Балалық шақ

Балдай тәтті балалық сағынышым,

Балалықтың бал дәмі бәрі үшін.

Айлы аспан жайнаған жұлдызы мен,

Жарқыраған шуақты таңың үшін.

Балалығым анамның алақаны,

Аймалаған шекемді емдеп күнде.

Балалығым әкемнің қара отаны,

Шаршап келіп жататын тербетіле.

Балалығым сезімнің адалдығы,

Балалығым уақыттың сараңдығы.

Тоймай қалып ойынға сан қағатын,

Ертегідей сан түрлі тараулығы.

Балалығым балыңды татсам шіркін,

Қызығыңа тағы да батсам шіркін.

Дала кезіп іздеймін туған жерден,

Қонақ болып өзіңе барсам бүгін.

Балалығым кел де сен құшақташы,

Қымсынбайын өзгеден қымтырылмай.

Сағыныппын өзіңді балалығым,

Кетпей жүрсің есімнен әркез ұдай.