Ауыр - жеңіл.

Білім беру салалары: таным, қатынас.

Бөлімі: Матемаика негіздері.

Тақырыбы: Ауыр. Жеңіл.

Мақсаты: заттардың салмағы «жеңіл», «ауыр» туралы ұғым қалыптастыру.

Міндеттері:

1. «жеңіл – ауыр» сөздерін пайдалану арқылы салыстыруға үйрету; заттарды қолға алып, салмағы бойынша салыстыруға және өлшемі бойынша салмағын анықтауға үйрету. Логикалық байланыстар мен заңдылықтарды орнату біліктілігін бекіту.

2. Есте сақтау, сөйлеу, назар аудару, қолдың ұсақ моторикасын дамыту.

3. Шыдамдылыққа тәрбиелеу.

Қолданылатын көрнекі құралдар мен жабдықтар: №1 жұмыс дәптері, үлкен және шағын рюкзактар, демонстрациялық материал, 9, 24-кесте, таразының түрлері, өлшеуге арналған заттар. Қуыршақтар – Әлия және Сырым.

Сөздік жұмыс: ауыр, жеңіл, өлшеу.

ҰОҚ-нің барысы

1. Ұйымдастыру кезеңі.

Ойын жағдаяты. Әлия мен Сырым балалардан кімнің рюкзагі ауыр, кімнің рюкзагі жеңіл екенін анықтауға көмектесуін сұрайды.

Алдымен үлкен рюкзакты әкеледі, көтеруге өте ауыр деген кейіп танытады. Одан кейін шағын рюкзакты оңай және көңілді әкеледі. Балаларға сұрақ қояды: «Осы рюкзактар туралы не айта аласыңдар?»

Салмақ туралы болжамдар айтады.

Педагог балалардың жауаптарын қорытындылайды: үлкен рюкзак ауыр, екіншісі кішкентай және жеңіл.

• Бүгін біз заттарды салмағы (массасы) бойынша салыстырамыз. Ол үшін қандай сөздерді қолданамыз? (Ауыр және жеңіл).

2. Негізгі кезең.

Ойын тапсырмасы: «Ауыр және жеңіл заттарды табу».

Бөлмеден ауыр және жеңіл заттарды табуды сұрайды, сол арқылы балалардың салмақ туралы ұғымдарын анықтайды.

Балалар ауыр және жеңіл заттарды табады: үстел, шкаф, орындықтар,

Дәптермен жұмыс істеу

1. -тапсырманы орындауға ұсынады. Суреттерді қарайды.

-Кімнің жолдорбасы ауыр?

-Кімнің жолдорбасы жеңіл?

Педагог балалармен бірге тапсырманы орындайды, талқылайды. Баланың жолдорбасы жеңіл екенін анықтайды, ол оны оңай көтеріп, жүгіреді. Атасының жолдорбасы ауыр, сондықтан бала атасына көмектеседі.

Эксперименттік іс-әрекет Педагог кейбір материалдарды өлшеуге ұсынады.

/ Балалардың үстелдерінде заттары бар: металл және жеңіл ұлпа, мақта, қауырсындар

/Педагог алақанға салуды сұрайды.

Сол және оң жақ қолымда не бар? (Сол жақ алақанда мақта, оң жақта металл гайкасы). Не жеңіл? Не ауыр? (мақта жеңіл, ал металл ауыр).

Ал енді терең дем алып, алдымен мақтаны үрлеңіз. Не болды? (Мақта ұшып кетті). Енді металл заттарды үрлеңіз. Олармен күресу оңай ма? (Гайкілер қозғалмайды).

Неліктен? (Гайка ауыр, ол – металл. Металл мақтаға қарағанда ауыр, ал мақта металдан жеңіл дегенді білдіреді).

Дәптермен жұмыс

2-тапсырманы орындауға ұсынады. Суреттерді қарайды. Ауыр және жеңіл заттарды тауып, оларды жапсырады. Балалар заттарды атайды, олардың салмағын анықтайды. Ауыр зат – үлкен жолдорба мен белтемір, жеңіл – доп және кішкентай жолдорба. Заттарды жапсырады.

Сергіту сәті

Ауыр рюкзакты қалай көтеретіндеріңді көрсетіңдер, жеңіл рюкзакпен, соқпақ жол үстінде секіріп келе жатқандарыңды көрсетіңдер.

Салмақты қандай құралдардың көмегімен өлшеуге болатынын кім біледі? (Таразы).

Ең қарапайым таразымен танысуды ұсынады. Ең қарапайым таразыны көрсетеді.

Таразыға салмағы әртүрлі заттарды қояды.

Таразы арқылы кімнің (ненің) ауыр екенін анықтайды.

Таразының қай табақшасы төмен түседі? Жеңіл немесе ауыр зат салынғаны ма?

Таразының ауыр зат салынған табақшасы төмен түседі деп балалар айтады.

№9 демонстрациялық материалмен жұмыс

Педагог таразының модельдерімен таныстырады. Қай таразының заттар салмағы бірдей, қай таразы заттар салмағы бойынша әртүрлі екенін қарайды, жауап береді. Суретте табақшалар бір деңгейде тұрған болса, заттардың салмағы бірдей. Таразы табақшалары әр деңгейде болса, заттардың салмағы әртүрлі деп, педагогпен бірге қорытынды жасайды.

Дәптермен жұмыс істеу

3-тапсырманы жұппен немесе топпен орындауға ұсынады. Балалар суреттерді қарайды, не бейнеленгені туралы айтады.

-Жүк көліктері туралы не айтуға болады?

- Сол жақтағы жүк көлігі ауыр заттарды тасиды.

-Оң жақтағы жүк көлігі жеңіл заттарды тасиды.

Бір топ (жұп) сол жақтағы жүк мәшинесіне ауыр заттарды, екінші топ (жұп) оң жақтағы мәшинеге жеңіл заттарды тиейді. Тапсырманы орындайды, тексерген кезде жұптардың әрқайсысы өз таңдауын түсіндіреді.

4-тапсырма. Балалар салмағы ауыр заттарды бояйды, жеңіл заттарды қоршап сызады. Тапсырманы орындайды, салмағы ауыр затты қалай анықтағанын айтады. Педагог жеке жұмыс жүргізеді.

Сұрақтарға жауап береді: салмақты салыстыру үшін затты көтеріп көруге, немесе екі қолға салып салыстыруға немесе таразыға салып өлшеуге болады.

«Математикалық жазулар» дәптерімен жұмыс.

Педагог 14-беттегі № 17 тапсырманы ұсынады. Балалар жұмысқа кіріспе