Арнайы мектеп педагогикалық ұжымдар, балалардан қоғамға деген қажеттілігін тәрбиелеуге бағытталған.Естімейтін және нашар еститін балаларды еңбекке тәрбиелеу басты мақсат болып табылады.Бастауыш сыныптарынан бастап,балалар өздерінше қызмет етеді:дене шынықтыру,төсектерін жинайды,сыныпта кезекшілік атқарады.Кейінен өзіне қызмет ету қиындатылады: асханада кезекшілік атқарады,мектеп ауласын тазартады.

Жоғарғы сыныптың балалары өзіне қызмет көрсетуді үйреніп қана қоймай,сонымен қатар бастауыш сынып оқушыларына өздерінің тәжірибелерін үйретуге тырысады.

Естімейтін және нашар еститін рухани байлықтарды әртүрлі қабылдайды.Осының салдарынан психикалық даму ерекшеліктері байқалады.Қоғамдағы қарым-қатынасты игеру балалардың жанұядағы қарым-қатынасына,жанұядағы мәдениетіне, педагогикалық жұмыс жүйесіне байланысты.Мектепке дейінгі және мектеп жасындағы естімейтін балалардың негізгі іс-әрекеті –ойын.Д.Б.Элькониннің айтуы бойынша «Ойын арқылы іс-әрекет пайда болып,адамгершілік артады».Өмірдің әртүрлі жағдайларын ойнай отырып заттар, құбылыстар және адам турлы мағлұматтар алып, оларда ұжымдық, қоршаған ортамен және бір-бірімен қарым-қатынасты қалыптастырады.Естімейтін балалар және нашар еститін балаларды тәрбиелеуде,мұғалімдер мен тәрбиелеушілер, олардың даму ерекшеліктеріне қарап,әдістер мен тәрбиенің салаларына байланысты нақты формаларды өңдеп,қарастырған жөн. Осы мәселелерді арнайы мектептерде қарастыру үшін ең алдымен тәрбиені тәжірибелер арқылы зерттеп,жалпылап алу керек.

Естімейтін және нашар еститін балаларға арналған мектептің жалпы және негізгі мақсаты –ол балаларды жан-жақты дамытып, өз бетімен өмір сүруін және еңбек етуіне даярлық жасау .Бұл міндеттерді шешу үшін жүйелі түрде коррекциялық шаралар жасау, есту кемістігі бар балалардың кемістігін жақсартыу, жеке тұлғаның жан-жақты қалыптасуы мен әлеуметтік бейімделуін жоспарлап жүргізу керек.

Естімейтін және нашар еститін балаларға арналған мектептің мұғалімдері мен тәрбиелеушілердің негізгі міндеті ,яғни тәрбиеленушілердің қоршаған ортаға деген көз-қарасын ,іс-ірекетіне баға беруге қалыптастыру.