Ашық тәрбие сағаты "Алтын күз"

Сабақтың тақырыбы: Армысың, алтын күз!

Сабақтың мақсаты: 1.Білімділік: Күз мезгілінің қыр-сырын жете меңгере білу

2.Тәрбиелік: Күзгі енбек және табиғатты сүю, қорғау

3.Дамытушылық: Эстетикалық, экологиялық білім беру

Сабақтың көрнекілігі: Суреттер, жеміс-жидектер, плакаттар, нақыл сөздер,

Сабақтың барысы:

І. Ұйымдастыру кезеңі:

1. Оқушылармен сәлемдесу.

2. сыныпты мерекелік шараға безендіру.

3. Қонақтарды күтіп алу, мерекені өткізу.

ІІ. Күй «Ата толғауы» ойнап тұрады. Оқушылар саппен келіп тақта алдына орналасады.

1. Бастаушы: Армысыздар құрметті ұстаздар мен оқушылар және осы кешке келген қонақтар! Бүгін «Армысың, алтын күз» атты мерекелік кешімізге қош келдіңіздер.

2. Бастаушы: Өрік, алма, шие, алша, Жидек, жүзім піседі. Қауын, қарбыз, қияр сәбіз Қоймаларға түседі Айтындаршы балалар Бұл қай кезде болады? /Күзде/

1 оқушы: Қуандырып біздерді

Берекелі күз келді

Мерекелі күз келді

Көбейді құт-береке

Астық толы қоймамыз

Құтты болсын мереке

Алтын күзді тойлаймыз!

2 оқушы Кездескен соң күзімен

Бұтағынан үзілген

Ай жапырақ сары алтын,

Айналанын бәрі алтын

Қуандырып біздерді

Мерекелі күз келді.

Кел жемісті-алтын күз

Кемелденсін халқымыз!

3 оқушы. Күздің сыйын алайық

Қызығына қанайық

Күзге арнап бәріміз

Әнімізді салайық

4 оқушы Дамылдап жатқан балғындай

Тоқтатты сулар тасуын

Ағаштар алтын жамбыдай

Шашады жерге шуағын.

5 оқушы Жүрексіз қоян безеді

Жөңкіле қаңбақ күздегі

Қиқулап көкте жүзеді

Құстардың керуен тізбегі

6 оқушы Күйекте күйлі мал қанша

Қырманда толы дән қанша,

Алтын күз әсем айналам

Қараймын көзім талғанша!

7 оқушы Күн шуақта маужырап,

Жатыр еді атырап

Ағаштардан жамырап

Ұшып кенет жапырақ

8 оқушы Ой, алақай, тамаша!

Шашу шашып, жапырақ,

Бақтын іші алаша,

Аунар ма еді жатып ап.

9 оқушы Дала сары киінді,

Самал соқты салқындау

Қырмандарға үйілді,

Алтын астық- алтын тау

10 оқушы Тамсандырып тандайды,

Жеміс-жидек піседі.

Жапырақтар сарғайып,

Жер бетіне түседі.

11 оқушы Күз

Мен күзбін. Өте еркемін. Сәл нәрсеге ренжіп бұртиып қабағымды түйе қаламын. Кейде болмашыға өкпелеп көз жасымды аямай төгіп-төгіп жіберемін. Әйтседе, менін жомарттығыммен ақ көңілділігімді бәріде ұнатады.

Күз: - Рахмет! Ал балалар білеме, неге мені «алтын күз» деп атайды?

12 оқушы Алтын, сары, қызыл, көк, Алуан-алуан жапырақ. Күзгі бақта күлімдеп, Көз тартады атырап Мұны көріп, қалай күзді Тенемейміз сары алтынга?

13 оқушы Қауын-қарбыз жемістермен

Толтырамыз қол себетті

Алтын күз деп аталады

Күз айы да сол себепті

14 оқушы Рахмет, балалар, кім күз айларын атайды?

15 оқушы Күз айларына: Қыркүйек, Қазан, Қараша айлары жатады. Бастаушы: Ендеше балалар! Ортаға осы кештің куәгерлерін, яғни күз айларын шакырамыз

16 оқушы Қыркүйек:

Алтын күз!

Сізбен бізге шуак шашсын,

Көңілдің серіппелі күйін ашсын,

Бақпен шаттық бізге қатар қонып,

Береке бірлікпенен ортақтассын!

17 оқушы Қазан:

Қазан айы басталды

Құстар қайта бастады

Туыстық адал достықпен

Жалғасып күндер барады!

18 оқушы Қараша

Күздің қараша айында,

Алма, алмұрт піседі.

Жапырақтар сарғайған,

Сыбдыр-сыбдыр түседі!

Бастаушы: Жапырақтың жауып алтын жанбыры,

Таусылмайды қоңыр күздің ән –жыры

Алатаудың шындарынан шашырап

Далама құйылады таң нұры!

ІІ. Бөлім Күз жұмбақтарын шешеміз

Бастаушы: Ал, балалар, балалар! Күзді енді тындандар Қандай жұмбақ болсада Шешпей оны қоймаңдар

1 жұмбақ: Іші жұмсақ, сырты қатты Еті қызыл, сүті тәтті /Қарбыз/

2 жұмбақ:Дөп-дөнгелек доптай Іші қызыл шоқтай Дәмін татып корсем Одан дәмді жоқтай. (алма)

3 жұмбақ: Тәңертең де,түсте де Күнге бетін бұрады Тостағанын кішкене Тосадыда тұрады, (күнбағыс)

4 жұмбақ: Көктемде көктеп масағы , Шілдеде жайнап шашағы Тамызда толық толықсып Қауызын күзде ашады (бидай)

5 жұмбақ: Тамырдан нәр тарады Жазда жайқалады, Күзде сап-сары боп Жерден жай табады (жапырақ) 6 Беті де қызыл Еті де қызыл Дәмдері жақсы Дәндері тапшы (қызанақ)

7 жұмбақ: Жерге қазық қақтым Басына айдар тақтым (сәбіз)

8 жұмбақ: Асы көп, Халық оны айтады, Дәм басы деп (нан)

« Ұйқасын тап !» ойынын ойнаймыз

Тақ-тақ-тақ (аяқ тарсылдатады)

Айтамыз біз не?(тақпақ)

Рақ-рақ-рақ (қол шапалақтап)

Күзде түсер не? (жапырақ)

Қол-қол-қол (қол бұлғайды)

Күзде егін (мол)

Тоқ-тоқ-тоқ (партаны тақылдатады)

Шыбын-шіркей (жоқ)

4бөлім Ойын . жапырақтарға жазылған12 айдың ішінен күз айлары жазылған жапырақтарды кім тез жинайды? Бір оқушы күз айының атауын айтып жүріп жапырақтарды (қыркүйек,қазан,қараша) Жинап алады

5бөлім Сұрақ-жауап.

1. Күз белгісі не? -жапырақтар сарғаяды. -құстар қайтады -күн суытып, жаңбыр жауады: -жеміс-жидектер піседі. Астық жиналады.

2. күзді неге береке дейміз? -күзде барлық жеміс-жидектер жиналады,егін пісіп,мал семіреді.

3. күзді неге байлық дейміз? - піскен егін, жеміс-жидек дүкендерге түседі,семірген мал сойылып,ет көп болады,молшылық болады.

4. күзді неге мереке дейді? -егін жиналып ,піскен кезде,егіншілер мен жұмыскерлер өз еңбегінің жемісін көріп,қуанады,мерекелейді “ Сабан той”жасап мейрам өткізеді.

5.бөлім. ертегіден көрініс “ Қасқыр мен қоян” орындайтындар: Мақсат пен Тайман.

6.бөлім «жеміс-жидектерден композиция жасау.

Қорытындылау.