Тақырыбы: Баланың бас ұстазы ата-ана. Ата-анамен жұмыс
Түрі: тренинг
Мақсаты:Алдымызда отырған оқушының ата-анасымен жақын танысу.
Ата-ананың отбасындағы рөлін анықтау, өз балаларының болашағы туралы пікірлерін тыңдау. Ата-ананың мектеппен байланысын нығайту. Мұғаліммен дұрыс тіл табыса білу ерекшеліктерін білу, ойларын ашық айтуға баулу.
Көрнекілігі: суреттер, тірек схемалар, слайдтар, кестелер, т. б.

І. Ұйымдастыру кезеңі.
Оқушылар мен ата-аналардың назарын тренингке аудару.
ІІ. Негізгі кезең.
Мұғалім түсіндірмесі:
Ата-анамен жаңаша жұмыс түрлері.
Жас ұрпақты жан-жақты жетілген, ақыл-парасатты, ой-өрісі биік азамат етіп тәрбиелеу - қоғамымыздың ең өзекті мәселесі. Бала тәрбиесінің алғашқы алтын қазығы-жанұясы. Жанұялық тәрбие ата-ана мен бала арасындағы қарым-қатынастық жүйе. Олай болса, ата-ана осы жүйені ғылым мен өнер ретінде жан-жақты меңгеру қажет.

Сондықтан мұғалім мен ата-аналардың өзара қатынасы міндеттерінің ең негізгісі – психологиялық - педагогикалық білімдерін көтеру болып табылады.
Осы міндетті шешу ата-аналар жиналысы, конференциялар, тренингтер, пікірталастар (дөңгелек үстел), сайыстар, үйлестіру кеңесінің шешімдері т. б. шаралар арқылы жүзеге асады.

Ең алдымен ата-ананың өзін-өзі тануына бағытталған тренингтер, өзіне баласының көзқарасын білдіретін тестілер мен психорефлексиялар жүргізіледі.
Әрине кез-келген ата-ана өзі туралы да, баласы туралы да жоғары пікірде болады. Сондықтан бұл жұмыстар бастапқы кезде түсінік-танымын кеңейту ретінде жүргізілгенімен кейіннен тереңдей бастайды.

Сонымен қатар, жаңа үлгіде өткізілген ата-аналар жиналысының да маңызы айтарлықтай. «Баланың бас ұстазы ата-ана» атты ата-аналар жиналыстарын өткізу жоспары төмендегідей үлгіде ұйымдастырылды.
Жүрісі:
І. Жылы сөз айту. Әр ата-ана баласымен

ІІ. Тұрыңдар жаттығуын жасаймыз

• бірге кітап оқитындар;

• ортақ қызығушылығы барлар;

• ата-анасына үй шаруасында көмектесетіндер;

• бірге саяхаттайтындар;

• анасына қоқысты төгуге көмектесетіндер;

• ата-анасымен сырласатындар.

ІІІ. Біріккен сурет.Ата-анасымен бірге сурет салу
Әр топтың бір мүшесі қорғайды.

ІҮ. Педагогикалық ойын.
Мақтау Ұрсу
1.(2 минут уақытта кестені толтыру, іштей шешімге келу. Кестенің қай жағындағы сөздер көп? Ойлану).

2. Сіздің балаңыз сізді қатты қуантты (бір ісімен) сіз не айтасыз?

Қалай қолдайсыз?
(Балаға мадақтау сөздерін айтып, мәреге бірінші жету).
(Тамаша! Тіпті ертегідей ғой! Сенсіз мен не істер едім? Өте жақсы! Мақтанышым менің! Мен де осындай нәтиже күтіп едім! Қандай қуанышты!)

Ү. Сөйлемді аяқтау. ата-анаға, балаға
І топ.
1. Егер баланы үнемі сынап отырса...(оқуға құлқы болмайды).
2. Балаға үнемі күлсе...(бұйығы болып өседі).
3. Баланы қолдап отырса...(өз қадірі үшін оқиды).

ІІ топ.
1. Баланы қолдап отырса...(ол өз бағасы үшін оқиды).
2. Бала төзімділікте өссе...(адал болып жетіледі).
3. Бала қауіпсіз жағдайда өссе...(ол адамға сеніммен қарайды).

ІІІ топ.
1. Бала кекшілдікте өссе...(ол қатыгез болып өседі).
2. Бала адалдықта өссе...(адал болып жетіледі).
3. Бала түсіністікте және сүйіспеншілікте өссе...(бұл әлемнен махаббат табуға үйретеді).

І. Бала
1. Егер анаң себепсіз ұрсады онда сен..............
2. Ана сенің .................... оны .............................

3. Кекшіл болма,...........................................

ІІ. Бала

1. Әкең қораны тазалап жатыр әбден шаршады .............
2. Ата-ананы үнемі ............
3. Кекшіл болма,...........................................

ІІІ. Бала

1. Егер анаң сені достарыңның алдыңда себепсіз ұрсады онда сен...........................................................................

2. Әке ....................... тауың оны сен ..................
3. Кекшіл болма,...........................................

ІҮ. Бала

1. Сен үйге кіріп керіп келсең анаң көңілсіз, сен не істейсің?........................................................................................

2. Ата-анаң сенің ...................
3. Кекшіл болма,...........................................

ҮІІ. «Сіз қандай ата-анасыз?» сауалнама

келіссе +, келіспесе -

Олар балалармен қарым - қатынас барысында неғұрлым жиі сөздерді белгілеу қажет.

1. - Мен саған қанша рет айтамын?

2. - Маған кеңес бере қойшы, айналайын!

3. - Мен сенсіз не істер едім?!

4. - Бұл не тағы?

5. - Біз бәрін бірге ойласатын достармыз ғой?

6. - Кімге тартқан бәлесің өзің?

7. - Мен сендей кезімде..

8. - Сен менің тірегімсің, қолқанатымсың!

9. - Сенің жаныңдағы қандай достар осы?

10. - Сен не ойлап отырсың?

11. - Ұлым (қызым), сен қалай ойлайсың, жұрттың баласы бала сияқты, ал сен болсаң…

12. - Ақылдымсың ғой сен менің!
    
    Жауаптары:

7 - 8 балл - Сіз өз балаңызбен жүйелі түрде қарым - қатынас жасап отырмасаңыз да, ол сізді құрметтейді. Сіздің көзқарасыңыз оның тұлға болып қалыптасуына көмектеседі.

9 - 10 балл - Балаңыз сізді құрмет еткенімен әрқашан ашық сөйлесе бермейді. Оның тұлғалық дамуы кездейсоқ жағдаяттар ықпалынан болмақ.

11 - 12балл – Сіздің бала тәрбиесіне мұқияттылау болғаныңыз жөн. Балаңыз сізді құрметтейді, бірақ ол, ата - ананың аялы алақанына, жылы сөздеріне зәру.

13 - 14балл - Сіздің бала тәрбиесіне байланысты ұстанған жолыңыз дұрыс емес екенін өзіңіз де білесіз. Балаңыз бен сіздің араңызда сенімсіздік бар - оған көбірек көңіл бөлуге тырысыңыз, оның сөздеріне құлақ асыңыз.

ҮІІІ. Маржан сөздер сайысы.
(Бала тәрбиесі туралы мақал-мәтел, нақыл, шешендік сөздер айту.
Әр топтан өз пікірін қорғау)

«Қызықты сұрақтар»
Таратылған парақтарға жауап жазу
1. Балаңыздың туылған күні?
2. Сынып жетекшісінің толық аты жөні?
3. Балаңыздың аяғының өлшемі?
4. Балаңыздың парталасы кім?
5. Балаңыздың сүйікті асы қандай?
6. Балаңыз қандай түсті жақсы көреді?
7. Балаңыз бірінші сыныпқа қай жылы барды?
8. Балаңызды еркелеткенде қандай сөздер пайдаланасыз?
9. Балаңызға ашуланғанда аузыңызға ең алдымен қандай сөз түседі?

10. Балаңыздың ең жақын досы кім?

ІҮ. Ата-аналарға пайдалы кеңестер:

• Баланы үнемі сынай берсе, ол жек көруді үйренеді;

• Егер бала өшпенділікте өссе, ол қатыгездікті үйренеді;

• Егер де балаға күле берсеңіз, ол тұйық болып өседі;

• Егер баланы сөге берсеңіз, онда ол кінәлі сезіммен өседі;

• Егер баланы әлпештей берсе, ол өзімшіл болып өседі;

• Егер бала шыдамдалықпен өссе, онда ол басқаларды қабылдауды үйренеді;

• Егер баланы қолдап тұрса, онда ол өзіне сенуді үйренеді;

• Егер баланы мақтаса, онда ол игілікті болып өседі;

• Егер бала қауіпсіздікте өссе, онда ол адамдарға сенуді үйренеді.

ІІІ. Қорытынды.
Ата-аналардың өз балаларының жан-дүниесін жақсы түсінуі, оларға отбасында дұрыс та тиімді тәрбиелік орта тудырады.
Бала тәрбиесіне қатысты білімі және біліктерін ұдайы көтеріп отыруы қажеттілігі артады.