Ашық сабақ. Тыныс алу жаттығулары.

Пән:Логопедия

Мектеп: Бостандық жалпы орта білім беретін мектебі

Күні:

Мұғалімнің аты-жөні: Ғайноллина Аяжан Сержанқызы

Сынып: 1-сынып

Сабақ тақырыбы

Тыныс алу жаттығулары. Дем алу-демді шығаруға бағытталған жаттығулар.

Оқу бағдарламасына сәйкес сабақтың мақсаттары

Балаларға мұрынмен демалуды және дем шығаруды үйрету. Мұрынмен дем алып, ауызбен дем шығару, ауызбен дем алып, ауызбен дем шығаруды және ауызбен дем алып, мұрынмен дем шығаруды үйрету.

Сабақтың барысы

Сабақтың

кезеңдері/ уақыт

Сабақтағы жоспарланған іс-әрекет

Ресурстар

Сабақтың басы

Психологиялық-педагогикалық көңіл-күй.

Сөйлеу ережелері

Менің негізгі сөйлеу органым – диафрагма. Ең бастысы иығымызды көтермейміз. Мен әрқашан сенімді, анық, дұрыс мәнерлі сөйлеймін.

Мен сабырлымын

Мен терең тыныс ала аламын.

Менің қолдарым босаңсыған.

Менің аяқтарым босаңсыған.

Менің денем тыныштықта

Бет бұлшық еттерім босаңсыған.

Мен әдемі, анық және жай сөйлей аламын.

Тыныс алу дегеніміз – мүшелер қызметінің тіршілігін реттейтін, ағзаның негізгі тіршілік көзі екені әлі де жеке адамның толық түсіне қоймаған мәселесі.

Тыныс алу жаттығулары – ауамен емделуді дұрыс пайдалана білу, тыныс алу мүшелерінің жұмысын жақсартуды көздейді. Ұзаққа созылған созылмалы науқастардың (тыныс демікпесі, созылмалы бронхит, демікпе, өкпенің қабынуы, т.б.) тыныс мүшелерінен басқа да көптеген ас қорыту мүшелері мен қан айналымдары және жүйке жүйелерінің жұмыс істеу қызметтерінің бұзылуын орнына келтіретін негізгі емделу құралы. Тыныс алу жаттығуларының негізгі мақсаты – онымен үзбей шұғылдану, осы аталған науқастардың алдын алады, ұзақ өмір сүрудың негізін қалайды. Тыныс алу жаттығуларының негізгі құралы – ағзаның тыныштық қалпындағы орындалатын және қозғалыста орындалатын жаттығулар.

Тыныспен жұмыс:

1. Қолымызды диафрагманың төңірегіне қоямыз. Тынысты терең аламыз және шығарамыз. Тынысты шығару барысында шшшшшшш немесе ффффффффф дыбыстарын айту.

2. Дәл осы жаттығуды, терең тыныс алып шығару кезінде Ааааааааа, Оооооооо, Ууууууууу, А-й-й-й-й-й дыбыстарын қолдану арқылы орындауға болады.

Тыныс алу жаттығулары

«Шәйді суыт»

Шарты: кеседегі шәйді балалар үрлеп суытады. Ондағы шәйдің ыстық екендігі айтып түсіндіріледі. Суытып болған соң оны ішіп, дәміне тамсанады.

«Қарды үрлеп ұшыр»

Шарты: балалар ақ қарларды жеке-жеке үрлеп ұшырады. «Қар жаймен жауып тұр» деген кезде жай ұшырады, ал «боран соғып тұр» деген кезде қаттырақ ұшырады. Мұрынмен терең тыныс алып, ауызбен жай дем шығарады..

Психологиялық ахуал

Сабақтың ортасы

Сергіту сәті

Ал, балалар, тұрайық.
Алақанды ұрайық
Оңға қарай иiлiп
Солға қарай иiлiп
Бiр отырып, бiр тұрып,
Бойымызды созайық
Белiмiздi жазайық.
Оңға - оңға түзу тұр
Солға - солға түзу тұр
Жоғары - төмен қарайық
Қолымызды созайық
Бойымызға күш жинап
Бiр шынығып алайық.

«Қиярдың иісін ажырат»

Шарты: Қиярдың иісін иіскеу арқылы қандай көкөніс екенін ажырат.

«Шарды үрлейміз»

Шарты: бала шарды алып, алдымен қатты, сонан соң жаймен үреді.

Оқушылар сергіту сәтін жасайды.

Сабақтың соңы

«Мұрынмен дұрыс тыныста, ауызбен дұрыс дем шығар»

Шарты: Балалар мұрынмен терең тыныс алып, ауызбен ауаны ұртқа жинамай, жәйменен дем шығарады.

«Жапырақтарды ұшыр»

Шарты: Мұрынмен терең дем алып, ауызбен дем шығару арқылы кішкентай жапырақтарды үрлеп ұшыру.

Тапсырманы орындаған оқушыны мадақтау,

толықтыру жасау, тиімді кері байланыс орнату.

Кері байланыс

«Рефлексия» кері байланыс

«Смайлик» әдісі

Оқушылар сабақтан алған әсерлерін кері байланыс «Смайлик» әдісі арқылы білдіре алады.