Балалар біздің болашағымыз!

Балалар біздің болашағымыз!

«Ұрпақ тәрбиесі – ұлт болашағы»

(халық даналығы)

Бала тәрбиесіне келгенде бей-жай қарамайтын дана халқымыз неткен кемеңгер десеңші.

Кішкентай бүлдіршіндерінің болашағы дара шақ болуы үшін, балабақша баспалдағының берер пайдасы мол екенін айта кету абзалырақ деп ойлаймын. Бар зейін, назарымызды балапандарымызға салу арқылы, болашаққа бағдар бере аламыз. Бүгінгі таңның балапандары зерделі, дамыған. Оларды тек сөзбен тәрбиелеу қиынға соғады. Балалық шақта дұрыс бағыт алған шыбық секілді балалар, жасөспірім шаққа аяқ басқанда адам өміріндегі сенім, мінез-құлық, парасат – пайым сияқты басты ұстанымдарды қалыптастыра алатын болады. Сол қалыпқа құйыл – қорғасындай бойларына сіңген болары анық.

Балалардың қылықтарынан ашысы мен тәттісін Мектепке дейінгі тәрбие мен оқыту ұйымдары ұжымының тәрбиешілері, жетекшілері қатар көреді.

Бала тәрбиесі баршаға ортақ жауапкершілік. Отбасының да, балабақшаның да, тіпті мектептің де мақсат – мүддесі біреу. Ол болашақ ұрпақ тәрбиесі Мектепке дейінгі тәрбие саласында ұлттық тәрбиенің негізгі қағидаттарын бойына сіңірткендұрыс деп ойлаймын. Өз елінің патриоты, жанашыры болу арқылы, өзге ұлтқа мейірман болуды қанға дарытпаса да, бойға дарытқан дұрыс.

Салт-дәстүрді, ана тілін, бабалар ұғымын бойларына сіңірту үшін көп еңбек қажет. Қажетті білік пен дағдыларын қалыптастыруға мүмкіндігін беру қажет. Бізден алған тәлім, өне бойына өмір бойы құйылатын қазына іспеттес болуы қажет.

Олардың естіген, көрген, байқаған дүниесінің барлығын тіл арқылы емін- еркін жеткізуге ыңғай жасау қажет. Сөз әдебін қалыптастырып, адамгершілік қасиетін биіктеткен тәлімгердің нағыз жемісі сол деп ойлаймын.

Болашақ ол біздің балдырғандар. Былдырлап бақыт силаған күлкінің иелері. Жүректері кішкентай болғанымен түсіну, сезіну қабілеттері тым жоғары. Болашақ – ол балалар, «Болар баланың бетін қақпа, белін бу», - деген аталы сөзден, баталы сөзге аяқ басар уақыт жақын. Тек оларға сеніп, бірге жанып, бірге күліп, бірге балаша шын қуана білсек болғаны.

Мен балаларымды, балаларым мені мейірмен құшақтағанының өзі, тәрбиенің бір толқынын тоғ,ыстыра білдім деген сөз.

Дауренбекова Алтынай Бимендеевна