Сабақ мақсаты:Өз елімізде адам баласының өсіп даму барысында атқаратын рөлі туралы айта отырып,сүйіспеншілік құндылығының мәнін ашу.

Міндеттері:

1.Оқушылар өздерінің атамекенін қадірлей білуге, бойларындағы шынайылықты көрсете білуге түсінік беру.

2.Оқушыларды өз атамекеніне, туған жеріне аянбай қызмет ету дағдыландыру;

3.Оқушыларды шынайылыққа, аянбай қызмет етуге,жанашырлыққа тәрбиелеу.

Ресурстар: (құралдар, мәлiметте)

Сабақ барысы:

Ұйымдастыру кезеңi.

Оқушылармен амандасып,оларды түгендеу,көңіл-күйлерін сұрау.

«5 Т» ережесін сақтау, 20 ұпай сыйлау

Тыныштық сәтi: Нұрға бөлену

Үй тапсырмасын тексеру:

Б.Момышұлы «Отан сүйер ұлан бол»

Сұрақ:

1.Балалар әңгімеде не туралы айтылған?

2.Бауыржан атамыз не себептен өз халқыңа лайықты азамат бол деп айтқан?

3.Адам бойында қандай мінездер болу керек деп ойласыздар?

Оқиғаларды әңгімелеу. (Мұғалім сыйы)

«Қаздар қайтып барады»

Қ.Жұмаділов

Баяғы заманда бір адам өз елінен басқа жерге кетеді.Өз жерін елін сағынған соң атамекеніне оралуды аңсайды.Бірақ шаршап шалдығып талай қиыншылықтардан өтеді.Қалта дорбасында азығы таусылған тек қана бір жұтым айран мен малта құрт қалған екен.Өзін өзі қамшылаумен еліне жеткенше асығады,торсықта сылдыраған суды ішіп демалып жолға аттанады. Содан ел шеті көрініп көңілі босап қала береді, көп жол жүргеннен шаршаған бір ағаштың түбіне жантая кетеді,сол кезде Тұяқбай әкесі келіп түртіп оятқандай болады қырық жылдан кейін келдің бе? адасып кеттің ау еңсеңді көтер қасыма келе гой деп кезінде ел-жұртыңды тастап кетіп едің деп айтқандай болады,сол кезде түс екенін біліп оянып кетеді.О, туған жер қасиетті ел шетіне жетсем арманым болмас еді,аспанда Айнабұлақ көлінен қаздар қайтып барады екен.Баяғы кезінде тұмаршаның ішіндегі терімен қапталған топырақты жерге төгеді. Кезінде елінен алған топырақты қайтарып береді.Елін көргеннен соң туған жері ыстық болатынын сезеді.

Сұрақ:

• Қарттың туған жерге деген сүйіспеншілігі неден көрінеді?

• Қарт атаның туған жер топырағын өз жеріне қайтаруының себебін қалай түсіндірер едіңдер?

• Өздерің туған жердің қадірін қалай бағалайсыңдар?

Шығармашылық жұмыс.Топтық жұмыс

Сыныпты 2 топқа бөлемін

1 – топ: Туғанжер,туған ел суретін салу

2 – топ: Эссе жазу «Менің туған жерім....»

Сұрақ:

• Топпен жұмыс жасағанда қандай көңіл-күйде болдыңыздар ?

/Оқушылардың жауабы тыңдалады/

Топпен ән айту.

«Қазақ елі»

Сөзі: Ш. Сариевтікі

Әні: С. Бәйтерековтікі

1.Қазағым сенсің қазақ - ұлы елім,

Дүрсілдеп сен деп соққан жүрегім.

Мақтанам, қазағым, мақтанышым,

Тәуелсіздік таңы атқан үшін.

Қайырмасы:

Қазақ жері - бұл Қазақстан

Жаса мәңгі гүл Қазақстан.

Келешекке туған елім менің

Қолын беріп тұр, Қазақстан.

2 .Бір мен үшін сенен басқа жер жоқ.

Жер бетінде сенен басқа ел жоқ.

Арманым, тағдырым – қазақ жерім менің,

Әнұраным, туым, қазақ елім.

Қайырмасы:

Үй тапсырмасы.

«Қаңбақ» аңыз әңгімесін оқып келу. 136-137бет.

Сабақтың соңғы тыныштық сәтi.

/Баяу әуен қосылып тұрады/

Балаларбүгінгі сабағымыздан қандай әсер алдыңдар? Бойларына алған жақсы қасиеттерді жүрегімізге сақтап қояйық!