"Ата-аналарға кеңес"

Ата-аналарға кеңес!

Бала тәрбиесіне мұқият болайық!

Баланың өмірге келуі әрбір отбасы үшін – үлкен бақыт, қуаныш. Әрбір адам баласы бауыр еті баласының аяғына нық тұрып, дені сау,бақытты болып өсуі үшін тер төгетіні белгілі. Кейде бала тәрбиесінде кеткен кішігірім қателіктің өзі баланың болашағына теріс әсерін беретіні сөзсіз. Бала тәрбиесі бес жасқа дейін аса үлкен жауапкершілікті, ұқыптылықты қажет етеді. Ал, енді сол көз куаныштарымыздың саналы адамзат ,тәрбиелі азамат, ұлағатты ұрпақ, иманды, ибалы болып аяққа тік тұруына ата-анасының тигізер әсері жайлы шағын кеңестерді тізіп өтсем:

• Балаңызға уақыт тауып, әрдайым көңіл бөліңіз.

• Істеген қателіктері үшін бірден жаза қолданбай, дұрыс бұрыстығын түсіндіріңіз.

• Баланың өзіндік қалыптасуы үшін әрдайым баланың ойын сұраңыз,ақылдасыңыз.

• Біреудің көзінше баланы жамандамаңыз, қателіктерін бетіне баспаңыз.

• Баланыңыздың кішігірім жетістігі болса, мақтаңыз. Сіздің бір ауыз мақтау сөзініз,алдағы уақытта басқада жетістіктерге жетуіне баспалдақ екенін ұмытпаңыз.

• Балаңыздың әрбір қойған сұрағына жауап беріңіз, түсіндіріңіз. Бала сіз арқылы айналаны ,әлемді танитынын ұмытпаңыз.

• Балаңызды әрдайым қолдап жүріңіз, сіздің қолдауыңыз балаға ауадай қажет.

• Балаңыз сізден көмек сұраған жағдайда көмектесіңіз.