«Тараз қаласының білім бөлімінің №3 мектеп-лицейі» КММ

ТӘРБИЕ САҒАТЫ

Тақырып: «Тіл- тірегіміз, соғып тұрған жүрегіміз»

Сынып: 1 «И»

Сынып жетекшісі: Жакипова А.Р.

2021-2022 оқу жылы

Тараз қаласы

«Тіл- тірегіміз, соғып тұрған жүрегіміз»

Мақсаты: Оқушыларды туған халқының тілін қастерлейтін саналы да парасатты азамат етіп тәрбиелеу.

Көрнекілігі: Сыныпты тақырыпқа лайық безендіру, нақыл сөздер.

Мұғалім: Сәлеметсіңдерме,балалар!.

1.Ата-бабамыз ежелден үш нәрсені бойтұмардай қасиет тұтып ,қадірлеп өткен.Ол-ел,жер,және тілі мен діні.Ана тілі әр халықтың-төл белгісі.Адам білімді,тәлім-тәрбиені тіл арқылы алады.,мәдениетті,өнерді,салт-дәстүрімізді,ғылымды тіл арқылы үйренеді.Оның құдіреті,қасиеті туралы ақын толғаулары өте көп.Мысалы,Б.Момышұлы атамыз «Тілін білмеген-түбін білмейді!» десе,Ғ.Мүсірепов атамыз «» деген екен Бұл сөздердің астарына үңілер болсақ, үлкен мән-мағына жатқан жоқ па?Шынында да тілін білмеген адам өз халқының тарихын,дәстүрін,мәдениетін өз тілінде сезініп,терең бойлай алмаса,ол қасірет емес пе?Сондықтан әр адам өз ана тілін көзінің қарашығындай сақтап,қастерлеуге тиіс.

Ана тілі- адам болып жаралғаннан бері жан дүниесінің айнасы, өсіп-өніп, түрлене беретін,мәңгі құламайтын бәйтерегі.Ана тілі жүректінің терең сырларын, халық тарихының барлық кезеңдерін, жанның барлық толқындарын ұрпақтан-ұрпаққа сақтап отыратын қазына.

2. Оқушы:

Қазақ тілі аса бай, икемді тіл.Қалай исең, солай иіле береді.Орамын, бұрымын тауып, қисынын, орайын келтіріп пайдалаңсаң,бұл тілмен сурет салуға, тас қашап,ағаш, текемет оюға болады-ау.Бұл тілден май тамады десе де сыяр.Халықтың тіліне жырына құлақ салсаң, небір алуа-шекер балдай татитын нәріне,әріне әсте тоймайсың.Ғашықпын қазақ тіліне...Осындай майса , сұлу тілді қалай өгейсітуге болады.

3. Оқушы Ана тілім- тірлігімнің айғағы,

Тілім барда айтылар сөз ойдағы,

Тілім өссе, мен де бірге өсемін,

Тілім өшсе , мен де бірге өшемін.

Оқушы: Ана тілін білмеген- ақылы жоқ желікбас,

Ана тілін сүймеген- халқын сүйіп жарытпас.

Оқушы: Туған тілім- бабам тілім- өз тілім,

Туған тілім- анам тілім- өз тілім,

Туған тілім- далам тілім- өз тілім,

Туған тілім- адам тілім- өз тілім.

Оқушы: Туған тілде сыры терең жаным бар,

Туған тілде әнім менен сәнім бар.

Туған тілім тіл болудан қалса егер,

Жүрегімді суырып-ақ алыңдар!

4. Мұғалім: Құлақтан кіріп бойды алар,

Жақсы ән мен тәтті күй.

Көңілге түрлі ой салар,

Әнді сүйсең, менше сүй.

«Ана тілім» әні . Орындайтын хор.

5. Оқушы:

Ана тілім,Алтын ұям,Құндағым.

Ақ бесікте әлдиіңді тыңдадым.

Сенің жырың,сенің әнің айтарым

Санам сөніп байланғанша тіл-жағым.

.Біз тіл туралы біраз ,мақал-мәтелдер,нақыл сөздер оқып,үйренудеміз.Олай болса «Кім тапқыр»-ойынын ойнап жіберейік.Мақал-мәтелдердің алғашқы сыңары айтылады,сіздер екінші сыңарын аяқтайсыздар.

1.Тіл буынсыз,…(ой түпсіз)

2.Піл көтермегенді-…(тіл көтереді)

3.Шешеннің тілі ортақ,…….(шебердің бізі ортақ)

4.Әділ тіл-…(ақыл таразысы)

5.Тілде сүйек жоқ- ….(таста тамыр жоқ).

6.Қызыл тілде……( буын жоқ).

7.Бас ойланғанда-……(тіл тыныстайды).

8.Тілмен байланған……(қолмен шешілмес)

9.Басқа бәле….(тілден)

10.Өнер алды….(қызыл тіл)

11.Тіл тас жарады,тас жармаса…..(бас жарады)

12.Тілі саудың-…..(діні сау)

-Балалар, сонымен тіл туралы не білдік?

-Халық бар жерде тіл бар.

Тіл бар жерде өнер бар.

Өнер бар жерде жанкүйер бар.

Әр халықтың ана тілі- оның бақыты, оның қуанышы.

Туған тілің мақтан ету, оны таза сақтау, оның өрлеп, өсе түсуіне еңбек сіңіру- әрбір қазақ отбасының жүрегі.

Халықтың қуаты- тілдің қуаты.

Біз ана тілімізді ең айтқыш, ең білгір, ең бай тілдердің біріне айналдыруымыз керек.

Сонымен құрметті оқушылар,бүгінгі тәрбие сағатымызда оқып-үйренгеніміздей,Әр адам өз елінің,жерінің халқының мәртебесін биіктетуі үшін,алдымен,анна сүтімен бойға сіңген қасиетті байлығы-ана тілін жетік білуі қажет екен.

22-қыркүйек Тіл мерекесі құтты болсын!

Тіл –тірегіміз соғып тұрған жүрегіміз.

Тілімізді қастерлей білейік.Жүрегіміздің соғуы тоқтамасын.

Тіл тағдыры-өз қолымызда-дей келе бүгінгі тәрбие сағатымызды аяқтаймыз.