Ұйымдастырылған оқу қызметі:

Шаттық шеңбер:

Қайырымды жандар айнала,

Шеңберге келсін жайлана.

Жалықпастан қайта біз,

Сүйеміз барлық әлемді,

Әлемдегі бар елді.

Бақыттымыз осы біз.

-Қазір жылдың қай мезгілі?

-Ауа райы қандай?

-Айнала қандай?

Слайдпен қыс мезгілін көрсету.

-Қане, балалар қыс мезгілінің ерекшеліктерін айтыңдаршы?

-Қандай өзгерістер болады?

-Қардан не жасаймыз?

Сергіту сәті:

Боран соқты оң жақтан,

Боран соқты сол жақтан.

Қар лақтырып ойнасақ,

Су өтеді қолғаптан.

-Енді, барлығымыз «қар», «шана», «аққала» сөздерін үш тілде айтайық.

Билингвальды компонент :Аққала - снеговик - snowman; шана – сани - sledge; қар – снег - snow.

-Балалар, өлкемізге қыс келді, айналаның бәрін ақ қар басты. Қыста ауа райы суық болады. Қар жауады. Балалар қармен ойнайды. Енді мен сендерге осы қыс мезгілі туралы өлең оқып берейін, сендер мұқият тыңдап отырыңдар.

Аяз қысып, өрнек сызып,

Терезеңді торлайды.

Қарға омбығып, бет домбығып,

Сырғанап жастар ойнайды.

Бөбектерім айтыңдаршы,

Бұл қай кезде болады?(Ш.Ахметов)

Балалардың назарын тақтаға аудару

Мнемокесте бойыншы суретті өз ойларын айтуға мүмкіндік беремін.

-Қыста балалар немен сырғанайды?

-Балалардың киімдері қандай?

-Суретте Сәбит Айгүлді шанамен сырғанатып жүр. Айгүл көңілді ме?

-Ол не үшін көңілді?

-Арман мен Асқат не істеп жатыр?

-Аққала қандай? Аққала қардан соғылған домалақ қыс кейіпкері.

Зерттеу орталығы:

Мұздың қасиеттерін зерттеу.

1Мұз текшелерін жылы жерге қойсақ ол ериді.

2.Еріген мұзға бояу қосып қатырсақ түсі өзгереді.

3.Қалай ойлайсыңдар мұздың дәмі бар ма?Иісі ше?

4.Бір қалыпты температурасы бола ма?

5Ауыр ма жеңіл ме?

Ал мұз пайдалы ма жоқ па?

Неге пайдалы? (балмұздақ жасайды,сырғанақ жасайды,су астындағы мекендеушілерге аяз қорқынышты емес екен)

Неге зиянды? (жеуге болмайды,құласаң ауыртады,лақтырғанда қатты тиеді,өзенде мұздың бетінен жүруге болмайды)

Логикалық ойын: «Пішіндерді тап»

Ойын шарты: Алдарына берілген қолғаптарды түсіне сай пішіндермен жамауы тиіс.

-Балалар, мына суретте қай мезгіл бейнеленген екен?

- Балалар немен ойнап жүр?

-Қыс мезгілі сендерге ұнайды ма?

-Несімен ұнайды?