Бәрі де Ана, бір өзіңнен басталады

Күні

11.03.2024ж.

Класы, жетекші

6в / Амирова Э.А.

Сабақтың тақырыбы

«Бәрі де, Ана бір өзіңнен басталады »

Мақсаты

 Ана жайлы ұлағатты сөздер, мақал- мәтелдер арқылы ана мейірімін, махаббатын, жақсылығын түсіндіру; ананы сүю арқылы елі- жеріне деген сүйіспеншілігін арттыру. Ер бала мен қыз бала арасындағы  татулықты нығайту.

Күтілетін нәтижелер

Топ ішінде жұмыс істеу барысында қажет мәліметті алады;

Тарих және тіл тақырыбын меңгереді.

Өмірмен байланыстыра алады.

Керекті жабдықтар

Интерактивті тақта,флипчарт, фломастерлер,стикерлер,қанатты сөздер,слайд

Қолданылатын әдіс-тәсілдер:

Топтық жұмыс: жаңа білімді меңгерту, ой бөлісу.

Құндылықтар

«Ата-аналар мектебі» жобасы;

Отбасының, өз ортасының абыройын асыру;

Сабақ барысы:

Сабақ

кезеңдері

Мұғалім әрекеті

 Оқушы әрекеті

Кіріспе (5мин)

Тұсаукесер

(10мин.)

Күн жер бетіне молынан шуағын шашып, тіршілік ояна бастаған кезде аналар мерекесі тойланады.  Әуел бастан   таңды қалай қарсы алсаңыз күніңіз солай өтеді , ендеше, Әр елдің амандасу салты бар.  Әр ұлттың салтымен амандасып , бір- бірімізге амандық саулық тілейік,

1. Индияда  екі алақандарын маңдай тұсына апарып бас ию,

2.Германияда  қол алысып көз түйістіру,

3.Қытайда қолын кеудесіне айқастырып  иіліп сәлем беру,

4.Малайзияда саусақтың ұшымен ғана қол алысу,

 5. Японияда  қолын екі жанына қойып бас ию,

 6. Қазақстанда қол аласып төс қағысып амандасады Міне  бәріміздің бойымыздан тараған   күш қуат бүгінгі тәрбие сағатымның мақсатына жетуге көмектеседі деп сенемін.

құрметті қыз – келіншектер қауымы сіздерді осынау айтулы мерекемен  құттықтаймын!

Сіздерге зор денсаулық ұзақ ғұмыр, өмірде бақыт, еңбектеріңізге табыс тілейміз!

Ана – жүрек , жүректі құдірет де,

Ана-тірек тіректі құрметте.

Ана – шыңың, шыңыңа сағынып жет,

Ана күнің, күніңе табынып өт.

деп бүгінгі « Бәрі де ана ,бір өзіңнен басталады» атты тәрбие сағатымызға қош келдіңіздер.

Мұғаліммен амандасады.

Оқушылар мұғаліммен амандасады,түгенделеді.

Психологиялық ахуал

Оқушылар

дың пікірі тыңдалады

Анаға – өмір сыйлағаны үшін,
Әкеге – қорған болғаны үшін,
Далаға – гүлдері мен көк шалғыны үшін,
Сөзге – жанды жылытатыны үшін,
Күнге – шуағы мен назары үшін,
Жұлдызға – қараңғы түндегі жарығы үшін,
Досқа – құшағы мен иығы үшін,
Әжеге – ыстық алақаны үшін,
Суға – тіршілік көзі болғаны үшін,
Жерге – махаббаты мен бар болғаны үшін,
Отқа – жылулығы үшін..

Негізгі бөлім

(15мин)

Ана туралы айтпай ,тебіренбей  өмірден өту мүмкін емес. Сондықтан ана туралы ғұламалар не дейді екен тыңдап көрейік. Компьютерден тыңдау. Бұл тыңдағандарыңыз  Қадыр Мырзалиев ағамыздың «Бәрі де ана  бір өзіңнен басталды» атты шығармасы болды.

Ия шынында да  кей кезде біз ана қадірін түсінбей жатамыз. Сондықтан адамзат ең алдымен ана алдында қарыздар. Ана қарызы алтынға бөлеуді, ақ орда салуды қаламайды, ана баласының ер жетіп, адам болуын қалайды. Анаға осыдан артық тарту- таралғының керегі жоқ.

Ойын.Ортаға тегеш пен су кесе қоямын.үтік пен орамал қоямын. Сағат,  қағаз, қалам,сыпырғыш , шелек қоямын. 2 минут ішінде балалар осы жұмыстардың барлығын байланыстырып атқарып шығуы керек.

Жарайсыңдар міне ана тек бала тәрбиелеумен шектелмей  қаншама шаруа тындырып үлгереді екен.

 Сондықтан анамыздың еңбегін бағалап, арасында қолымыз тисе көмек беріп отыру артық болмас.

 Күннің шуақты сәулесіндей , ыстық ана жүрегі, одан туындайтын ананың махаббаты әр перзент үшін қымбат ендеше ана мен бала арасындағы  сабақтастықты қазіргі жауаптарынан біле аламыз.

«Бала тілі – бал дегендей» балалардың шын көңілінен шыққан, жүрек жарды аналарына деген тілектері бар. Олай болса балалардың жылы лебіздерін қабыл алыңыздар.

Алтын ұяң - Отан қымбат,
Құт берекең - атаң қымбат.
Аймалайтын - анаң қымбат.
Мейірімді - әжең қымбат.
Асқар тауың - әкең қымбат.
Бәрінен де ұят пенен ар қымбат!

Жарқыраған қызыл гүлдей
Болсын әсем өміріңіз
Сәуле шашқан әсем күндей
Көтерілсін көңілдеріңіз – деп сіздерге қазақ биін ұсынамыз

Ер балалардың жылы лебіздері

1.Аналарды ардақтаған бабалар

Аруларды құрмет тұтқан даналар

Құтты болсын мерекесі көктемнің

Сіздер барда жүректерде жылу бар

Көктемдегі күндей болып жайнаңдар

Құтты болсын мерекеңіз арулар

Құтты болсын тойларыңыз аналар!

2.Дүниедегі ең ардақты асыл жан,
Анам менің мәпелеген жасымнан
Мен қуансам қуанады ол бірге
Мен қиналсам табылады қасымнан.
Маған қымбат жан жоқ сірә анадан,
Бар жақсылық аналардан тараған
Жер бетіне өмір нәрін себуші
Ана алдында борышты ғой бар адам.

3.Сүйіктім деп жүретін, қадіріңді білетін.

Өссем ұл боп жан ана, орындалар тілегің.

Сөзің шырақ секілді, сүйем соған жетуді.

Қанат қағып самғауға, балаң бекем бекінді.

4.Ана десем – шешек атып жанары
Өмірімнің бастау алар жаңа әні

Ана деген тіршілікте пана боп
Әрбір үйде жұлдыз болып жанады.

5.Шуақты көктем келді гүлін алып
Көктемнің мерекесі бүгін анық.
Өмірдің көктемі де, гүлі де өзі
Ана деп бас иеді күллі халық.

Қорытынды

(10мин.)

 Бүгінгі тәрбие сағатымның мақсаты : Ана жайлы ұлағатты сөздер арқылы ана мейірімін, махаббатын, жақсылығын түсіндіру; ананы сүю арқылы елі- жеріне деген сүйіспеншілігін арттыру. Ана еңбегін бағалауға үйрету Ер бала мен қыз бала арасындағы  татулықты нығайту  болатын міне менің ойымша  осы мақсатыма жеттім деп және бұл  мақсат әрі қарай жандана береді деп сенемін.

Біз ғана емес,

Қадір тұтқан бабалар,

Ана – деген тіршіліктің тірегі,

Мерекеңмен қасиетті аналар! – деп  аяктаймыз

Көңіл қойып тыңдағандарыңызға көп рахмет!

.