Ашық тәрбие сағаты "Мемлекеттік рәміздер - ұлт мақтанышы" 8 сынып

Тақырыбы: «Мемлекеттік рәміздер – ұлт мақтанышы»

Мақсаты:

• Оқушыларды Қазақстан Республикасының мемлекеттік нышандарын қадірлеуге, олардың символикалық айырым белгілерін білуге, әрқашан жоғары ұстауға, қорғауға тәрбиелеу.

• Еліміздің мемлекеттік рәміздерінің қадір –қасиетін оқушыларға ұқтыра отырып, оларды ұлтжандлыққа, ізгілікке, адамгершілікке тәрбиелеу.

Өткізілу түрі: Дөңгелек үстел басындағы сұхбат-кеш

Көрнекілігі: Қазақстан Республикасының рәміздері, қанатты сөздер, бүктемелер, видиокасета, түрлі-түсті суреттер.

Аудиторияның безендірілуі: шар ілінген, қанатты сөздер мен суреттер қабырғалардың ажарын келтіреді.

Қазақстан Республикасының Мемлекеттік Әнұраны ойнатылады!

Аружан: Қымбатты қонақтар , ұстаздар, оқушылар! Еліміздің рәміздеріне арналған тәрбие сағатына қош келдіңіздер!

Рүстем:

Биік ұста тәуелсіздік жалауын

Бірлік , достық бейбітшілік қалауын

Аружан:

Қарасам Қазақстан картасына

Кенелген мол байлықтың алқасына

Тұрғанда көкшіл туың көкті тіреп,

Бұйырсын әр қазақтың отбасына!

Рүстем: Қазақстан Республикасы - елімізде тұратын әр азаматтың туған жері, Отаны болып табылады. Ал әрбір тәуелсіз мемлекеттің тәуелсіздігін білдіретін символикалық айырым белгілері- Мемлекеттік Рәміздер деп аталатынын барлығымыз білеміз.

Аружан: Мемлекеттік Рәміздер белгілі бір мағына берерлік өзара үйлесімде орналастырылған жанды-жансыз заттардың бейнелерінен құрастырылады. Мұндай бейнелер үйлесімінен мемлекеттің, елдің арман-мұраты, өзін-өзі түйсінуі көрініс береді.

Рүстем : балалар осыдан тура 25 жыл бұрын 1992 жылы 4- маусымда Елбасы Нұрсұлтан Назарбаев «Қазақстан Республикасының Мемлекеттік жалауы туралы» «Қазақстан Республикасының Мемлекеттік елтаңбасы туралы», «Қазақстан Республикасының Мемлекеттік әнұраның музыкалық редакциясы туралы» заңдарға қол қойып, Қазақ елі өзінің мемлекеттік рәміздеріне ие болды. Содан бергі аралықта Қазақстан Республикасы дербес, тәуелсіз ел деп бүкіл әлем мойындап, ол негізгі халықаралық ұйымдарға мүше болып қабылданса, соның белгісі ретінде осы елдік айшықтарымызда да танып отыр! Таңатарұлы Жарас бізге Мемлекеттік Ту туралы бізге өте қажетті мәліметті жарияламақ!

Ән шашу:

Аружан:

Тұрғанда көкшіл туың көкті тіреп

Қазағым сен қашанда тұғардасың!

Биік ұста тәуелсіздік жалауын,

Бірлік, достық, бейбітшілік қалауын

Рүстем : Көк аспандай көгілдір

Қазақстан байрағы

Тұрса күндей төгіп нұр

Жылдарымыз жайдары

Көк байрақтың бетінде

Қыран бүркіт қанаты

Сол қырандай еркіндеп,

Біз өсеміз талапты

Аружан: келесі кезекте Емутбаев Арман Мемлекеттік елтаңбаның қадір қасиетін түсіндіріп өтпек!

Рүстем: Арманның керемет есте қалардай мәліметтері мен даналық өсиеттей мағынасы бар сөздерінен кейін әдемі күйді тыңдайық.

Борашев Темірлан «Елтаңбам»

Аружан : Қазақстан Республикасының Мемлекеттік әнұран сөзін жазғандар- Нұрсұлтан Назарбаев пен Жұмекен Нәжімеденов, ал музыкасын жазған- Шәмші Қалдаяқов

Жыр айтқан балалардан айналамын,

Елім деп еміренсе жанданамын

Жүректер «Қазақстан»деп күнде соқса,

Марқаямын, мақтанам, қуанамын!

Рүстем:

Қазақстан Республикасының мемлекеттік рәмәздері тәуелсіздік нышаны ретінде ерекше қадірленіп, оларға биік мәртебе беріледі, сондықтан да мемлекет адамдарға мемлекеттік рәзімдерді қастерлеуді парыз етеді.

Қазақстандық париотизм елдің нағыз париоттарын қалыптастыратын құбылыс. Қазақстан патриоты, біріншіден, Қазақстан Республикасының мемлекеттік рәміздеріне : Туына, Елтаңбасы мен Гимніне ерекше құрметпен қарайды, мемлекеттік нышандарымызды шын ниетімен қадірлейді және оны басқалардан талап етеді. Сондықтан біз де өз еліміздің патриоты ретінде еліміздің елдік нышандарын қастерлейік, құрметтейік, балалар!