Өтпелі тақырып : «Салт дәстүрлер және фольклор»

Тақырыбы: «Балалар музыкалық аспаптар ансамблі»

Білім беру саласы: Шығармашылық

Бөлімі : Музыка

Мақсаты: Балалар музыка аспаптарын таниды , дыбыстарын ажырата біледі музыкалық аспаптарға деген қызығушылығы артады. Оларды дыбысынан ажырата біледі және музыкаларды тыңдау арқылы эстетикалық талғамдарын қалыптастырады. Балалар музыкаға деген сүйіспеншілігі артады , музыканы мінезіне қарай  қабылдауға, есте сақтауға үйренеді.

Қолданған технологиялар: Денсаулық сақтаушы, музыка терапия, артикуляциялық гимнастика, АКТ

Көрнекіліктер: музыкалық аспаптар, теледидар , слайд, музыкалық аспаптардың суреттері  ж. т. б.

( 1- 4 слайдтар)

Ашық оқу- қызметінің барысы:

І. Мотивациялық қозғаушы күш

(5 слайд)             

(Балалар көңілді әуенмен залға кіреді, ортаны айналып шығып шеңбер жасап тұрады).

Музыка жетекшісі, балалардың қолдарынан ұстап: Балалар қараңдаршы, сендер қайда келдіңдер?

Балалар: Музыка залына.

Музыка жетекшісі:  Бүгін бізде ерекше сабақ, көп қонақтар  келіп отыр. Ендеше бәріміз қонақтармен әуенмен амандасайық.

Музыка жетекшісі: Сәлеметсіздер ме балалар

Балалар: Сәлеметсіздер ме қонақтар !

( 6 слайд )       

Музыка жетекшісі: Балалар музыка оқу- қызметінде біз не үйренеміз?

Балалар: Ән айтуды, әуен тыңдауды, би билеуді, музыкалық аспаптарда ойнауды үйренеміз.

Музыка жетекшісі: Жарайсыңдар!

ІІ. Іздену-ұйымдастырушы кезең.

( 7слайд)              

Музыка жетекшісі: Балалар бүгін мен сендерді музыкалық аспаптарымен ансамбль ойнауға шақырамын. Балалар ендеше музыкалық аспаптарға түрлі қимылдар жасай жүріп барамыз. 

(жаттығулар жасап барады)

Шеңбер бойымен жүреді:

1. Қол жоғары, аяқтың ұшымен.

2. Қол белде, өкшемен.

3. Жеңіл жүгіріс.

Келдік балалар, тынысты реттейік.

( 8 слайд) Тыныс алу жаттығу «Гүл»

( 9 слайд) (Теледидарда жабулы перденің бейнесі тұрады.)

Музыка жетекшісі: Балалар,  алдымен қандай балаларға арналған музыка аспаптар бар  екенін анықтап алайық. Перденің артынан ойнаған музыкалық аспаптың дыбысын ажыратып , қай аспап екенін мына суреттерден тауып , тақтаға ілулерің керек. Тек қол көтеріп жауап береміз.Түсінікті ме балалар?

Балалар: Жақсы, түсінікті!

Видео слайд №1

Ойын: «Музыкалық аспаптарды тап»

Музыка жетекшісі: Жақсы балалар! Сендер барлық музыка аспаптарын дыбысына қарай ажыратып, аттарын атап таба білдіңдер. Енді біздің ансамбль ойнауымызға болатын шығар. Қане, аспаптарға назар аударайық.

ІІІ. Негізгі бөлім.

(11 слайд) (Аспаптар суреттері)

Музыка жетекшісі: Балалар,  қараңдаршы, кейбір аспаптар бізден тығылып тұрған сияқты . Олар қандай екен балалар?

(12 слайд)

Видео слайд №2 ( Сазсырнай , Шаңқобыз )

Балалар: (Дыбыстарын тыңдайды жауап береді ) Сазсырнай , шаңқобыз.

Музыка жетекшісі: Олардың өз айтарлары бар шығар, тыңдап көрейікші?

Видео слайд №3 Шаңқобыз

Шаңқобыз : Сәлеметсіңдер ме балалар! Мен билегенді жақсы көремін, сендер маған билеп бересіңдер ме?

Музыка жетекшісі: Балалар, шаңқобызға билеп береміз бе?

Балалар: Билейміз!

Музыка жетекшісі: Ендеше «Достық» биін билеп берейік.

( 14 слайд)

Би «Полька»А. Филиппенко

(балалар екі екіден қол ұстасып тұрады)  (Музыка ырғағымен балалар муз.жетекшінің артынан қайталап билейді.)

Музыка жетекшісі: Қараңдаршы балалар, шаңқобыз өте риза болып тұр.

Музыка жетекшісі: Келесі қандай аспап екен ?

Балалар: Шаңқобыз аспабы.

Музыка жетекшісі: Дұрыс, оныңда айтары бар сияқты, тыңдайық!

Видео слайд №4 (Сазсырнай)

Сазсырнай :Сәлеметсіңдер ме балалар? Маған әсем ән орындап берсеңдер, мен сендермен ансамбль ойнауға шығамын!

Музыка жетекшісі: Балалар сазсырнайдың шартын орындаймыз ба?

Балалар: Орындаймыз.

Музыка жетекшісі: Ендеше барлығымыз «Достық» әнін орындап берейік

(15 слайд) «Достық» әні     

(16 слайд)

Музыка жетекшісі: Тамаша балалар, енді біздің барлық аспаптарымыз орнына келді, ансамбль ойнауымызға болады. 

(Балалар музыкалық аспаптарды алып, орындарына отырады.)

(17 слайд)

Ансамбль: Шостакович «Қуыршақтар биі » шығармасы.

Слайд

ІV. Қорытынды.                               

Музыка жетекшісі: Балалар, біз бүгін қандай аспаптардың дыбыстарын тыңдадық?

Балалар: ксилофон , үшбұрыш, , домбыра, маракас,барабан сылдырмақ,сазсырнай,шаңқобыз.

Музыка жетекшісі: Қандай аспаптар бізге шарт қойды?

Балалар: шаңқобыз биле деді, сазсырнай ән орындауымызды сұрады.

Музыка жетекшісі: Өте жақсы балалар! Менің бүгін сендермен өткізген уақытым қатты ұнады. Сендерге жарқырап жүріңдер деп естелікке осындай жұлдыздар сыйлаймын. (қорапшадан  алып мойындарына тағып береді)

Және осындағы қонақтарға да табыс етейік.

Сау болыңыз! (Сапқа тізіліп залдан шығып кетеді.)

Күтілетін нәтиже:

Біледі: Балалар музыкалық аспаптардың аттарын атай білді;

Игереді: аспаптардың дыбыстарын  ажырата білді, ырғақты сезді;

Меңгереді: Балалардың музыка мәдениетіне деген көз - қарастарын қалыптасты.