Ата-аналар жиналысы хаттама 11-сынып

ЕКІБАСТҰЗ ҚАЛАСЫ «№14 ЖАЛПЫ ОРТА БІЛІМ БЕРЕТІН МЕКТЕП» КММ

АТА-АНАЛАР ЖИНАЛЫСЫНЫҢ ХАТТАМАСЫ №3

Сынып: 11 А

Өткізілген күні: 21.01.2025

Қатысқандар:

Сынып жетекші – Абилканова М.Г.

5 оқушының ата-анасы

Күн тәртібінде:

1. Ата-аналарды педагогикалық қолдау тақырыбы «Өмір бойы оқыту: неге? қалай?»

2. "Кәмелетке толмағандар арасындаға экстремизм мен терроризмнің алдын алу жөніндегі жол картасы" тақырыбы бойынша талқылау.

3. Әртүрлі мәселелер.

Тыңдалды:

1.Ата-аналарды педагогикалық қолдау тақырыбы «Өмір бойы оқыту: неге? қалай?»
Мектеп директорының тәрбие ісі-жөніндегі орынбасары Бельдеубаева А.Е. ата-аналарға «өмір бойы оқыту» тұжырымдамасының маңыздылығын түсіндірді. Оқу мен тәрбиенің үздіксіз дамуы, ата-ананың баланың білім алу үдерісіне белсенді қатысуының қажеттілігі атап өтілді.

2.Екінші тақырып бойынша, мектептің құқықтық тәрбиеге жауапты маманы Абилканова М.Г. , қазіргі таңда кәмелетке толмағандар арасында экстремизм мен терроризм қаупінің алдын алу шаралары туралы баяндама оқыды.

• Оқушыларға интернеттегі қауіпті ақпараттардан қорғану жолдары туралы түсіндіру.

• Деструктивті діни ағымдар мен олардың белгілері туралы ақпарат беру.

• Құқық қорғау органдарымен тығыз байланыс орнату.

• Мектепте және отбасында бала тәрбиесінде қауіпсіз орта қалыптастыру.

Ата-аналар өз пікірлерін білдіріп, балалардың интернеттегі белсенділігін бақылау, күмәнді жағдайлар орын алғанда мектеп әкімшілігіне немесе құқық қорғау органдарына хабарлау қажеттігін қолдады.

4. Әртүрлі мәселелер
Ата-аналар тарапынан мектеп формасы, сабаққа қатысу, тәртіп және үй тапсырмаларын орындау мәселелері көтерілді. Мектеп әкімшілігі барлық сұрақтарға жауап беріп, тиісті ұсыныстар айтты.

Шешім:

1. Ата-аналарға «өмір бойы оқыту» қағидаларын ұстану және балаларының оқуына жан-жақты қолдау көрсету ұсынылды.

2. Мектеп әкімшілігіне оқушылар арасында экстремизм мен терроризмнің алдын алу бойынша ақпараттық-түсіндіру жұмыстарын жалғастыру тапсырылды.

3. Ата-аналар тарапынан көтерілген мәселелер мектеп әкімшілігінің бақылауына алынды.

Ата-комитетінің төрайымы: Ибраева Д.Б.

Сынып жетекшісі: Абилканова М.Г

Хатшы: Катиева Б.Б.

ЕКІБАСТҰЗ ҚАЛАСЫ «№14 ЖАЛПЫ ОРТА БІЛІМ БЕРЕТІН МЕКТЕП» КММ

АТА-АНАЛАР ЖИНАЛЫСЫНЫҢ ХАТТАМАСЫ №4

Сынып: 11 А

20.12.2024

Қатысқандар:

Сынып жетекші – Абилканова М.Г

Ата-аналар – 6 оқушының ата-анасы қатысты

КҮН ТӘРТІБІ:

1. Ата-аналарды педагогикалық қолдау тақырыбы «Тұлғаның қалыптасуы:тәуелсіздікке құқық»

2. «Біртұтас тәрбие» бағдарламасының атқарылып жатқан жұмысына шолу.

3. «Алтын белгі» және «Үздік» аттестат оқушыларының білім сапасы, ҰБТ-ге қатысатын оқушылардың дайындықтары

4. Әртүрлі мәселелер.

ТЫҢДАЛДЫ:

1.Бірінші тақырып бойынша, жиналысты мектеп директорының тәрбие ісі жөніндегі орынбасары Бельдеубаева А.Е. ашып, баланың тұлға ретінде қалыптасуындағы тәуелсіз ойлау қабілетінің маңызын атап өтті. Тәуелсіздікке құқық ұғымының мәні түсіндіріліп, ата-аналардың балаларына өзіндік шешім қабылдауда, жауапкершілік алуда және азаматтық ұстанымын қалыптастыруда қолдау көрсетуі қажеттігі айтылды.

2. «Біртұтас тәрбие» бағдарламасының атқарылып жатқан жұмысына шолу
Тәрбие ісі жөніндегі орынбасары мектепте жүргізіліп жатқан тәрбиелік іс-шаралар туралы баяндады. Ата-аналарға мектептің тәрбие жұмысына белсенді қатысу ұсынылды.

3. «Алтын белгі» және «Үздік» аттестат оқушыларының білім сапасы, ҰБТ-ге қатысатын оқушылардың дайындықтары
Сынып жетекші және пән мұғалімдері «Алтын белгі» және «Үздік» аттестат үміткерлерінің білім деңгейі туралы ақпарат берді. ҰБТ-ге дайындық шаралары түсіндіріліп, қосымша дайындық сабақтарына қатысу мәселелері қарастырылды. Ата-аналарға балаларын қолдау және оларды психологиялық дайындау бойынша кеңестер берілді.

4. Әртүрлі мәселелер
Ата-аналар тарапынан оқушылардың тәртібі, мектеп формасы, сабақ үлгерімі, үй тапсырмалары және қосымша үйірмелерге қатысу мәселелері көтерілді.
Мектеп әкімшілігі барлық сұрақтарға жауап беріп, қажетті шаралар қабылданатынын мәлімдеді.

Шешім:

1.Ата-аналарға балалардың тұлға ретінде қалыптасуына жағдай жасау, олардың тәуелсіз ойлау қабілетін дамытуға қолдау көрсету ұсынылды.

4. «Біртұтас тәрбие» бағдарламасы аясында ата-аналар мен мектептің ынтымақтастығын арттыру мақсатында қосымша іс-шаралар ұйымдастыру туралы шешім қабылданды.

5. ҰБТ-ға дайындық үшін қосымша сабақтар мен консультациялар жалғастырылсын.Ата-аналар балаларын ҰБТ-ға психологиялық тұрғыда қолдауға назар аударсын.

6. Ата-аналар көтерген мәселелер мектеп әкімшілігінің бақылауына алынды.

Ата-комитетінің төрайымы: Ибраева Д.Б.

Сынып жетекшісі: Абилканова М.Г

Хатшы: Катиева Б.Б.