Сабақ мақсаты:

Дұрыс әрекет құндылығы арқылы әдептілікті бойларына сіңіріп өсудің артықшылығын түсіндіру.

Міндеттері:

• Бір-бірін сыйлауға үйрету;

• Қамқорлық жасау дағдысын дамыту;

• Әдептілікке тәрбиелеу.

Ресурстар: оқулық, дәптер, интерактивті такта, кесте салынған плакат.

Сабақ барысы:

1. Ұйымдастыру кезеңi. Тыныштық сәтi.

« Көңіл толқыны» күйі. Сәкен Тұрысбеков.

2. Үй тапсырмасын тексеру

Болат Үсенбаев. Әдеп. 51-бет.

1. «Өзара сыйластық» дегенді қалай түсінесіңдер?

Дәйексөз:    

«Көп жүрген жер-көңілді, көп еңбегі-өнімді»

Халық даналығы

1. Неліктен көп жүрген жер- көңілді делінеді?

2. Көптің еңбегі не үшін өнімді?

Әңгiмелеу . Ермек Өтетілеуов.

«Бірлік» (51-52 бет)

Данияр мектептен келсе, үйдің алды омбы қар боп қалыпты. Ол тамағын ішті, аздап демалды да аулаға шықты. Қорадан қол шанасын алып, оған талдан тоқыған қорапты таңып бекітті. Қолына күрек алды. Ауланың қарын тазартуға кірісті. Қорапқа қар толтырып, шанамен сырғытып, оны алысқа апарып төгеді. Жалғыз өзі қанша қимылдаса да, ісі өнбеді.

-Данияр! Кел, мен саған көмектесейін, - деді көрші үйдегі досы Нариман. Нариман да қол шанасын сүйреп шығыпты.

-Содан кейін бірігіп біздің үйдің алдын тазалайық, жарай ма?

-Жарайды,-деді Данияр қуанып.

Екеуі екі шанамен қар толтырып тасып, жұмысты тез аяқтады. Осыдан кейін Нариманның үйінің алдына келді. Бұлардың жанына көмекке көрші үйдегі Берік пен Серік келді. Төртеуі ойнап-күліп жүріп, қызу еңбекке кірісті. Олардың бұл істеріне үлкендер сүйсіне, қызыға қарайды.

• -Алақай! Екі сағатта бәрін бітірдік!-деп айқайлады балалар. Осылайша, төрт дос күш қосып, төрт үйдің алдын лезде-ақ қардан тазалап шықты. Мұның аты бірлік еді.

• Сұрақтар:

• 1. Жалғыз боп істеген жұмыстан, көп болып істеген жұмыстың қандай айырмашылығы бар? 

• 2. Бірлесе отырып жасаған жұмыстарыңның ерекше есте қалған сәттеріңмен бөліссеңіздер.

• 3. Бірлік дегенді қалай түсінесіңдер?

4. Достарың көп болуы үшін қандай өзің қандай болуың керек?

5. Осы әңгімеде дұрыс әрекет құндылығы қай қасиеттер арқылы ашылады?

6. Өз отбасыңа сен қалай көмектесесің?

Шығармашылық жұмыс, топтық жұмыс.

-Балалар. Бізге досымыз Алпамыс келгелі жатыр. Алпамысқа демалатын үй керек. Ендеше , бәріміз бірігіп, оған әдемі үй салып берейік. Балалар үстел үстіндегі қағаздан жасалған үйдің іргетасын, керегесін, шатырын, есік-терезесін алып, оның артқы бетіндегі сөздерді, мақалды оқып, жетіспейтін сөзін қосып айтып, «үйді» тұрғызады.

Үйдің іргетасына, керегелеріне: жазылған мақал-мәтелдер:

1. Көпшіліктен береке кетпес, берекеден ..(мереке)......кетпес

2. Бірлік бар жерде.......(тірлік)........бар.

3. Татулық –табылмас...(бақыт)...........

4. Игілік басы-.........(ынтымақ).............

5. Бірлігі .(жоқ)... ел тозады, бірлігі.....(күшті)...ел озады.

6. Әдептілік,(ар-ұят)...- адамдықтың белгісі.

Үйдің есігіне: Қош ...келдіңіздер...............

Үйдің шатырына ....денсаулық, бақыт .................тілеймін!

Үйдің терезесіне сәттілік тілеймін!

Ал енді балалар, тағы бірлік, сыйластық, қамқорлық, әдептілік қасеттеріне байланысты қандай мақал-мәтелдер білесіздер ?

Сонымен балалар біз осылайша достық, бірлік үйін жасадық. Сіздерге көп-көп рақмет.

Үстел үстіне үй макетінің қатты қағаздан қиып жасалған іргетасын, керегелерін, шатырын, есік терезесін жайып қоямын.

Сұрақ-жауап

1. Сыйлап үлкен ағаны

Сәлем берген баланы кім дейміз? (ұқыпты)

2. Таудай биік талабы

Жақсы оқитын баланы кім дейміз?(үлгілі)

3. Бақшаны суарып, келеді су алып,

Қояды жайнатып, самаурын қайнатып.

Ол қандай бала? (еңбекқор)

4. 5 асыл (талап, еңбек,терең ой, қанағат, рақым)

5. 5 дұшпан (өсек, өтірік, мақтаншақ, еріншек, бекер мал шашпақ)

3. Топпен ән айту

«Не деу керек?» әні Әнуарбек Дүйсенбиев.

Әдептілік туралы ой бөлісу.

4. Үй тапсырмасы

Аяқталмаған ойын. М.Төрежанов. (57 бет)

5. Сабақтың қорытынды сәтi.

"Әдепті бала ата- анасын мақтатар, Әдепсіз бала ата- анасын қақсатар"- деген мақалды есте ұстайық. Сіздер әр дайым әдептілікті сақтап, бір-бірілеріңізге қамқор болып, көмектесе жүріңіздер. Алдағы уақытта тәртіпті де, тәрбиелі ұл - қыз болып, адамгершілік қасиеттерді биік ұстап, мектеп ішінде, үйде, қоғамдық жерлерде өздеріңді де, өзгені де сыйлап, әдептілік танытайық жас дос!

Әдеп, ізет, иба да, 
Шарайнасы жаныңның. 
Әдептіні сыйла да, 
Тәңіріндей табынған. 

«Сіз бен біз бірге болайық!» ағайын.

1. Тыныштық сәті: "Үш қоңыр" әні сөзі: Н.Назарбаев 
   әні: А.Қоразбаев