Жүргізуші: Құрметті ұстаздар, ата-аналар және оқушылар бүгінгі жазғы демалыс барысында ұйымдастырылған мектеп жанындағы "Балдырған"лагерь ойын алаңының

1-ші ауысымының ашылу салтанатына қош келдіңіздер!

"Біз бақытты балдырған" атты ертеңгілікті бастауға рұқсат етіңіздер.

Кербез:
Ата-ананың тілегі,

Адам болып өскенің.

Адамдықтың тірегі,

Адал болып өскенің.

Сыйла үлкен кісіні,

Қамқорлыққа ал кішіні.

Сақта көше тәртібін,

Бағдаршамның ал тілін.

Әдет қыл бұл ісіңді,

Тазалап жүр тісіңді.

Рауан:

Әдептілік дегенің,

Әрқашанда керегің.

Әсемпаздық дегенің,

Әуре сарсаң әлегің.

Сыйлап сәлем беремін,

Көршілерді көргенде.

Ізетті деп білемін,

Үйге қонақ келгенде.

Әдепсіз деп сөкпесін,

Анама айтып өкпесін.

Думан:

Достарыңды ұмытпа

Көмектес сен, жалықпа

Әрқашанда дайын бол,

Жақсылық тағы жасауға.

Спортпен айналыс,

Сұлулық сыйлаған.

Сол саған пайдалы іс

Сауық пен кинодан.

Адия:

Тәртіпті бала сүйеніш,

Төбең бір көкке жетеді.

Тәртіпсіз бала күйініш,

Төмендеп басың кетеді.

Кәусар:

Алдын үлкен кісінің

Кесіп өтпей көлденең.

Танытып кішілік,

Әдеппен қол берем.

Алдымыздан кезіккен

Көп танысты көреміз.

Бәріне де ізетпен,

Біздер сәлем береміз.

Шымыр:

Дастарханның басында,

Әдептен біз озбаймыз.

Үлкендердің қасында,

Қолды бұрын созбаймыз.

Жақсылықты үйреніп,

Боламыз біз жақсы адам.

Жамандықтан жиреніп,

Үлгі аламыз жақсыдан.

Диас:

Шындықты сақтаймыз,

Шыншылды жақтаймыз.

Шаршы топ алдында,

Шығарып мақтаймыз.

Альбина:

Қарсы ал ерте күн көзін,

Төсегіңді жина өзің.

Асықпай іш тамақты,

Жалама аяқ-табақты.

Пышақты ұста оң қолмен.

Нанды үгітпе, қадірле

Қабығымен бәрін же.

Саусағыңды сормағын,

Салдыр салақ болмағын.

Ақерке:

Кім үлкенді сыйласа,

Кім үлкенді тыңдаса,

Сыйлы болмақ өзі де

Үлкен болған кезінде

Жүргізуші:

Жүздеріңнен мейірім мен нұр тамар,

Алдарыңда жауқазындай құлпырған.

Алаңсыз да балғын шақты балалар,

Қане, бәрің тамашалап, қол соғыңдар.

Ән: «Анашым» .

Жүргізуші:

«Өнерлі өрге жүзер» деп,

Айтылған сөздің жаны бар.

Мың бұрала билеген,

Биімізді қабыл ал.

Өзбек биі

Жүргізуші:

«Ана тілім-өз тілім» деп,

Әуелетіп ән салады.

«Ертегілер» әніменен

Кербез қыз ән салады.

Жүргізуші:

Теңіздей тербетіліп көл бетінде,

Биші қыз билеп берер тербетіле

Аққудай қалықтаған тербетіле

Сабина қыз өнерін көрсетуде.

Хор: «Біз бақытты баламыз»

Жүргізуші: Ертеңгі еліміздің туын желбіретер жас өскіндері, жаман мен жақсыны ажырата біліп, адами қасиеттерді бойға сіңіре отырып, келешекте барлықтарың ар, ұят, намысты ту етіп ұстар азаматтар мен азаматшалар болыңдар.

Бекітемін

Мектеп директоры:

Н.Артықбаева

Н.Әлмұханбетов атындағы орта мектебі мектепке дейінгі шағын орталығы жанындағы «Балдырған» демалыс лагерінің 3-ауысымындағы өткізілетін іс-шаралар

Ж о с п а р ы

Дайындаған: К.Оразбаева

Б.Мусабекова