Есіркеп Айнур Пазикқызы

№ 74 «Айдана» бөбекжай-бақшасының тәрбиешісі
Шымкент қ.
Бала - өмір қызығы

Бала - артта қалған із. Ұрпақ жаңғырту, артта із қалдыру - адамзаттың
жойылып кетпеуінің бірден - бір себебі. Сондықтан бүгінгі ұрпақ - ертеңгі
болашағымыз. Қыз бала отау тігіп,шаңырақ көтерген соң ең басты арманы -
сәби сүю. Сәбидің былдырлаған үні әрбір шаңыраққа бақыт,қуаныш әкеледі.
Сондықтан ата - бабамыз: "балалы үй - базар, баласыз үй - қу мазар" - деп,
бекер айтпаған. Ата - бабамыз бала тәрбиесіне ерекше назар аударған. Қызға
қырық үйден тыйым салып,ұл баланың ер азамат,намысшыл болып өсуіне
ықпал жасаған. Бүгінгі күні бала тәрбиесі ең алдымен ата- анаға,
балабақшаға барса,тәрбиешіге, ұстазға байланысты. Құс ұясында не
көрсе,ұшқанда соны іледі, бала да өзі тәрбиеленіп отырған ортадан не
үйренсе,болашақта сондай болады. Тәрбие - тал бесіктен. Сондықтан, қандай
тұқым сеуіп,қалай күтіп баптасақ,сондай жеміс аламыз.
Бала - ертеңгі азамат немесе азаматша. Елімізде балалар құқығы заңмен
қорғалады. Кез - келген бала орта білім алуға, ақылы немесе мемлекет
бөлетін грантпен жоғары білім алуға, өзі қалаған мамандық иесі атануға,
мемлекеттік жұмыспен қамтамасыз етілуге, ата - анасынан айрылған балалар
мемлекеттік жәрдемақы алуға, белгілі бір қоғамдық орындарда жеңілдіктерге
ие болуға (мысалы,қоғамдық көліктерде төленетін жолақы жеңілдіктері
т.б),тегін медициналық көмек алуға құқылы.
Балалардың құқығын қорғау мақсатында "1 маусым - халықаралық балаларды
қорғау күні" деп жарияланған. Бұл мереке әрбір жерде аталып өтіледі. Бұл
кезде демалысқа шыққан мектеп оқушылары мектеп лагеріне шақыртылады.
Сонымен қатар, балаларға арналған түрлі мерекелік іс-шаралар, ойындар
өткізіледі. Біздің мектеп қос тілді (қазақ және орыс) мектеп болған
соң,біздегі түрлі мерекелік іс - шаралар,ойындар, лагерь екі тілде өткізіледі.
Бала ұлтқа, нәсілге бөлінбейді. Барлығы бір атқа ие: ол - бала.
Бала тілі - бал. Ересек адамдарға қарағанда, балалар үнемі шындықты
айтады. Ақылды, тәрбиелі, білімді бала тәрбиелеу - ата - ана мен ұстаз
жетістігі. Ел болам десең, бесігіңді түзе. Сондықтан, жақсы ұрпақ тәрбиелеу -
ертеңгі болаш ағымыздың кепілі. Балаларды қорғау, аялау, жақсы көру - бар
адамзаттың міндеті.