Азаттықтың ақ таңы өлең

Азаттықтың ақ таңы

Тәуелсіздік орын алған төрімізден,

Көк туымыз желбіреп көгімізден.

27 жасқа толды егеменді ел,

Нұрын шашып күлімдеп күн төбемізден.

16 желтоқсан тым ызғарлы,

Шықты алаңға қазағымның жастары.

Қарсы шығып Колбиннің саясатына,

Өр рухты, қайсар мінез ұл-қыздары.

Желтоқсанда жастар шығып айбатты,

Желтоқсанда елдің қамын ойлапты.

16 желтоқсан деп біз айтқанда,

Еске аламыз Ләззат, Ербол,Қайратты.

Тәуелсіздік тұғырына жету үшін,

Қазағымның жастары жан аямай салды күшін.

Қыстың қатты ызғарына шыдасып,

Жанын қиды елі менен жері үшін.

Тәуелсіздік келген жоқ оңайлықпен,

Қайрат, Ләззат, Сәбиралар қанын төккен.

Ұмытпаймыз ешқашан ерліктерін.

Азаттығын алып берген қазақтың.

Батырларын ұмытпайды халықтар,

Өткен күнді тарихымыз саралар.

Ерлігіне тағзым етіп әрдайым,

Тәуелсіздік алып берген алыптар.

Тәуелсіздік арманы бұл қазақтың,

Бостандығын алды елім, азат күн.

Ата-бабам қанын төгіп қорғаған,

Жаса қазақ, жасай бер мәңгі азатсың!

Бейбітшілік таңы атты адамдар,

Қазақтарым барлығың мың жасаңдар.

Елу елдің қатарына кіруге,

Біз жасайық алға қарай қадамдар.