Тренинг құрылымы

Тренинг ережесі:

1.   Бір-бірін тындау

2.   Қарым-қатынастағы шыншылдық ережесі

3.   Топтағының сыртқа шықпауы

4.   Белсенді қатысу

5.   Сөйлеушіге құрмет

1. Танысу жаттығуы: «Біз жайлы мәлімет»

Мақсаты: топ ата – аналарын бір бірімен таныстыру. «Біз жайлы мәлімет» жаттығуын өткізу арқылы қатысушылар бір бірлері жайлы жаңа әрі қызықты ақпарат алу. Аз уақыт ішінде ата – аналар бір бірлерінің және балалардың есімдерін есте сақтау. Қатысушылардың көңіл күйлерін көтеріп, келесі жаттығуға деген қызығушылықтарын ояту.

Бұл жаттығуды өткізу арқылы тек ата – аналар бір бірлері жайлы ғана емес тәрбиешілер де ата – аналар мен балалар жайлы жаңа әрі қызықты ақпарат алады. Алынған ақпаратты тәрбиешілер балалармен және олардың ата – аналарымен қарым қатнасы кезінде пайдалана алады. Жаттығудың нәтижесінде ата –аналар мен тәрбиешілердің қарым – қатынастарын жақсартуға мүмкіндік туады.

Нұсқау: әр қатысушы өзінің және баласының есімін және тек баласы екеуіне ған тән ортақ қасиетті айтады. Мысалы: «Менің есімім Анар, қызымның есімі Айдана; қызым екеуімізге ғана тән қасиет екеміз де тәттіні жақсы көреміз».

2. «Ассоциация»

Мақсаты: ата – аналардың балабақшаға және баланың балабақшадағы өміріне деген қызығушылығын ояту.

Нұсқау: барлықтарыңыз көздеріңізді жұмыңыздар. Қазір мен (психолог) қойған сұрақтарға ассоциацияларыңыз бойынша жауап беріңңіздер.

Бұл жаттығуды өткізу арқылы әрбір ата – ана өз баласының жұмыстары мен тобы және балабақша жайлы қаншалықты білетінін анықтайды. «Ассоциация» жаттығуын өткізудің нәтижесінде ата - анналардың баласының жұмысына және балабақшадағы өміріне қызығушылығы мен байқампаздығы артады.

Барысы:

1. Аяла тобының пердесінің түсі қандай?

2. Балаңыздың вернисаж жұмыстары қай жерде орналасқан және балаңыз не жасады?

3. Аяла тобына кіре берісте қабырғада не деп жазылған?

4. Балаңыздың киімі қандай түсті шкафта ілулі тұр?

3. «Егер сіз...»

Мақсаты: қатысушыларды сергіту. Аяла тобы ата – аналарының қарым-қатынас шеберлігін арттыру, қатысушылар арасындағы қолайсыздықты төмендету. Топта жағымды психологиялық ахуал орнату.

Нұсқау: қатысушылар шеңберге тұрады. Тренердің нұсқауын орындайды.

Барысы:

1. Егер, сіздің досыңыз болса, көршіңіздің басын сипаңыз; 

2. Егер, сіздің үйіңізде мысық болса, өз басыңызды сипаңыз; 

3. Егер сіз, досқа адал, уәдеге берік болсаңыз, көршіңізді құшақтаңыз;

4. Егер сіз, құстарды жақсы көрсеңіз, қолыңызды созып, құстарша қанат қағыңыз. 

5. Егер сіз, жиналысқа қызығушылықпен, үлке ынта ықыласпен келсеңіз аяғыңызды топырлатыңыз;

6. Егер сізге өз тобыңыздың тәрбиешілері ұнаса ұнаса оң қолыңызды көтеріңіз.

7. Егер сізге өз балаңыздың тобы ұнаса сол қолыңызды көтеріңіз.

8. Егер сіздерге «Ер -Дәурен» балабақшасы ұнаса, алақандарыңызды соғыңыздар! 

Тренингті талдау:

1. Сіздерге бүгінгі тренинг ұнады ма?

2. Қай жаттығу сіздерге көбірек ұнады?