Ашық сабақ.«Ғажайып пішіндер» еліне саяхат Математика. Ортаңғы топтарға арналған

Күні:
Білім беру саласы: «Таным»
Бөлімі: Математика негіздері
Тақырыбы: «Ғажайып пішіндер» еліне саяхат
Мақсаты:  Ертегі арқылы математикалық білім дағдыларын шыңдау. Дидактикалық ойындар арқылы геометриялық пішіндер мен  түстерді ажырата білуге үйретуді пысықтау. Топтасып тапсырманы орындау арқылы бір-бірімен тату дос болуға тәрбиелеу.

Билингвалды компонент:
Сөздік жұмыс : геометриялық денелер.
Көрнекіліктер: тақырып бойынша суреттер, викторина шеңбері, жұмыс дәптері.

Мотивациялық-қозғаушылық

«Сәлем сөздің анасы»

• Балалар бүгінгі оқу қызметін бастамас бұрын, сендерді шаттық шеңберіне шақырамын.

«Үш тілде амандасу»

Оқу қызметінің ережесі

• Бір-бірімізді сыйлаймыз, тыңдаймыз!

• Уақытты үнемдейміз!

• Нақты, дәл жауап береміз!

• Өзіміздің шапшаңдығымызды, тапқырлығымызды көрсетеміз!

• Оқу қызметіне белсене қатысып, жақсы баға аламыз!

Ұйымдастырушы- ізденістік

Есік қағылады, почташы ғажайып шарлар мен хат алып келеді

Тәрбиеші:

• Балалар бізді «Ғажайып геометриялық пішіндер» еліне саяхатқа шақырту қағазын жіберіпті. Ол елде біздерді түрлі қызықты ойындар мен тапсырмалар күтіп тұр.Саяхат жасауға дайынбыз ба? Ендеше ғажайып әуе шарларының көмегімен саяхатқа барамыз. Ортаға тұрамыз, бір бірден аламыз. 

Ортақ білім шапағат

Жүрсін бізге жол бастап

Ғажайып шарларды қосайық

Бәріміз саяхатқа барайық.

Музыка әуенімен «Ғажайып пішіндер» еліне келеді

Тәрбиеші:

• Қандай тамаша! Балалар бұл елдің, біз өмір сүріп жатқан жерден қандай айырмашылық көріп тұрсыңдар?

Балалар:

• Айналадағы заттардың бәрі геометриялық пішіндер тәрізді.

Тәрбиеші:

• Дұрыс айтасыңдар, жан-жағымыздағы заттардың бәріде өзгеше екен. Балалар біз қазір сендермен қызықты тапсырмалар мен ойындар ойнаймыз. Ол үшін бізге үш топ қажет

Топқа бөлу

• Түрлі түсті қима суретті таңдап алады

• Түстері бойынша топқа бөлінеді

• Қима суреттерді құрастыру

1. Топ: «Үшбұрыштар»

2. Топ «Төртбұрыштар»

3. Топ «Дөңгелектер»

Тәрбиеші:

• Балалар қандай ертегі кейіпкерін көріп тұрсыңдар?

• Бауырсақ

• Бауырсақтың қолында бізге арналған тапсырмасы бар сияқты, ашып көрейік.

Бауырсақ:

• Сәлем білімпаз балалар! «Ғажайып пішіндер» еліне қош келдіңдер! Менің сендерге тапсырмам, алдарында тұрған пішіндерді үш тілде айтып және пішіндер қандай заттарға ұқсайтынын табындар.

Билингвалды компонент
Үшбұрыш – Треугольник - Triangle

Төртбұрыш – Прямоугольник - Rectangle

Дөңгелек – Круглый - Round

Дидактикалық ойын «Қандай пішінге ұқсайды?»

Ойынның мақсаты: бірдей пішіндегі «ұлғайтқыш әйнек» көмегімен белгілі бір пішіндегі заттарды іздеу.

Тапсырма логикалық ойлауды, зейінді, байқампаздықты дамытуға мүмкіндік береді.

Тәрбиеші:

• Жарайсыңдар! Бауырсақтын тапсырмасын қалай бағалайсыңдар, көрсетіңдерші.

«Бас бармақ» әдісі бойынша бағалау

Тәрбиеші:

• Менің қасыма әр топтан екі баладан келіңдерші, тақтада ненің суретін көріп тұрсыңдар?

• Қоян

• Қояндардың пішіндері қандай? Олар қандай көкөністі жақсы көреді?

• Үшбұрыш, төртбұрыш,дөңгелек. Сәбізді жақсы көреді.

• Әр қоянға өзінің пішіндеріне сай сәбіздерлі апарып беріңдер.

Тақтаға шыққан балалар тақтамен, орнында отырған балалалр алдарындағы қағазға сәйкестендіріп сызады.

Дидактикалық ойын: «Сәбіздерді жина»

Тақтаға үш түрлі қоянның суреттерін ілінеді, балалар әр қоянға өзінің сәбіздерін сәйкестендіріп апарып береді.

Бірінші орындап болған топқа жұлдызшалар таратылады.

Сергіту сәті

Музыка әуенімен билеу, музыка тоқтаған кезде қолдарымен тәрбиеші көрсеткен пішіндерді көрсету.

Тақтаға аюдың суреті мен тапсырмасы ілінеді.

Тәрбиеші:

• Аюдың бізге берген тапсырмасында балықтарды олардың формаларына сәйкес келетін аквариумдарға орналастыру керек екен. Қай топ бірінші аяқтайды, сол топ аюдың жұлдызшаларын алады. Тапсырманы орындауға дайынбыз ба? Ендеше мен музыка қосамын, музыка аяқталғанша балықтарды аквариумдарға орналастырайық.

Дидактикалық ойын: «Кім жылдам?»

Ойынның мақсаты:

Ойын барысында бала геометриялық фигураларды ажырата білуге ​​үйренеді. Тапсырма логикалық ойлауды, зейінді, байқампаздықты дамытуға мүмкіндік береді.

Тәрбиеші:

• Жарайсыңдар балалар! Бүгінгі оқу қызметімізге бәріңде жақсы қатыстыңдар, ал енді жеңімпаз топты анықтау үшін жұлдызшаларды бірге санайық.

Жеңімпаз топты анықтау. Балабақшаға қайта оралу.

Есік қағылады, почташы хат алып келеді

Тәрбиеші:

• Балалар «Ғажайып пішіндер» елінің тұрғындары, сендердің барлық тапсырманы жақсы орындағандарына ризашылығын білдіруде.

Хат:

Біздің білімпаз достарымыз, сендердің ақылдарына, ұйымшылдықтарына өте риза болдық. Біздің елге келіп, тапсырмаларымыздың бәрін дұрыс орындағандарын үшін сендерге алғысымызды білдіреміз.

Алғыс хат тарату

Рефлексиялық- түзетушілік

1. Қайда елге саяхат жасадық? Немен саяхатқа бардық?

2. Қандай тапсырмалар орындадық?

3. Бүгінгі өткен пішіндерімізге қандай заттар ұқсайды екен?