Ұйымдастырылған оқу қызметінің технологиялық картасы

Білім беру саласы: Қатынас

Білім көздері: Тіл дамыту

Тақырыбы: Бау-бақшаға барғанда

Мақсаты: Балаларды бау-бақша өсімдіктерімен таныстыра отырып, сөздік қорын байыту. Заттың көлемін, түсін, пішінін, ажыратуға дағдырландыру.Тіл ұсату жаттығуларын айтқызу. Күзгі табиғаттың сұлулығын байқауға баулу. Үлкендердің еңбегін,тұған жердің табиғатын аялауға тәрбиелеу.

Сөздік жұмыс: бау-бақша,көкөніс,жеміс,себет.

Көрнекіліктер: күз туралы, адамдар еңбегі туралы суреттер. Көкөністер муляждары

Барысы: Ұйымдастырылуы: Балалар шаттық-шеңберге тұрады.

Тәрбиеші: Қуан шаттан алақай,

Қуанатын күн келді,

Күліп шықты күн бүгін,

Қайырлы таң, қайырлы күн!

Балалар тәрбиешімен бірге өлең жолдарын айтады.

Күз туралы сурет бойынша әңгіме

Қойылатын сұрақтар мен балалардың жауабы:

Тәрбиеші: - Балалар,қазір жылдың қай мезгілі?

1-бала: - қазір жылдың күз мезгілі.

Тәрбиеші: - Күз мезгілі екенін қайдан білеміз?Суретке қарайық

2-бала: - Күз мезгілі екенін табиғаттың өзгеруінен білеміз: жапырақтар сары,қызыл,жасыл болып алқаптағы шөптер қоңыр,сарғыш түске енеді.Ауа-арайы салқындайды,күн қысқарып,кеш ерте түседі.

Тәрбиеші: Құстар қай жаққа ұшып кетеді?

3-бала: Құстар күн суытқаннан жылы жаққа ұшып кетеді.

Күзде үлкендер қалай еңбек етеді?

Бау-бақшада жеміс-жидек,көкөністер піседі,ұлкендер жиын- терінге шығады, астықты қамбаларға жинайды.

Тіл ұсату жаттығуы:

Тәрбиеші: - Алманы ағаштан қалай аламыз?

Балалар: - үз – үз – үз, үзіп ал

- үз – үз – үз, үзіп сал

Тәрбиеші: - Көкөністер мен жемістерді қай мезгілде жинаймыз?

Балалар: - күз – күз – күз, күзде алма түс

- күз –күз – күз, күзде алма піс

Тәрбиеші: - Кане бәріміз тәтті жемісті жегісі келіп,дәмін татқысы келіп

ұшып журген ара боламыз.

Балалар: - ыз – ыз – ыз, біз татумыз.

Дидактикалық ойын: «Көкөністер»

Шарты:себетке салынған көкөністерді қолдарына алып, қатты,дәмді,тәтті, ащы-қышқыл зат екенін ажыратып атау.Пішіндерін айту.

Мысалы:сәбіз-қатты,сопақша,бұрыш-ащы,сопақша,қызанақ-жұмсақ,домалақ,қияр-қатты,сопақша.

Тәрбиеші: «Көкөністерді қандай тағамдарға пайдаланады?»

Жұмбақ шешу: Бақшада өседі,көп өнімдерін береді. (көкөніс)

Қалың киімді үнатады

Шешіндірсең жылатады (пияз)

Жаздай інге тығылып

Жатқан түлкі

Түлкіні әкелді әкем бір күні

Ол не ? (сәбіз)

Енді сәбіз бен қызанақты салыстырайықшы.

Сәбіз-сопақ,түсі қызғылт сары,қатты

Қызанақ-домалақ,түсі қып-қызыл,сырты-тегіс,жұмыр ,жұмсақ болады.

Сергіту сәті: Секірейік –секірейік,

Ұзын – құлақ қоянша.

Шаршағанды кетірейік,

Болар сонда тамаша.

Тәрбиеші: «Қазақстанда өсетін көкөністер мен жемістердің түрлері көп.

Жемістер-адамға өте пайдалы,бақта,ағаштарда өседі.Жемістерді кептіріп,қақ жасауға болады.Шырынын адамдар сүйсініп ішеді.Жемістер жақсы өсіп,мол өнім беруі үшін адамдар жеміс ағашын күтеді. Оларды түрлі зиянды құрттардан сақтайды.»

«Ненің дәмі?» дидактикалық ойыны

Шарты: Кесулі үстел үстіндегі түрлі жемістердің бөліктерінен,көзі жұмулы бала дәм татып,қандай жеміс екенін айтып,сипаттайды.

Қорытындылау: Сюжетті-рөлді ойын: «Дүкенде»

Мақсаты: - Балалардың оқу іс-әрекеті барысында алған білімдерін дүкенші мен сатып алушылар арқылы бекіту. Санау, салыстыру дағдырларын жетілдіру.Үлкендер еңбегін құрметтеуге тәрбиелеу.

Қүтілетін нәтиже:

Білуге тиіс: - Жемістер мен көкөністердің аттарын,олардың түстерін,пішіндерін ажырата алуды.

Қөрсете білу: -Жемістер туралы өз ойларын жеткізе алады,күзгі табиғатты әнгімелейді.

Қабылдау: - Жемістердің бақта, көкөністердің бақшада өсетінін білуі.