Балабақшадағы таңертеңгілік,Наурыз мерекесі

Самалық, самалық,
Қан тауының көк құсы 
Ұйқыдан көзін ашты ма?
Самалық, самалық,
Самарқанның көк тасы 
Жібіді ме, көрдің бе?
Самалық, самалық,
Жаңа келген жақсылықты
Көрдік пе, көрмедік пе?
Самалық, самалық,
Ескі жыл шығып, жаңа жыл кірді.
Самалық, самалық,
Сүт көп, көмір аз,
Жаңа жыл жарылқа,
Ескі жыл есірке,- 

- деп, үйдегі ескі ыдысты сындырып, «қабақ сынды, қайғы кетті» деп ырым жасаған.
Жүргізуші 1Жаңа жылда көңіліміздегі көркем ой, асыл арман, ақ тілектеріміз қабыл болсын! Халқымыздың өткен күндердегі реніш, сырқат бәрі ескі жылда, басқан ізде, жанған отта қалсын! – деген тілегінен туған аластау ғұрыпын топ балаларының әжелері өткізеді

Аластау рәсімі: Әжелер

Алас, алас
Алас, алас
Әр бәледен қалас
Ескі жыл кетті,
Жаңа жыл жетті.
Айдан аман
Жылдан есен болайық!

Жүргізуші 1
- Жаңа күн, Наурызымыз, келдің бе?
- Көктем боп, Наурызымыз, келдің бе?
- Бүрлеген қайынды көрдің бе?
- Құс қанатын сабылтып келдің бе?

- Ел жұртыңды сағындырып келдің бе?

- Күлкісін сәбидің көрдің бе?

Жүргізуші 2.: Осы балаларымыздың құрметіне ата-аналар атынан Қабақ Н. орындауында «Сәби болғым келеді» әнін қабыл алыңыздар!

Жүргізуші 1.:Тоқшылықтың белгісі той көбейді

Тойға келген қызулы бой көбейді.

Не өнерің болса да ортаға сал:

Өлең айтқын,би биле, сөйле мейлі

Балалардың тартуы:

1.Ән «Наурыз – біздің жаңа жыл »

2. Келесі кезекте балалардың орындауында «Домбыра» биін қабыл алыңыздар!

Жүргізуші 2Наурыз мерекесінде наурыз көже даярланып, дастархан жайылады, алтыбақан құрылып, ән-бимен қатар әртүрлі ойындар ойналады.Біздің балалар да ұлттық ойындар ойнағанды ұнатады

«Қыз қуу» атты ұлттық ойын

Жүргізуші 1Адамдар үшін көктем – қызу жұмыс науқаны, ал Наурыз болса – нағыз шаруаның мейрамы.Халқымызда дәстүр көп, атап айтсақ:

1.Қонақ келсе – құт

/қарсы алу, дастархан басына шақыру, қолға су құю, табақ тарту/

2.Шаруашылық жайында дәстүрлер

/Асар, қолкесер, қымыз мұрындық, қазық майлау/

3.Тұрмыс дәстүрлері

/жеті ата, ерулік, бес жақсы, жеті жоқ, үш арсыз, той бастар/

4.Балаға арналған дәстүрлер

/жарысқазан, шілдехана, бесіктой, тұсау кесу, ашамайға мінгізу, сүндеттой, қыз құлағын тесу, асырап алу, сатып алу, бауырына салу/

Ал енді, құрметті ата-аналар,сіздер білсеңіздер осы дәстүрлердің түрлерін атап және кез-келгеніне қысқаша сипаттама бересіздер.

Мысалы: «Баланы сатып алу» деген не?

Жауабы:Баласы көп шетінеген адамдар тәуіп не молда адам үйіне келсе жаңа туған нәрестені сол адамға береді, 2-3 күннен соң барып сатып алады,үйге әкелгенде керегенің астынан енгізіп, 7 кемпірдің астынан өткізеді.Бұл баланы сатып алдық деп ырымдап, тірі қалуын тілейді.

Жүргізуші 1Алдарыңызда өнер көрсететін сүйкімді ару Айжан - «Өзбек биі»

Жүргізуші 2.:

Алдарыңда бейбіт күн – алтын ғасыр

Бейбіт күннің болмайды салтында сын.

Тойларыңмен ойларың қанаттанып

Күй күмбірлеп, әсерлі ән тынбасын

Ата-аналардың музыкалық сәлемімен Наурыз тойы атты мерекемізді аяқтаймыз:

Жүргізуші 1

О.Асқардың «Наурыз көже» атты өлеңімен барлықтарыңызды Наурыз дастарханға шақырамын

Ашық болсын қос қабақ

Таспен атқанды аспен ат.

Бейтаныс та, таныс та,

Бүгін тқрде бас қонақ.

Ішілетін, жейтіннің,

бұл көжеде бәрі бар,

арпа, бидай, тары бар,

қатық, малта тағы бар.

Ошақта шоқ әлі көп

Астың ауыр обалы

Астан үлкен ешкім жоқ

Қазан аузы жоғары!