Балалар фольклоры

Студенттің ой-толғанысы

Менің жұмысымның тақырыбы “Балалар фольклоры”. Балаларға қатысты әр дүние өте салмақты болып келеді. Бұл тақырыпты таңдауымның себебі – халық ауыз әдебиетінің баланың дамуына әсерін зерттеу және халық ауыз әдебиетін дәріптеу қажеттілігі. Халық ауыз әдебиеті сәби дүние есігін ашқанынан, дүние салғанына дейінгі барлық салт-жырларды қамтиды. Балалар фольклоры — ұрпақ қамы десек артық болмас. Өйткені, бұл кезеңде туған шығармалар тұрмыстық-тәрбиелік мақсатты көздейді. Ұлтымыздың ешбір тойы ән-күйсіз өткен емес. Жыршы,күйшілердің  аузынан тараған ән-жырлар халық арқылы тарап күні бүгінге жеткен. Әрине, асыл мұрамыз. Фольклор жанрлары баланың әрбір дамуына әсер етіп отырады. Бұл ойыма Бауыржан Момышұлының “Ұшқан ұя” повесі дәлел. Қызтумас әжеміз Бауыржан атамыздың жазушы боп қалыптасуына, зерек боп өсуіне түрлі ертегілер, аңыз-әңгімелер айтып отырып әсер ете білген. Тіптен жаңылтпаш, санамақ сынды шығармалар баланың жүйке жүйесіне оң әсерін береді екен. Бесік жыры баланы түрлі жамандық атаулыдан қорғайды. Тіптен балаға анасының әлдилеген дауысынан тәлім дариды.

Балалардың өздерінің қиялынан туған мазақтама, санамақ, қызықтама секілді шығармалар бар. Бұл шығармалар баланың ойлау қабілетін, ой ұшқырлығын дамытады. 

Мінекей, халық ауыз әдебиетінің бала өмірінде маңызы үлкен екенін ұғындық. Ауыз әдебиетін тыңдап, оқып, біліп өскен ұрпақ санасыз не сауатсыз болмасы анық. Халық ауыз әдебиті тұнып тұрған тәлім-тәрбие.

Бұл тақырыпты таңдаудағы мақсатым— болашақ ұстаз ретінде ғаламторға есі кеткен ұрпаққа ауыз әдебиетінің құндылығын ұғындыру және тарих пен әдебиетке деген қызығушылықтарын арттыру.