Жақсы ауданы «Балауса» балабақшасы

«БАЛАНЫҢ БАЛҒЫН ТІЛІ»

атты мәнерлеп оқу сайысы

«Балапан» ортаңғы тобы

Тәрбиешісі: Рахметова Д.А.

Подгороное

Бала тілі – бал
Мақсаты: Балалардың шапшаң, тез ойлау қабілеттерін дамыту. Балаларға сұрақтар қою арқылы логикалық ойлау қабілетін дамытумен қатар, еркін сөйлеуге дағдыландыру. Жан жақты білімді іскер өздік ойлау жүйесі дамыған адамгершілігі жоғары дені сау барынша қабілетті жанды қалыптастыру.

Сабақтың барысы:
Қымбатты әріптестер, қонақтар және біздің кішкентай бүлдіршіндеріміз! «Бала тілі – бал» атты сайысымызға қош келіпсіздер! Сайысымызға 2 топ қатысқалы отыр. «Білімді мыңды жығар, білікті бірді жығар»- дегендей ортаға сайыскер топтарымызды шақырып алсақ.
Топтарды ортағы шақырып таныстырамыз

Олай болса сайысымызды бастайық.
Балақайлар, ең алдымен сайыс ережесімен таныстырайын:

Сайыс 8 кезеңнен тұрады.

1.Ширату /Сөз жасыру/

2. Сиқырлы әріптер /Сөздер жазу/

3. Антонимдер сайысы

4. Жұмбақ жасыру /Үй тапсырмасы/

5.Жаңылтпашты қайталау

6. Ұйқасын тап!

7. Кім жылдам? /10 сұрақ/

8. Өз өнерін көрсету

1-кезең. Ширату

1 - ші сұрақ: Ол бәріміздің үйімізде бар. Ол төртбұрышты. Түсі қара. Оның басқаратын тетігі болады. Біз одан көптеген бағдарламалар, мультфильм, кино қараймыз. (Теледидар

2 - ші сұрақ: Ол қазір көптеген үйлерде бар. Ол төртбұрышты. Теледидарға ұқсайды. Біз одан көптеген мәліметтер аламыз. Ойындар ойнаймыз. Ол арқылы ғаламторға шығамыз. Оның тышқан деп аталатын құрылғысы бар.(Компьютер)

3 - ші сұрақ: Ол байланыс қызметі. Бәріміздің үйімізде бар. Ол шырылдаса көтереміз. Онымен ағайындармен, достармен сөйлесеміз.(Телефон)

4 - ші сұрақ: Ол жүреді. Оны біздің папаларымыз жүргізеді. Ол жанармай арқылы жүреді. Оның төрт дөңгелегі бар. Түстері әртүрлі. Бір жерге барсақ соған мініп барамыз. (Машина)

2-кезең Сиқырлы әріптер

Мына жерде қазақ тіліне тән 9 әріп берілген. Соның ішінен әр топ бір әріптен таңдайды. 1 минут ішінде осы әріптен басталатын сөздер жазу керек. Қай топ көбірек сөз жазады екен?

Біз ойын барысында жинаған ұпай санын анықтағанша әр сыныптан өз өнерлерін көрсетеді.

Қорытынды шығару, жеңімпаз топты анықтау.

Осымен біздің «Бала тілі – бал » атты интеллектуалды ойынымыз аяқталды. Жеңіске жеткен топты құттықтаймыз!

Бірдей соққан жүрегі

Достық бізге керегі.

Бізден үлгі ал

Бала тілі – БАЛ!