Бақыт деген не?

«Бақыт деген не өзі?», – деп бастады топ таласты.

Бірі оны үйден іздеп, бірі қырдан әрі асты.

Бірі айтады: «Бақыт деген – барлық, байлық емес пе?

Керегінше киіп ішсең, бақыттысың емес пе?».

Бірі айтады: «Жоқ, бақыт деген – қолың жетпес мансап қой.

Жұрттан гөрі жүрсең ерек, соның өзі жақсы ат қой».

Бірі айтады: «Бақыт деген – жүйрік мініп, той тойлау.

Ісің болмай күйбеңменен, қарын тойса, карта ойнау».

Бірі айтады: «Бақыт деген – адал жар мен перзент қой.

Ынтымаққа ырыс келген, ол да соған ермек қой».

Пікірлердің таласына осылай мен жолықтым.

Бақыт адам баласына келмес оңай, соны ұқтым.

Безбеймін мен баладан да, байлықтан да, жардан да,

Мансап жетпес бар адамға үлестіріп алғанда.

Үміт үзбей іздейді олар, тыңдап сол бір жақұтты,

Оны алыстан іздемегін, жүректен тап бақытты!» деп Мұқағали Мақатаев атамыз жырлағандай. Менде өз ойымды ортаға сала кетейін.
Бақыт деген не?...... Бақыт дегенді адамдар әрқайсысы әрқалай түсінеді. Сол адамдардың бірі мен едім. Бақытты адам болу үшін - өзіңде жақсылық жасай білуің керек деп ойлаймын. Кейбіреуі бақыт байлықта деп ойласа, кейбіреуі өз еңбегіңмен тапқаны, кейбіреуі ата – ана атансам, сәби сүйсем сол бақыт деп ойлайды. Ал өзіме келетін болсам маған бақыт деген – ол жақындарым жанымда болса, балаларым, туған – туыстарым, бауырларым, ата – аналарым аман, денсаулықтары мықты, ешқашан ауырмай, отбасымда тыныштық, жылулық, сыйластық болса, балаларым аман – есен оқуларын оқып, өздері аңсаған армандарына жетсе солардың өзі жеткілікті.

Бақытты болу – ол адамдардың өз қолдарында. Алла тағала бақытты, байлықты, махабатты бірге береді дейді. Ол қаншалықты рас? Адам бақытты болса ол соншалықты махабатқа ие болады және байлықты адам еңбегімен табады.

Бақыт деген сөздің мағынасына ешқашанда сөзбен жеткізе алмайды екенсің. Сондықтанда бір шумақ өлеңімді арнап көрейін, бірақта мен ақын емеспін, өлең шумақтарын жүректен арнап отырмын:

Бақыт деген – көпшіліктің қанаты,

Бақыт деген – адамдардың бақыты.

Бақыт деген – балалардың анасы,

Әрқашанда аман жүрсін,

Қазыналы қарттарым.

Ойымды қорыта келе, әр адам өз болмыстарына сай болса, өмірлерін баянды ете білсе ғана шын бақытты бола алады демекпін.