ЖШС «GLOBAL TARAZ» «Ботақан
life» бөбекжай-бақшасының әдіскері.
Айдарова Гульнара
Абдрахмановна.
«БАЛА ТӘРБИЕСІНДЕГІ
ОТБАСЫ МЕН БАЛАБАҚШАНЫҢ
ҚАРЫМ-ҚАТЫНАСЫ»
Отбасы дегеніміз бұл баланың
ата- анамен өмір сүру ортасы. Қамқорлықтың тұрақты көзі. Тәрбиелеу
мен қарапайым біліммен және шешім қабылдай білуге үйрететін, ең
жақын адамдардың мейірім, шуағын сезінетін
орын. Отбасындағы жас ұрпақтың
тұлғалық қасиеттерін қалыптасуына ата-ананың, отбасы мүшелерінің
қарым-қатынасындағы мейірімділік пен махаббат қажет. Бала отбасынан
жақсыны да, жаманды да бойына
сіңіреді. Отбасының барлық мүшесі
баланың тәрбиесіне қатысты болғандықтан тақырыпты отбасы мен
балабақшаның қарым- қатынасы деп алып отырмын. Өйткені ата-анамен
жұмыс жүргізген кезде түрлі мінез-құлықтармен қарама-қарсы
кездесесің. Сол себептен білім беру мекемесінде ата-анамен
жүргізілетін жұмыстарды педагогикалық қоғамдарға сәйкес, баланы
жан-жақты дамытуға негізделген, бала құқығын сақтауға және қорғауға
бағдарланған түрді ұйымдастыру. Бүгінгі күн заман
талабына сай оқу-тәрбие үрдісінде ұйымдастыруда әр баланы жеке
тұлға ретінде қабылдап, тәрбие ісіне ата-ананы да қатыстырудың оң
нәтиже беретінін өмір мен тәжірибе дәлелдеп отыр. Сондықтан
көптеген жылдар бойы осы бағытта қажырлы еңбектер жүргізіліп
келеді. Біздің бөбекжай-бақшада осы бағытта ата-аналармен талмай
еңбек етіп өз алдына мынадай мақсат міндеттерді қойып отыр.
«Үздіксіз білім беру мен сауықтандыру, тәрбиелеу жұмысында кеңістік
құру сабақтастығын жүзеге асыру» яғни, ата-ана бала тәрбиелеу ісіне
белсене ат салысу үшін белгілі бір жүйе құра отырып жұмыс жүргізу.
Осы міндеттерді іске асыру барысында . «Тәрбиеші- ата-ана»
мәселесіне ерекше көңіл бөлініп отырады. Балабақша ұжымы осы
мәселелерді талдап, талқылай отырып ата-аналармен жұмыс жүргізуді
мынадай бөлімдерге бөліп қарадық: «Оқи отырып, тоқи отырайық», «Біз
біргеміз» .
«Оқи отырып, тоқи отырайық»
бөлімінде балабақша педагогтары ата-аналармен бірлесе отырып
оқу-тәрбие процесінде жұмыс атқарады. Бұл бөлімде ата-аналарға
түрлі жарнама жасау, жарыстар, семинар, кеңестер беру арқылы жұмыс
іске асырылады. Сонымен бірге, педагог-тәрбиешілер де тек
балалармен, ата-аналармен жұмыс жүргізіп қоймай өз білімдерін
жаңаша толықтыруға талпынады. Әр педагог –тәрбиеші жұмыс бағытын
іздей отырып жаңа үрдістегі тәрбиеге тап болары сөзсіз деп
ойлаймын.