Ашық сабақ. Үшбұрыштар теңсіздігі 7 сынып

Ұзақ мерзімді жоспар бөлімі:7.3.А. Түзулердің өзара орналасуы

Мектеп: әл-Фараби атындағы №14 мектеп-гимназиясы

Пәні: Геометрия

Мұғалімнің аты-жөні: Әлішерова Салтанат Қалдыбайқызы

Сынып:7

Қатысқандар саны:

Қатыспағандар саны:

Сабақ тақырыбы

Үшбұрыштар теңсіздігі

Осы сабақта қол жеткізілетін оқу мақсаттары (оқу бағдарламасына сілтеме)

7.1.3.1

үшбұрыш теңсіздігін білу және қолдану;

Сабақ мақсаттары

-үшбұрыш теңсіздігін біледі;

-есептер шығарғанда қолданады;

-мүмкін емес үшбұрыштарды анықтай алады.

Бағалау критерийі

Үшбұрыштар теңсіздігін есептер шығаруда қолданады

Тілдік мақсаттар

Оқушылар:

-үшбұрыштар теңсіздігін түсіндіреді;

- мүмкін емес үшбұрыштарды теорема арқылы түсіндіреді,

Пәнге тән лексика мен терминалогия:

-үшбұрыш;

-үшбұрыштар теңсіздігі;

-үшбұрыш қабырғалары.

Диалог пен жазу үшін пайдалы сөздер мен тіркестер:

- Үшбұрыштың әрбір қабырғасы өзге ... кіші болады.

- Үшбұрыштың бір қабырғасы ... тең болмайды.

Құндылықтарды дарыту

оқушылардың бойында шығармашылық қабілеттерін қалыптастыру , өзара қарым-қатынас жасау арқылы ынтымақтастыққа және топта бірігіп жұмыс жасауға дағдыландыру

Пәнаралық байланыстар

сызу

Бастапқы білім

Үшбұрыштар, үшбұрыштың ішкі бұрыштары, сыртқы бұрыштары, үшбұрыштар теңдігі

Сабақ барысы

Сабақтың жоспарланған кезеңдері

Сабақтағы жоспарланған іс-әрекеттер

Ресурстар

Сабақтың басы

5 мин

7 мин

1. Ұйымдастыру кезеңі

Сыныппен амандасып, оқушылардың сабаққа әзірлігіне, сынып тазалығына шолу жасаймын.

Сыныпта жағымды психологиялық ахуал туғызу үшін «Гүлді тілек» психологиялық тренинг жүргіземін.

Сабақ тақырыбын ,мақсатын түсіндіремін.

Тақырыпқа байланысты үш қатарды 1-Тікбұрышты үшбұрыш; 2-Теңбүйірлі үшбұрыш; 3-Тең қабырғалы үшбұрыш топтарына біріктіремін.

Топ басшылары бағалау парағындағы үшбұрыш бөліктеріне сай өз тобын бағалап сабақ соңында қорытындысын айтады.

Ү шбұрыш арқылы бағалау.

Қалыптастырушы бағалау----------

Оқулықпен жұмыс---------

Ж аңа сабақ---------------

Ө ткенді қайталау-----------

Үй тапсырмасы-------

2.Үй тапсырмасын тексеру: жұптық жұмыс. Тақтада көрсетілген есептің жауабы мен дескриптор арқылы бір-бірінің дәптерін тексереді. «Сен маған-мен саған» әдісімен бағалайды.

Бағалау критерийі

Үшбұрыштың ішкі бұрыштарының қосындысын есептер шығаруда қолданады.

Дескриптор

Оқушылардың орындаған үй тапсырмалары бойынша кері байланыс беріп, ауызша мадақтау арқылы бағалаймын.

3.Сыныппен жұмыс.

Өткен оқу материалын қайталау мақсатында әр оқушы тақтаға ілінген теорема мен ережелерді аяқтап, сол теоремаларға сай үшбұрыштардың суретін салады.
1. Бір түзудің бойында жатпайтын үш нүктені кесінділермен қосқанда шығатын геометриялық фигураны ......................... деп атаймыз. Ж: үшбұрыш
2.      Барлық қабырғалары тең үшбұрышты......................үшбұрыш деп атайды. Ж: Тең қабырғалы

3.      Екі қабырғасы тең үшбұрышты.................үшбұрыш деп атаймыз. Ж: тең бүйірлі.
4.      Үшбұрыштың үлкен қабырғасына қарсы ............. бұрышы жатады. Ж: үлкен.
5.      ..................үшбұрыштың төбесінен табанына жүргізілген биссектрисасы оның әрі медианасы, әрі биіктігі болады. Ж: тең бүйірлі.
6.      Егер үшбұрыштың бір бұрышы тең болса, онда үшбұрыш .......  деп аталады. Ж: тік бұрышты үшбұрыш.
7.      .............үшбұрыштың қарсы жатқан катеті гипотенузасының жартысына тең. Ж: тік бұрышты.
8.      ....................ішкі бұрыштарының қосындысы Ж.үшбұрыштың.

Оқушыларды ынталандыру мақсатында дер кезінде түзету енгізе отырып, түрлі смайликтер арқылы бағалап отырамын.

Сабақтың ортасы

10 мин

10 мин

3 мин

4. Топтық жұмыс

Оқушыларға бүгінгі сабақтың оқу мақсаты айтылады.

Жаңа тақырыпты меңгеруі үшін саралаудың «Дереккөздер » тәсілін пайдаланып оқушылардың жаңа тақырыпты өз бетімен меңгеруіне мүмкіндік беремін. Тақырыпқа сай оқушылар бүгінгі сабақтың оқу мақсатын ашу үшін келесі практикалық тапсырманы орындайды.

Практикалық тапсырма

Ой қозғау мақсатында оқушыларға «Ойлан, топтас, бірлес»әдісі бойынша 3 топқа теорема және әртүрлі кесінділері бар қағаздар таратамын. Оқушылар теореманы оқып, кесінділерді өлшеп үшбұрыш құрастырады. Қорытынды шығарады.

Мақсаты:Үшбұрыштың қабырғаларының ұзындықтары өзге екі қабырғасының қосындысынан кіші екенін айқындайды. Практикалық жұмысты орындау барысында саралаудың «Диалог және қолдау көрсету» тәсілі арқылы оқушыларға үнемі қолдау көрсетіп , алға жетелеп отырамын.

Оқушылардың білімін толықтыру үшін теореманы қайталап төмендегі сұрақтарға жауап аламын.

1 теорема. Үшбұрыштың әрбір қабырғасы өзге екі қабырғаларының қосындысынан кіші болады.

(1)- Бұл теңсіздіктерді үшбұрыштар теңсіздігі деп атайды.

1.      АВ қабырғасы қандай қабырғалардың қосындысынан кіші болады?
Ж: ВС және АС қабырғаларының қосындысынан кіші болады.
2.      ВС қабырғасы қандай қабырғалардың қосындысынан кіші болады?
Ж: АВ