Азаттық аңсаған ақберен

(Ахмет Байтұрсынұлына)

Ахмет қой Алашұлы апталы ерім,

Момын елдің қашанда мақтаны едің.

Атыңды атап мендағы жазамын жыр,

Азаттықты аңсаған ақберенім.

Тілімденген жүрегің тулап алға,

Тілім деп ең, қан жұтып кер заманда.

Маса болып халқыңды оятып ең,

Шақпақ боп жылан сұмдар арбағанда.

Бүгінгі мереке ғой табыстырған,

Алқалы ел алдында таныс тұлғаң.

Ұрпақтың ертеңі үшін әліппе жасап,

Сен тұңғыш әдебиетті таныттырған.

Қазаққа мәлім болған дана сыры,

Анығында ол ұлттың жанашыры.

Анамыздай , ағайын, ардақтайық

"Ахаңның түрлендірген ана тілін"

Сен салған сара жолмен келеді елім,

Тілсіздерге тіліңді шегеледің.

Әліппені алмастырған"Сауат ашу"

Білмедім болашақта не берерін.

Ұлы ғалым бір келген бір ғасырда,

Ірі дарын асқақ еді мұратың да.

Тағыда бір Ахмет керек боп тұр,

Қазағым көшер кезде латынға.

Тозған елге сен болдың жарасына ем,

Озған елге шұғылалы ой таратып ең.

Шерлі күнде туылған қайран бабам,

Мәңгі бірге жасай бер, Алашыңмен!