Тақырыбы : Ата Заңым ардағым .

Мақсаты :Балалардың Отанға деген сүйіспеншілігін оятып отырып ,

ұлтжандылыққа тәрбиелеу . Патриоттық сезімін ояту . Қазақстанның келешегі өздері екеніне көз жеткізу .

Көрнекілігі : Елбасы Н.Ә Назарбаевтың суреті ,мемлекеттік рәміздер ,

Әнұранның фонаграммасы слайды .

Әдіс –тәсілі : Түсіндіру ,сұрақ -жауап , әнұран ,ән , би , дидактикалық ойын .

Тәрбиеші : Қастерлемес даңқын кім .

Қастерлемес салтын кім ?

Әнұраны елімнің

Үні , тілі халқымның

(ҚР әнұраны орындалады ).

Тәрбиеші :Балалар алдымызда қандай мереке келе жатыр ?

-Конституция , Ата заң

-30 тамыз Ата заңымыз қабылданған күн . Биыл ата заңымызға 23жыл

толады .Өздеріңіз білесіздер , ол адамның , қоғамның , елдің құқығын

қорғауға арналған . Әрбір елдің өз Ата заңдары болады . Заң болмаса ,

адам құқығы қорғалмайды , дүниеге келген бірінші күннен бастап сендер мемлекеттің қамқорлығындасыңдар. Ата заңымыз бойынша

мемлекет басқарушы президент .

-Президентіміз кім , ел басқарып отырған ?

-Нұрсұлтан Әбішұлы Назарбаев .

-Балалар , біздің Республикамыз қалай аталады ?

-Қазақстан Республикасы деп аталады .

-Дұрыс айтасыңдар . Біз үлкен де , күшті мемлекет Қазақстанда тұрамыз.

130 -дан астам әр ұлт окілдері бар .

Әрбір халықтың салт -дәстүрі мен тілі бар . Ең бастысы Қазақстан деген

Ортақ үйімізде әнімізде, сәнімізде жарасып , ынтымақ пен бірліктің

Нәтижесінде тату -тәтті өмір сүріп жатырмыз .

-Сендер , балалар Отанымыз Қазақстан жайында қандай тақпақтар

білесіңдер ?

Тақпақтар : Айдидар , Айзере , Абылайхан , Шерали .

Ән : «Менің Отаным »

Тәрбиеші : Қазақстан Республикасының қандай рәміздерін білесіңдер ?

-Әнұран , Елтаңба , Туымыз бар

Иә балалар дұрыс айтасыңдар . Ашық аспандай көгілдір туымыз бар .

Айбынды елтаңбамыз бар , мағыналы әнұранымыз бар .

Ендеше балалар рәміздер туралы тақпақтар айтып берейік .

Тақпақтар : Сафуан , Айша , Қуаныш .

Тәрбиеші : Жарайсыңдар , балалар еліміздің рәміздерін өте жақсы

білетіндеріңді байқаттыңдар .

Біз жас ұлан Отан ана өркені ,

Үміт артқан болашағы ертеңі

Еліміздің даңқын көкке өрлетіп

Гүлге бөлеп жайнатамыз өлкені -еліміздің ,жеріміздің жарқын болашақ жұлдыздары сендерсіңдер , балалар !

-Ендеше , қонақтарға ,бір –бірімізге Отанымызға арнап жылы тілектерін

атайық .

Аспанымыз ашық болсын !

Жеріміз гүлге толсын !

Елбасымыз аман болсын !

Заманымыз аман болсын!

Балабақша гүлдене берсін!

Біз сіздерге сәттілік тілейміз !

Өте жақсы тілектер екен балалар ! Осымен іс -шарамыз аяқталды .