Сабақ жоспары

Сабақтың жоспарланған кезеңдері

Жоспарланған жаттығу түрлері

Ресурстар

Сабақтың басы

2 мин

5 мин

І.Ұйымдастыру

1. Оқушылармен сәлемдесемін.

2. Оқушылардың сабаққа қатысуын қадағалаймын.

3. Оқушылардың бүгінгі көңіл-күйлерін «Мен таптым» ойыны арқылы білемін және топқа жағымды әсер қалдыру мақсатында «Жаныңа жақын сурет» әдісі арқылы 3 топқа біріктіремін (Қызылорда, Байқоңыр, Ғарыш айлағы суреттері беріледі).

І топ – Қызылорда

ІІ топ – Байқоңыр

ІІІ топ – Ғарыш айлағы

ІІ. «Миға шабуыл» әдісі арқылы үй тапсырмасын сұраймын.

1) Қоршаған ортаны ластамау үшін не істеу керек?
2) Туынды сөздер туралы не білеміз?
3) Туынды сөздердің жасалу жолдары қандай?

4) Жұрнақ жалғанған туынды сөздерге мысал келтіріңдер?

Қалыптастырушы бағалау: Смайликтер арқылы бағалау

(Әр дұрыс жауапқа смайлик таратып отырамын)

Кері байланыс: Өткен сабақ бойынша қиындық туғызған сұрақтарыныз бар ма?

Байқоңыр туралы бейнекөрініс көрсетемін.

«Жасырын стикер» әдісі арқылы топтағы бірнеше оқушының орындығының артына стикер жабыстырылады. Оқушылар стикердегі сұраққа жауап береді.

Сұрақ-жауап арқылы тақырыпты ашу

1.Алғаш рет ғарышқа кім ұшты? Алғаш ғарышқа ұшқан тіршілік иесі? (топпен ақылдасып нақты жауап береді)

2. Ғарышқа ұшатын айлақ Қазақстанның қай облысында орналасқан?

3. Байқоңыр ғарыш айлағы туралы не білесіздер?

4. «Байқоңыр» сөзі қандай жолмен жасалып тұр?

Енді, оқушылар, бейнекөріністі көре отырып, сұрақтарға жауап бердіңіздер.Біздің бүгінгі тақырыбымыз не туралы деп ойлайсыздар?

Қалыптастырушы бағалау: «Жарайсың», «Әлде де ойлан» сөздері арқылы ауызша бағалау

Стикер

Бейнекөрініс

Сабақтың ортасы

5 мин

4 мин

4 мин

9 мин

2 мин

ІІІ Жаңа тақырып

Грамматикалық тақырыпты түсіндіру

Күрделі сөздер. Біріккен сөздер.

Біріккен сөздер екі топқа бөлінеді:
а) екі сөздің бірігуінен ешқандай дыбыстық өзгеріске ұшырамаған жаңа сөз пайда болады. Мысалы:
алтыбақан, тасбақа;
ә) екі сөз бірігуінен пайда болған сөз дыбыстық өзгеріске ұшырайды

IV. Сыныптық жұмыс. Берілген суреттерден не көріп тұрсыздар? «Ойлан-жұптас-бөліс» әдісі арқылы оқулықтан мәтінді тыңдайық және оқиық. Мәтінді оқи отырып тапсырманы орындайды.

(Оқушыларға берілетін мәтін)

Мама, бүгін бес алдым, барлық сабақтан!..

Қырмызы өзінен бірер жас кіші сіңлісін ертіп, анасының берген байғазы ақшасына дәріханадан гематоген сатып алады. Дүкендегі кәмпиттерден гөрі осы қызыл-қоңыр тәттіні ерекше ұнататын-ды. Әпкесінің «Бестік» алған күндері кішкентай сіңлісі үшін де бір мереке еді...

Басына байлаған ақ бантиктері желкілдеп, өмірдің әр қалт еткен көрінісінен қуаныш көріп жүретін ол бір ғажап күндер еді-ау!.. Қырмызы әжесінің баласы еді. Ол кісінің сөз саптауы мен ой-пайымын бала Қырмызы аудыртпай қағып алатын-ды. Әжесінің әр сөзі оған саф алтындай қымбат және әр уақытта орынды болып саналатын.

- Менің шешем өте көрікті кісі болған еді... Сен соған тартқансың. Балапаным-ай, кейде осы көркіңнен де қорқам...

- Неге, әже? Сұлу болған жаман ба?

- Жарқыным-ай, жақсы ғой, тек... жамандығы да бар.

- Неге?..

- Болды, қазымыр болма, ол баланың ойыны емес!

- Айтшы, әже, сұлу болған неге жаман? Ұлдар бұрымыңнан көп тартқаны үшін бе?

- Е, жалған-ай... Сенің екеу болғаныңды көріп, маңдайларыңнан сүйіп барып өлсем - арманым болмас еді...

- Әже, сіз ешқашан да өлмейсіз, егер өлсеңіз сізді мен жүрегіме салып ап ешкімге көрсетпей, өзіміз ғана өмір сүреміз.

- Балапаным менің, кішкентай ақымағым... Е, Аллам, тіл-көзден аман ете гөр, бұлардың көз-жасын көрсетпе маған...\

Тапсырма. «Қай топ жылдам?» әдісі арқылы оқушылар төмендегі тапсырмаларды орындайды:

1. Мәтіндерді оқып, жазу стилін анықтайды. Ойларын дәлелдейді.

2. Мәтіннен күрделі сөздер мен біріккен сөздерді тауып жазады

Қалыптастырушы бағалау: Ең жылдам орындаған топты ынталандыру мақсатында «Қол шапалақ» әдісі арқылы бірін-бірі бағалайды.

(3 рет қол шапалақтайды)

Кері байланыс: Оқушылар мәтіннен алған әсерлерің қандай?

Ү. Жазылым тапсырмасы. Деңгейлік тапсырма

«Конверттегі тапсырма» әдісі

Оқушылар конверттегі тапсырмаларды алады. Әр бала өз мүмкіндігіне, ойлау деңгейіне қарай қалаған тапсырманы орындайды.

1-тапсырма.

А. Біріккен сөздерді екі бағанға топтастыр

1. Түбірі өзгермеген сөздер	2. Түбірі өзгерген сөздер

Қолтаңба, асқазан, бас­ киім, қыстыгүні, Амангелді, елтаңба, әнұран,белбеу, кемпірқосақ, күн­бағыс, қолғанат, бейне­баян, биыл, түпнұсқа,баспасөз, балабақша,жағажай.

Б. Берілген мәтін бойынша күрделі сөздерді қатыстырып, диалог құрастыр.

2-тапсырма.

А. Біріккен сөздерді қатыстыра отырып, 5 сөйлем құра.

Б. Берілген мәтіндерді Венн диаграммасы арқылы салыстыр.

3-тапсырма.

«Байқоңырдың Қазақстан дамуындағы маңызы» тақырыбында 30-35 сөзден тұратын мәтін жаз, мәтінде біріккен сөздерді қолдан

Дескрипторлар:

-Берілген тапсырмада күрделі сөздердің құрылымын сақтайды

-Біріккен сөздердің грамматикалық ерекшеліктерін ескереді

Қалыптастырушы бағалау: «Архиватор 3-2-1» әдісі

3 - тапсырманы орындаудағы 3 маңызды ақпарат

2 - тапсырманы толықтыру жолдарын көрсететін 2 ақпарат

1- алға жылжуына қолдау көрсетілетін ұсыныс

Оқулық

Мәтіндер, оқулық, суреттер,

Оқулық

Сабақтың соңы

4 мин

Үйге тапсырма

6-тапсырма. Түрлі ақпарат көздерін пайдаланып, біріккен сөзден тұратын атауларды жазыңдар.

Қабілеті жоғары оқушыларға айрықша тапсырма:

Біріккен және күрделі сөздерді қатыстырып, сөзжұмбақ құрастырады.

Кері байланыс: «Бес саусақ» әдісі арқылы

Бас бармақ – басты мәселе. Бүгінгі сабақта ең құнды мәселе қандай болды?

Балан үйрек - Мен топта, жұпта қалай жұмыс жасадым?

Ортан терек - Мен не үйрендім?

Шылдыр шүмек – Сабақ маған ұнады ма? Неліктен?

Кішкентай бөбек – Мен сабақта өзімді қалайша сезіндім?

Қосымша ақпарат

Саралау

Саралау – Сіз қосымша көмек көрсетуді қалай жоспарлайсыз? Сіз қабілеті жоғары оқушыларға тапсырманы күрделендіруді қалай жопарлайсыз?

Бағалау

Оқушылардың үйренгенін тексеруді қалай жоспарлайсыз?

Қауіпсіздік және еңбекті қорғау ережелері, денсаулық сақтау.

АКТ-мен байланыс.

«Қай топ жылдам?» әдісі арқылы оқушылардың оқуға белсенділігін арттырамын. Оқушылар тапсырма орындап,ауызекі сөйлеу мен жазба стилінің айырмашылығын анықтап, өз ойларын дәлелдеп жеткізе алады. «Конверттегі тапсырма» әдісі бойынша оқуышының қай деңгейде орындалғаны анықталады. «Жасырын стикер» әдісі бойынша сабаққа белсенді қатыспаған оқушылардың орындығына білдірмей стикер жабыстырамын. Сол оқушылар тапсырмаларын оқып, өз ойын жеткізеді.

Қабілеті жоғары оқушыларға тапсырмаларды күрделендіру, жоғары дәрежелі сұрақтар қоямын, сыныптасының жұмысын бағалау арқылы қолдау көрсетемін.

Әрбір оқушының оқу мақсатына жеткендігін айқындау үшін бағалау критерийлері мен дескрипторлар беріледі.

«Архиватор 3-2-1», «Басбармақ », «Шапалақ» «Бес саусақ» әдістері арқылы оқушылардың өзін-өзі реттеуі, өзін-өзі бағалау, топтардың өзара бағалауында оқу жетістіктері айқын көрініп отырды.

АКТ- мен жұмыс жүргізу кезінде адам өмірінің қауіпсіздігі ескеріледі.

Рефлексия

1.Сабақтың мақсаты мен оқу міндеттері орындалды ма?

Сабақтың мақсаты сабақтың тақырыбына сәйкес оқу мақсаттарын ескере отырып құрылады.Мақсатқа сай берілген тапсырмаларды оқушылар белсенді орындап отырды.Тақырыпқа байланысты сәйкестендіріп, сөйлемдер құрастырып,қарым-қатынаста ойларын айтып, өз көзқарастарын жеткізе білді.

2.Бүгін оқушылар не үйренді?

Байқоңыр туралы мәтінмен таныса отырып, Байқоңыр ғарыш айлағының қалай пайда болғаны, күрделі сөздер мен біріккен сөздердің ерекшеліктері туралы үйренді.

3.Сабақ қалай өтті, қандай деңгейде өтті?

Сабақта оқу мақсатына сәйкес жоспарланған тапсырмалар өз деңгейінде өтті. Белсенді оқу ортасы қалыптасты. Ынтымақтаса жұмыс істеу қабілеті байқалды. Жеке және топпен жұмыс істеу қабілеті, сын тұрғысынан ойлау дағдылары, сөйлеу мәдениеті қалыптасты.

4.Жоспарланған саралау жақсы іске асты ма? (тапсырмалар сәйкес болды ма?)

Саралау шаралары оқушылардың жас ерекшелігіне сай таңдалды, қызығушылығын арттыра отырып,сыни ойлау дағдыларын дамытатын тапсырмалар қолдандым.

5.Уақытты қалай пайдаландым?

Уақытты тиімді пайдаландым.

6.Жоспарыма қандай өзгеріс енгіздім және неге?

Ықшамсабақ өту барысында әріптестерім мен тренерімнен кері байланыс алу арқылы белгіленген дескрипторға өзгеріс енгіздім. Себебі, алдыңғы дескрипторларым тапсырмадан алшақ екенін, нақты еместігін байқадым.

Қорытынды бағалау

Қандай екі нәрсе ойдағыдай сәтті шықты. (оқытуды да, оқуды да есепке алыңыз)

1. «Жасырын стикер» әдісі

2. «Конверттегі тапсырма» әдісі

Қандай екі нәрсені жетілдіру сабақты жақсартар еді? (оқытуды да, оқуды да есепке алыңыз)

1. Қалыптастырушы бағалауды түрлендіру

2. Дескриптормен жұмыс жасауға дағдыландыру

Осы сабақтың барысында барлық сынып немесе жекелеген оқушылар жөнінде келесі сабағыма қажет болуы мүмкін қандай ақпарат білдім?

1. Оқушының ойлау дағдыларын дамытуға бағытталған күрделі тапсырмалар түрін жетілдіру;

2. Сараланған тапсырмаларды жүйелеп апару