Мектепалды даярлық тобы
Музыка: Жау, жау, жаңбыр
Оқу қызметінің мақсаты
Музыкалық ойындағы кейіпкердің қимыл-әрекетін бере білу қабілеттерін
қалыптастыру; музыкалық аспаптарда жәй және қатты дыбыстарды топпен
бірге ырғақты ойнай білу дағдысын жетілдіру.

Сөздік жұмыс
"Қамажай", "бір тал үкі", "халық әні", "халық арасынан шыққан", "Ақ жаңбыр"
сөздерін пайдалану.

Әдіс-тәсілдер
Көркем сөз, жаттығу, қайталау, түсіндіру, көрсету, баяндау, пысықтау, миға
шабуыл, кері байланыс, музыкалық-дидактикалық ойын.

Құрал-жабдықтар
Көрнекілік материалдар
Интербелсенді тақта, музыкалық аппаратура, музыкалық-дидактикалық ойын,
дидактикалық ойынға арналған суреттер,

Оқу қызметінің барысы
1. КІРІСПЕ БӨЛІМ
1.1. Сәлемдесу. 
Балалар оқу қызметі басталысымен залға Е. Тиличееваның «Марш» шығармасы
әуенімен қатар түзеп кіреді. Балалар адымдау кезінде денелерін түзу, басын
жоғары көтеріп, тік ұстап, тізелерін жоғары көтеріп жүреді. Балалар адым
әуенімен залдағы кілемнің ортасына келіп тұрады да, үлкен шеңбер жасайды.
Оқу қызметін бастай бергенде педагог жаңбырдың дауысын қояды. 

1

Әуенді тыңдау және бейнелерді көру үшін QR-кодты сканерлеңіз

- Балалар, жаңбыр жауып кетті ғой, енді қайттық, тезірек барлығымыз
тығылайық, қолшатырдың астына. 
Балалар, жүгіріп қолшатырларды алады. 
- Балалар, жаңбар неге пайдасы бар? Қалай ойлайсыңдар?
- Иә, жақсы, егін алқабын суарады. 
- Балалар.
1.2. Музыкалық - ырғақты қимылдар
Музыка жетекшісі:
- Балалар, қазір Е. Андосовтың «Біз билейміз» музыкалық-ырғақтық
шығармасымен жаңа жұптасып билеудің элементтерін үйренуді жалғастырамыз.
Е. Андосовтың шығармасы бойынша музыка жетекшісі балаларды жұппен
шеңберге тұрғызып, музыка сипатына сай ырғақтық қимылдарды жасауды
үйретеді. Педагог балалармен бірге шеңбер адымдарын жасайды да шеңбер
бойымен адымдап бара жатқан балаларды бақылайды. Балалар жұппен бірігіп,
аяқтың ұшымен жеңіл адым элементтерін жасайды, орындарында тұрып, өзі
тұрған орнын айналып, шеңбер адымын жасайды. Шеңбер бойымен жүріп,
қолдарын жоғары көтереді, орындарында тұрып, жеңіл секіреді. Орындарында
тұрып, жұппен оң жаққа, сол жаққа кезек-кезек қарап, айналады. Аяқтарымен
сол жанына, орнына, оң жанына, орнына жаттығуларын жасайды. 
 «Біз билейміз» әуенімен денелерін тік ұстап, шеңберді айнала жүріп, вальс
сипатындағы ырғақты қимылдар жасайды. Орындарында тұрып, педагогтің
көрсетуімен екі аяқтарын кезек-кезек алмастырып, орындарында тұрып
айналады, қайтадан залды айналып шеңбер бойымен жүріп, орындарында
тұрып, вальс элементтерін көрсетеді. Осылайша педагогтің көмегімен 2-3
айналым жасайды.
Соңында барлық балалар бірігіп, үлкен шеңбер жасап, гүлдің бейнесін жасап,
биді аяқтайды.
2. НЕГІЗГІ БӨЛІМ
2.1.  Ән тыңдау
- Балалар, бәріміз ыңғайланып отырып, қолымызды тіземіздің үстіне қоямыз,
денемізді еркін ұстаймыз.
2

Әуенді тыңдау және бейнелерді көру үшін QR-кодты сканерлеңіз

- Басында Қамажайдың бір тал үкі
- Айрылып Қамажайдан болдым күлкі
- Айрылып Қамажайдан отырғанда
- Келеді қай жерімнен ойын-күлкі
- Ахау хайлилайым, лилилайым,
- Қамажай қалдың кейін сәулетайым
- Қолында Қамажайдың алтын жүзік
- Қамажай отыр ма екен көзін сүзіп
- Көрмесе жарта сағат тұра алмаушы ед
- Апырмай кетті ме екен күдер үзіп
- Ахау хайлилайым, лилилайым,
- Қамажай қалдың кейін сәулетайым.
- Кәне, балалар, шапалақпен ұра отырып, әуенді тағы да қайталап
тыңдайықшы! Керемет! Ән өте керемет балалар, солай ма? Иә.
Музыка жетекшісі әнге қатысты ой қозғау мақсатында балаларға сұрақтар
қояды:
- Балалар, ән жазатын адамды кім деп атаймыз? Сазгер. Тамаша.
- Балалар, біз бүгін қандай ән тыңдадық? Қамажай туралы. 
- "Қамажай" әнінің әуенін жазған кім? Халық. Жарайсыңдар.
- "Қамажай" әнінің әуенін неге халық жазған? Себебі, халық арасынан шыққан.
- Жарайсыңдар, балалар!
2.2. "Ненің әуені" музыкалық-дидактикалық ойын. 
Ойынның мақсаты: Ойын есту қабілеті мен музыкалық жадыны дамытуға
көмектеседі.
Ойынның шарты: Педагог интербелсенді тақтадан орман тұрғындарын көрсетіп
және олардың әуендерін қосады, сол әуен қай аңға қатысты екенің балалар
табу қажет. 
- Балалар, сендерді орман тұрғындарымен таныстырғым келеді. Тыңдап,
олардың әуендерің естеріне сақтап алыңдар. 
- Балалар, сендер барлық орман тұрғындарының әуендерін таба алдыңдар ма?
- Жарайсыңдар! 
2.3. Дауыс жаттығулары.
3

Музыка жетекшісі балалардың назарын өзіне аударып:
- Балалар, денемізді тік ұстап, орындықтың шетіне отырамыз.
- Балалар, орманда бір қоян келе жатып сәбізін жоғалтып алды. Ол сәбізін табу
үшін ағаштардың маңына барып мұрнымен иіскей жөнелді. Кәне, қоян қалай
сәбізін тауып алды? 
- Балалар, қоян сияқты иіскейміз. Енді тілдің ұшын тістеп, тілді оң және сол жақ
тістермен кезек басамыз, тілді таңдайға тигіземіз, тілді алға созамыз, тіл астын
көрсетеміз. Жарайсыңдар.
- Енді, балалар, менімен бірге әннің сөзін бірге айтамыз.
- Тоқ- тоқ, тоқылдақ, 
- Жерден тары шоқып ап, 
- Тоқылдайды тоқылдақ, 
- Тоқ-тоқ-тоқ. 
- Ахау ,егигай, 
- Ән сал бозторғай, 
- Біз әніңді үйреніп,
- Күнде ән сап жүрейік. Тамаша.
- Балалар, енді бәріміз, ара болайықшы?! 
- Аралар,
- Арамыз, біз арамыз, 
- Әнге салып барамыз.
- Жу-жу-жу-жу-жу-жу. 
- Қызыл, жасыл гүлдерден, 
- Балды сорып аламыз. 
- Жу-жу-жу-жу-жу-жу. Жарайсыңдар.
2.4. Ән салу. Е. Хасанғалиев «Ақ жаңбыр» әні.
- Балалар, бүгін біз «Ақ жаңбыр» әнін айтуды үйренеміз.
- Қәне, бәріміз, екі қолымызды алдымызға қойып, денемізді бос ұстап, әнді
алдымен тыңдап алайықшы! 
Музыка жетекшісі әннің үш шумағын үш командаға айтқызып, ал, қайырмасын
барлық топ қосылып орындауға үйретеді.
- Кәне, балалар, шапалақпен сөздерін тағы да қайталап айтайықшы! Керемет! 
- Бүгін өте жеңіл ән балалар, солай ма? Әнді бәріміз қосылып айтамыз. Музыка
жетекшісі балаларға әнді қайталатып, балалар қабылдағанша айтқызады. 
Музыка жетекшісі балаларға әнді 2-3 рет айтқызып, қайталатып, өзі бірге әнді
айтып шығады.
2.5. Музыкалық аспаптарда ойнау.
Музыка жетекшісі:
4

- Балалар, бәріңде сылдырауық бар ма? Иә.
- Онда тыңдайықшы, мен қазір мына сылдырауық аспабында ойнаймын, ал
сендер менімен бірге қайталап отырасыңдар, келістік пе? Иә.
- Балалар, сылдырауықтарды алайық, балалар! Енді музыканы тыңдай отырып,
менімен бірге сылдырауықтарды сылдыратамыз. «Калинка» - орыс халық әуенін
сылдырауықтар аспабында ойнау.

Әуенді тыңдау және бейнелерді көру үшін QR-кодты сканерлеңіз

Музыка жетекшісі балаларға әнді шығарманы тағы да тыңдатып, музыканың
қай бөлігіне келгенде сылдырауықтарда ойнау керектігін айтады. 
- Балалар, бұл сылдырауықтармен ойнап жатқан шығарманы құстарға
арнаймыз, солай ма? Иә.
Сылдырауықтар аспабында ойнап болған соң, музыка жетекшісі балаларға
сұрақ қояды:
- Шығарма қалай аталады? Калинка.
- Балалар, бұл шығарманың авторы кім? Халық. Жарайсыңдар.
- Қай халықтың шығармасы? Орыс халқының. Тамаша.
- Тамаша, балалар! Балалар, дыбысты тыңдай отырып, менімен бірге
сылдырауықтарды жақсы сылдыраттыңдар.
2.6. "Бізге келген қонақтар" дидактикалық ойыны
Ойынның мақсаты: Кейіпкердің мінезіне сай, аспаптық әуенді ажырата білуге
үйрету.
Ойынның көрнекілігі: аңның, құстың, қоянның бет пердесі. 
Ойынның шарты: алдын-ала бір бала керменің артына барып, аңның немесе
құстың бет пердесін киеді. Ал 3-4 бала аспаптарды (дабыл, сылдырауық,
металлофон) алдына қойып, келген қонақтың мінезіне сай, аспапты соғады. Аю
келсе, жуан дыбыстар, қоян келсе, секіртпелі дыбыстар, торғай келсе, жіңішке
дыбыстарды соғу керек.
3. ҚОРЫТЫНДЫ
Балалардың бүгінгі тапсырманы қандай деңгейде қабылдағандарын пысықтау
үшін музыка жетекшісі:
- Балалар, оқу қызметінде қандай ән тыңдадық?
- «Қамажай» әнін.
5

- Қандай ән айтуды үйрендік? 
- «Ақ жаңбыр»  әнін.
- Балалар, нан неден жасалады? Ұннан жасалады екен.
- Ұн қайдан пайда болады? Бидайдан. .
- Бидай қайда өседі? Егістікте. К.
- Керемет, балалар, бүгін сендер жақсы белсенділік көрсеттіңдер, рақмет! 
- Оқу қызметі аяқталды. Сау болыңдар!

6