Сабақтың тақырыбы: «Балапанмен бірге музыка әлеміне саяхат»

08.09.2018 ж

Сабаққа қатысушы оқушылар:

1.Құбайдолла Азамат

2.Зұлқарнай Айкен

3.Ерболатов Дінмұхаммед

Сабақтың мақсаты:

а)Түзете дамыту: Оқушыларға қарапайым тапсырмалар арқылы музыкаға қызығушылықтарын, ырғақ сезімдерін, музыкалық есте сақтау қабілеттерін дамыту.

б)Тәрбиелік: Білім алушылардың түсінігіне қолжетімді және айқын музыкалық шығармалар арқылы қоршаған орта туралы ұғынымдарын кеңейтіп, әсемпаздыққа, өнерсүйгіштікке тәрбиелеу.

Сабақ түрі: Топтық

Міндеттер: Психологиялық дайындық, жұптық жұмыс, дауыс жаттықтыру,

ырғақты жаттыулар орындату аспапта қосылып ән орындату әрі

бағалау сияқты интербелсенді оқыту әдістері бойынша жүргізу.

Күтілетін нәтиже: Танымдық үрдісі дамиды, өнерге қызығушылығы артады,

кеңестік пен уақытты бағдарлауды меңгереді.

Көрнекілік құралдар: Күйсандық, ұрмалы аспаптар, интерактивті тақта,

дидактикалық материалдар.

Ашық сабақта қолданатын әдістер мен тәсілдер:

Психологиялық тренинг, дауыс жаттықтыру, тыңдарманмен байланыс, сыни ойлау, аспаптарда ойнау, ән орындау, ырғақты би жаттығулар

Ашық сабақтың өту барысы:

1.Дайындық бөлім

2.Кіріспе бөлім

3.Негізгі бөлім

4.Қорытынды бөлім

5.Үйге тапсырма

Дайындық бөлім:

• Саламатсыздарма балалар?

• Балалар бүгін біздерге қонақтар келіп отыр екен, ендеше солармен де амандасып алайық.

• Ал енді балалар амандасып алған болсақ, сабағымызды көңілді әрі еркін өткізу үшін әр сабақ сайын орындап жүрген «Құстар шықты шалғынға» тақпағымызды қолдарымызбен көрсетіп орындап жіберейік.

«Құстар шықты шалғынға»

Үйрек шықты шалғынға кря - кря - кря,

Мойнын созып қаз шықты га - га - га,

Ағаштарды жел шайқап у - у - у,

Суда қамыс шулайды ш - ш - ш,

Тағы да тыныштық орнайды түш............

• Өте жақсы!

• Балалар біздер қандай ән болмасын орындамас бұрын ең әуелі жаттығу жасаудан бастаймыз екен. Сол себебті қазірде біз дауысымызды жаттықтырудан бастаймыз.

Жалпы тіл кемістігіне және әнді дұрыс орындауға арналған дауыс пен тыныс алу жаттығулары:

1.Ма - ме - ми - мо - му

2. «Насос» ойыны

Кіріспе бөлім:

Тақырыпты слайд және әңгіме түрінде таныстыру

- Балалар қараңдаршы мына жерде сандық тұр екен.

- Оның ішін ашып көремізбе балалар?

- Міне ғажап, ішіенен балапан шықты.

- Ал ендеше осы балаппанмен бірге музыка әлеміне саяхат жасайық.

Негізгі бөлім:

Ән айту: «Балапан»

1.Балапан, балапан,

Қане қайсы алақан?

Саусақтарың әйбат,

Былай - былай ойнат.

2.Топ - топ, топ - топ,

Қане аяқ басайық.

Төбемізде алтын күн,

Би билейік ойнайық.

Аспаппен қосылып орындау: Осы үйренген әнді синтезатор аспабымен қосылып орындату.

Ырғақты қимыл - қозғалыс жаттығулар:

«Балапан» биінің элементтерін үйрету.

1.Бастапқы қалып - ең әуелі қаз - қатар тұрып қолдарын алға кейін жанға созып балапан қанаттары сияқты қағу.

2.Барлық оқушы бір орнынан музыка ырғағына сай теңселіп айналу.

3.Ең әуелі қолдарын сәл алға созып, саусақтарын ашып - жұмып, кейін әуен ырғағына сай шапалақтау.

Фонематикалық есту қабілеттерін дамыту жаттығулары:

Ойын: «Тауып көр»

Мақсаты: Айналадағы заттарды бір - бірінен ажыратуға үйрету.

Құрал: Синтезатор көмегі арқылы арыстанның, жылқының, жаңбырдың, т.б. дауысын жасыру

2 - нұсқасы ретінде музыкалық аспаптарды пайдалануға болады.

III Қорытынды бөлім:

- Балалар осыменен сабағымыз өз мәресіне жетті.

- Сабақ сіздерге ұнады ма?

- Сабақта біз қандай ән мен билер үйрендік?

- Балалар сіздерге балапанмен бірге саяхатқа шыққан ұнады ма?

Соңы: Оқушыларды мадақтап бағалау және түрлі сыйлықтар беріп ынталандыру.

IV Үйге тапсырма:

«Балапан» әнінің сөзін, әнін жаттап оны қол қимылдарымен көрсету,

«Балапан» биінің элементтерін қайталап келу.