Бауыржан Момышұлы

«Балажан» бөбекжайы МКҚК

тәрбиешісі

Сағынбек Фариза Сағынбекқызы

Б.Момышұлы

1. Қазақтан шыққан талай сері ,ақын,

Шығыпты жазушы да, әкім, хакім.

Бүгінгі өлеңіме арқау болған

Бауыржан Момышұлы деген батыр.

2.Бұл батыр өзгелерден ерек еді,

Сол заманға Бауыржан керек еді.

Сұм соғыста соғысты тойлау үшін

Бауыржанның нақ өзі себеп еді.

3.Қызтумас әжесінің бауырында

Өсіпті кішкентайдан бала батыр,

Туылды қыс мезгілі, желтоқсанда

Жамбылдың Көлбастаудай ауылында.

4. Руы Шымыр, Шілмембеттен тараған,

Елі үшін, ұлты үшін жаралған.

Қорғау үшін болашағын халқының

Жанын беріп, жауларынан жан алған.

5 .Үш жасында жетім қалып анадан

Әжесі мен атасы оған қараған.

Өсе келе әкесінен үлгі алып,

Білімділік маңызды деп санаған.

6. Ол мұғалім, ұлтқа жаны ашыған

Сауатсыздан үміт үзген жасыған

Талай үздік оқуларды бітіріп

Еңбек еткен бала күнгі жасынан.

7. Сегіз қырлы, сегіз сырлы, өнерлі,

Жазған екен Бәкең көптеп өлеңді

Батырлыққа жігер берер талай көп

Өлеңдері үлкен-кіші өренді.

8. Өжеттілік сіңген оның қанына,

Жігіттерін жинап алып жанына

Жауға шауып, көз ілеспес қарқынмен

Жеткізбейтін, қалдыратын шаңында.

9.Ол командир, тактик болған қол бастап,

Әскері де жүретұғын қолпаштап.

Талай соғыс алаңына именбей

Баратұғын көш басында жол бастап.

10.Ол қаһарман, қорықпаған жаудан да,

Үміт артып, болашаққа жалғанда.

Қолын жайып, тапсыратын тағдырын

Дұға етіп, сенім артып Аллаға.

11.Соғыс кезі мүмкін Аллам сынаған,

Құйымшақпен жерге қатты құлаған

Жүре алмай, отыра алмай, қалса да

Сабырлықпен ауруға да шыдаған.

12. Соғыс бітіп ел тағдыры оңалды,

Үрей деген ізім-ғайым жоғалды.

Елі қолдап, жұрты тілеп соғыстан

Бауыржан да отбасына оралды.

13. Міне осылай, қазақ аты танылды,

Атақтылық жеңе алмады сабырды,

Бауыржанның батырлығы шыңдасын,

Кіші ұрпақ, дәл бүгіннен бәріңді.

14. Қазақ сіздей ұмытпайды батырын.

Көкейлерде сайрай берген ақылың.

Арғы өмір жайлы, болып Инша Аллаһ

Ешқашан да құрғамасын қабірің.