдің бейбітшілік, тыныштық келешегі, білімді ұрпақ. Сіздер бүгінгі оқушылар болсаңдар, ертеңгі Қазақстанның болашағысыңдар.

Шығармашылық жұмыс.

І топ-Туған ел туралы өлең құрастыру.

ІІ топ-Туған ел, жер туралы мақал-мәтел жазу.

ІІІ топ «Ауылым-алтын бесігім»сөзжұмбақ құрастыру

Бекіту

Қорыту. Үш топқа «Қазақстан» деген сөз беріледі. Сол сөзден 1 минут ішінде бірнеше сөз құрау керек

Қазақстан

Қазақстан

Қазақстан

Үйге тапсырма.

1. Туған ел өлеңін жаттау.

2. «Ауылым алтын бесігім» тақырыбына шығарма жазу

Бағалау