"Жігіт сұлтаны" сайысы.

Сайыстың мақсаты:Ата салтын насихаттай отырып,нағыз қазақ жігітінің бойындағы қасиеттермен таныстыру.Елін,жерін сүйетін жігерлі,рухты ұрпақты тәрбиелеу.

Көрнекіліктер:шарлар,слайд,асық,музыка

Өтілу барысы:

1-жүргізуші:Қайырлы күн,құрметті ұстаздар,оқушылар!Бүгін бізде "Жігіт сұлтаны атты бойында өршіл рухы бар,парасатты жігіттер сайысы өтпекші.Қош келдіңіздер!

2-жүршізуші:Армысыздар,халқым менің,

Армысыздар,салты елдің.

Жаңғыртпақ ата-баба салтын бүгін

Қырағы жігіттері мектебімнің.

1жүргізуші:Бағына бақытты елдің туған ұлан,

Бойына бар асылды жиған ұлан.

Қазақтың қасиетті жігіттері,

Жанына нұр дарыған,жыр дарыған.

2-жүргізуші:Дария ой,даналардан бата алғандар,

Айнымас алмас қылыш атанғандар,

Қасиетті қазақтың жігіттері,

Халқына қалқан болған қаhармандар.-

деп ақындар жырлағандай,халқымыздың әдет-ғұрпында отбасына ұл баланың келуі "ұл туғанға,күн туған"деп ерекше бақыт санаған.Оның себебі,қазақта отбасының жалғасы,шаңырақтың иесі ұл бала деп есептеген.Халқымыз ұл бала тәрбиесіне ерекше көңіл бөлген.Ер баланы адамгершілікке,батырлыққа,батылдыққа баулыған.Ендеше,бүгінгі сайысқа қатысушы жігіттерімізге сәттілік тілей отырып,сайысымызды бастаймыз.Сайысқа қатысушы өнерлі де,өжет жігіттерімізбен таныс болыңыздар.

Слайд(экранға назар салайық)

1-жүргізуші:Ата жолын жалғайық,

Ел дәстүрін қолдайық.

Ел намысын қорғамақ.

Жігіттер шықсын ортаға.-деп қошеметтеп ортаға жігіттерді шақырамыз.

1.

2.

3.

4.

5.

2-жүршізуші:Ей,жігіттер!Сендерге міндет көп,

Көтер биік ата-салтын құрметтеп.

Ақтай білсең ата-баба үмітін

Әрбір сөзі, тәлімі мол бір мектеп-

деп өнер сүйер қауым,бүгінгі сайыстың жоспарымен таныстырып өтейік.Байқау төрт кезеңнен тұрады.

1-жүргізуші:Бірінші кезең-"Тегімді менің сұрасаң"сайыскерлеріміз өздерін таныстырады.

2-жүршізуші:Екінші кезең-"Көңілі ояу,көзі ашық жігіттерге халқымыздың салт-дәстүрінен сұрақ қойылады.

1-жүргізуші:Үшінші кезең-:Жігітке жеті өнер де аз"өзінің бойына дарыған өнерін көрсету.

2-жүргізуші:Төртінші кезең-:Күш атасын танымас"сайыскерлеріміз қол күшінен сынға түседі.

1-жүргізуші:Нағыз кәусар жігітті,

Нағыз қайсар жігітті.

Нағыз бұлбұл жігітті.

Нағыз дүл-дүл жігітті-анықтайтын әділқазылар алқасымен таныс болайық.

1.

2.

3.

1-жүргізуші:Сап түзеді жігіттің сұлтандары,

Мектептің мен-мен деген ұландары.

Қоржыннан бір-бір асық алса екен,

Сахнаға шығатұғын тұмарлары.

(Жігіттер дорбадан асықтан алады)

Жігіттер асықтағы сандарды атап шығыңыздар.(жігіттерге дайындалуға рұқсат беру)

Ән:"Қазақ жігіттері"

1-жүргізуші:Өнер қуып жігіттер өтер деймін.

Бір басына өнері жетер деймін.

Бәйгеге түскен бес жігіт кезектесіп,

Таныстырып өздерін өтер деймін.

Жігіттерді ортаға шақырамыз.

2-жүршізуші:Қазақтың түрлі-түсті дәстүрі бар,

Оның сырын ашқанда жұрт қызығар.

Жауаптарын табарма екен бұл жігіттер?

Сондықтан,қойылатын сұрақтар бар.

Сайыскерлер сұрақтарды суырыңыздар,ойлануға 3минут беріледі.

Ән:Супыгалиева Фатима "Жас өрен"әнімен

1-жүргізуші:Қазақта жігіттерді былай атаған"Көсем жігіт"-ел басқаратын жігіт,Шешен жігіт-дау шешетін жігіт,"Батыр жігіт-еліне қамқор жігіт.Сері жігіт-аттың жүйрігіне мініп,иттің алғырын ертіп,мың құбылтып ән салып,күмбірлете күй тартатын өнерлі жігіт.Олай болса сері жігіттеріміздің өнерін тамашалайық.

2-жүршізуші:Ер өнері білінбес

Қоян-қолтық алыспай.

Күш өнері білінбес,

Бәйгеге түсіп жарыспай-дегендей сайысымыздың келесі кезеңі "Күш атасын танымас"деп аталады.Бұл кезеңде сұлтандарымыз қол күшінен сынға түседі. Ендеше,сәттілік тілейміз!

2-жүршізуші:Құрметті өнер сүйер қауым,қадірлі қонақтар !Өздеріңізбен бірге қызықтап,өнерлерін тамашалаған сұлтандар сайысы аяқталды."Жүйріктен жүйрік озар жарысқанда"демекші,бүгінгі сайысымыздың жеңімпазын анықтау үшін әділқазыларға сөз береміз.

1-жүргізуші:Осымен "Жігіт сұлтаны" атты бойында өршіл,рухы бар,парасатты жігіттер сайысы мәреге жетті.Қазылар алқасы өз шешімін шығарғанша,әсем әнге кезек берейік .

Марапаттау.

1-жүргізуші:Бүгінгі сұлтандарымыз,нағыз өнерлі де,өрен ұландар.Әрқашан қадамдарыңа нұр жаусын.Келесі кездескенше күн нұрлы болсын!

Сау болыңыздар!