Аудандық пікірсайыс турнирінің ашылу салтанатының сценариі

Өтетін орны: Асқар Игібаев атындағы орта мектеп
Күні мен уақыты: 13.12.2024
Жүргізушілер:

Жүргізуші 1:
Құрметті қонақтар, қатысушылар және көрермендер!
Бүгін Асқар Игибаев атындағы орта мектеп базасында өтетін аудандық пікірсайыс турниріне қош келдіңіздер!

Жүргізуші 2:
Бұл турнир – жастардың пікір алмасуына, көшбасшылық қабілеттерін шыңдап, өзекті тақырыптарды талқылауға арналған маңызды алаң. Баршаңызға сәттілік, шабыт және достық тілейміз!

Жүргізуші 1:
Салтанатты шарамызды бастау үшін Қазақстан Республикасының Мемлекеттік Гимні орындалады. Құрметті қонақтар, орнымыздан тұрайық!

(Аудиожазба қосылады. Гимн аяқталғаннан кейін қонақтар орындарына жайғасады.)

Жүргізуші 2:
Келесі кезекте сіздердің көңіл-күйлеріңізді көтеру үшін мектебіміздің би тобы өз өнерін ұсынады. Қарсы алыңыздар!

(Би тобы ұлттық немесе заманауи тақырыптағы қойылым орындайды.)

Жүргізуші 1:
Құттықтау сөз Асқар Игібаев атындағы орта мектептің директоры Оспанова Амина Бейбітқызына беріледі.

(Директор мінбеге шығады.)

(Директордың сөзінен кейін жүргізуші алғысын айтып, жалғастырады.)

Жүргізуші 2:
Олай болса, аудандық пікірсайыс турнирін ашық деп жариялаймыз! Бүгінгі күн логика, ой ұшқырлығы және еркін пікірталас мерекесі болсын!

(Осыдан кейін пікірсайыс кезеңдерінің тәртібі мен төрешілер таныстырылуы.)

Қорытынды:
Жүргізушілер директорға, би тобына және барлық қатысушыларға алғыс білдіріп, пікірсайыс турнирінің алғашқы кезеңін бастауға шақырады.