Мектеп

Педагогтің аты-жөні:

Күні:

Сыныбы:

Қатысушылар саны: Қатыспағандар саны:

Сабақтың тақырыбы:

Бауырсақ ертегісі

Сабақтың мақсаты:

Балаларға ертегі турaлы түсінік беру. Бауырсақ ертегісінің қойылымын көрсету арқылы оқушылардың танымдық белсенділігін арттыру. Сыни тұрғыдан ойлауын,топтық,жұптық жұмысқа дағдыландыру. Оқушыларды өнерге бейімдеп,әртістік қабілетін дамыту.Өзара сыйласып,достық қарым-қатынаста болуға тәрбиелеу.

Сабақ кезеңі/Уақыты

Педагогтің іс-әрекеті

Оқушының іс-әрекеті

Ресурстар

Сабақтың басы

Қызығушылықты ояту.

7 мин.

(Ұ). Ұйымдастыру кезеңі:

1. Оқушылармен амандасу, түгендеу.

2. Психологиялық тренинг жүргізеді

Мақсаты: Оқушылардың қиындық туындаған жағдайда кімге сенәм артып, көмек сұрайтынын анықтау.

Жаңа сабаққа кіріспе

«Миға шабуыл» әдісі бойынша сұрақ- жауап сәті

 • Кім ата мен әжеден қашып кетеді?
• Бауырсақ жануарларға не істейді?
• Бауырсақ қандай жануарларға кездеседі?

Оқушылар сұрақтарға жауап береді.

интербелсенді тақта, слайдтар, аңдар салынған суреттер, ағаштар,плакаттар,бояулар

Сабақтың ортасы

26 мин.

Ертегі-халқымыздың ертеден бері келе жатқан мәдени мұраларының бірі,ауыз әдебиеті. Ертегіні мазмұнына қарай, әр алуан ерекшеліктеріне қарай бір неше түрге бөлуге болады.

-жануарлар жайында (суреті, немесе кітабын көрсету)

-қиял-ғажайып ертегілер

-шыншыл ертегілер

Ертегіден халқымыздың тұрмыс-салтын, әдеп-ғұрыпын білеміз.

Онда шындық оқиға мен қиял-ғажайп оқиға аралас келіп отырады.

«Бауырсақ» ертегісінің сахналық қойылымы:

Ертекші:

Құрметті қонақтар! Сіздер оқушыларының қиялынан туындаған «Бауырсақ» ертегісін тамашалайсыздар.

Музыка ойнап тұр. « Ертегілер» әні.

Автор

Бір кемпір мен шал болыпты. Бірде шал жалынып:

Шал

-Кемпір ау, маған бауырсақ пісіріп берсейші.

Кемпір

- Неден пісіремін? Ұн жоқ қой

Шал

-Әй, кемпірім ай! Қойманың түбін қырнап көрсең ғой бауырсақтық ұн табылып қалар.

Автор

Кемпірі солай істейді: қойма түбін қырып-қырнап екі уыс ұн табады да, қаймаққа былғап, қамыр илеп, бауырсақты майға пісіріп, терезе алдына суытып қояды.

Жата-жата жалыққан бауырсақ терезе алдынан далаға домалап түседі, көгал үстімен домалайды,көгалдан жылжып жолға жетеді. Одан әрі жолмен зырлай жөнеледі. Бауырсақ жолда зымырап бара жатса , қарсы алдынан қоян шыға келеді.

Қоян

Бауырсақ! Бауырсақ! Мен сені жеп қоямын !

Бауырсақ

Жоқ ,сен мені жеме, саған қандай өлең айтып берер екенмін, онан да соны тыңда.

Автор

Қоян құлағын түріп тыңдайды, ал бауырсақ ән айтады:

Бауырсақ

Әжем қойма қырнаған,екі уыс ұн жинаған.

Балқаймаққа былғаған,пісіріп маймен сылаған.

Суытып та сынаған, бауырсақпын зулаған!

Атамнан да құтылдым,әжемнен де құтылдым.

Қоян

Қоян: -қой, бауырсақ сенің өлеңің жақсы екен сен одан да менің тапсырмамды орында. Ал оқушылар қояннан бауырсақты құтқарып сұрағына жауап берейік

Қоянның тапсырмасы:

-Ұннеден алынады? (Бидайдан)

Бауырсақтың түсі қандай? (Сары.)

Автор

Бауырсақ жолмен келе жатса,оның алдынан қасқыр шыға келіп:

Қасқыр

Бауырсақ! Бауырсақ! Мен сені жеп қоямын !

Бауырсақ

- Сен мені жеме, мен саған өлең айтып берейін.

Автор

Бауырсақ әндете жөнеледі

Бауырсақ

Әжемқойма қырнаған,екі уыс ұн жинаған.

Балқаймаққа шылаған,пісіріп маймен сылаған.

Суытып та сынаған, бауырсақпын зулаған!

Атамнан да құтылдым,әжемнен де құтылдым.

Қояннан да сытылдым,қасқыр,сенен құтылу

Қиын емес бұл маған

Қасқыр

Қасқыр: -жоқ, бауырсақ, өлеңің керек жоқ. Сен менің тапсырмамды орында.

Қасқырдың тапсырмасы:Ал балалар қояннан бауырсақты құтқарып алдық, енді қасқырдың сұрағына жауап берейік.

1. Натюрморт дегеніміз не?

Автор

Бауырсақ орман ішімен домалап келе жатса оған аю қарсы шығады.

Аю

-Әй ,бауырсақ ! Мен сені жеп қоямын!

Бауырсақ

- Сен мені жеме, мен саған өлең айтып берейін.

Әжем қойма қырнаған,екі уыс ұн жинаған.

Балқаймаққа шылаған,пісіріп маймен сылаған.

Суытып та сынаған, бауырсақпын зулаған!

Атамнан да құтылдым,әжемнен де құтылдым.

Қояннан да сытылдым,қасқырдан да құтылдым,

Маймақ ,сенен де құтылу,қиын емес бұл маған !

Аю

Аюдың тапсырмасы:Ұннанжасалатын тағамдарды ата:Бауырсаққ. Нан. Торт. Печенье. Бәліш. Түрлі макарон өнімдері.

Автор

Осылай бауырсақ әрі қарай домалай жөнеледі.

Түлкі

-Амансың ба, бауырсақ! Көргендерге ұнайды, жүзің қызыл шырайлы!

Автор

Бауырсақ мақтағанға мәз болып, өлеңін айта бастайды. Түлкі болса құмарта тыңдаған боп,қыбырын білдірмей,бауырымен сырғып, жақындай береді.

Бауырсақ

Әжем қойма қырнаған,екі уыс ұн жинаған.

Балқаймаққа былғаған,пісіріп маймен сылаған.

Суытып та сынаған, бауырсақпын зулаған!

Атамнан да құтылдым,әжемнен де құтылдым.

Қояннан да сытылдым,қасқырдан да құтылдым,

Аюдан да сытылдым,түлкі ,сенен құтылу

Қиын емес бұл маған !

Түлкі

Түлкі: оңай құтала алмассың, менің тапсырмамды орында

Түлкі :(қолында бір бума қағаз). Онда менің жұмбақтарымды шешіп көріңдер.

1.Қыста ақ,

Жазда сұр.

(қоян)

2.Қорбаң- қорбаңетеді,

Орманда ол жүреді (аю)

3.Орманда тұрады, өзі бір қу,

Жүрген жері айқай-шу.

(түлкі).

Түлкі бауырсақты бас сап жейіндеп жатқанда, балалар айғайлап жібереді.

Балалар: - жоқ, қу түлкі олай болмайды біз сенің тапсырмаларыңды түгел орындадық. Сен бауырсақты жей алмайсың деп бауырсақты алып кетеді.

Түлкіештеңе істей алмай жөніне кете береді.

Ал балалар, бауырсақты жетектеп ата мен әжеге келеді.

Автор

Әжеміз Ы.Алтынсарин атындағы орта мектебінің 150 жылдық мерекесіне арнап бауырсақ пісіріп, дастарқан жасап қойыпты.

Әже: Кәне, балалар, қонақтарға да беріңдер бауырсақтан жеңдер,

(отырған қонақтарға бауырсақ ауыз тигізу).

. Топпен жұмыс:

-Ал, балалар , нан туралы мақал - мәтелдер, тыиым сөздер білесіңдер ме ? (Мақал- мәтелдер, тыйым сөздер айтады.)

-Ал енді балалар мен сендердің зейіндеріңді байқау арқылы « Кім жылдам» ойынын ұйымдастырамын.

Ол үшінсендерге ертегідегі кейіпкерлердің суретін беремін, сендер жылдам әріұқыптыбояуларың қажет.

Әр топ ертегі кеіпкерлеріне мінездеме беріп, суретін салады. Постер қорғайды

Жұппен жұмыс:

Әр топтан екі оқушыдан шығып, салған суретерін баяндайды.

Жағымды жағымсыз кейіпкерлерді анықтайды.

- Неліктен бұл жерде аю, қасқыр, жағымды кейіпкерлерге жатады ? (Өйткеніолар бауырсақты жеген жоқ.)

- Өтежақсы!

- Ал, түлкі ше ?

-Түлкі қу, айлакер. Жағымсыз кейіпкер.

Сабақтың соңы

Ой толғаныс.

Р ефлексия

7 мин.

Сабақты блум таксономиясы бойынша қорытындылау:

1. Білу -- Ертегі мазмунынан не білдік? Басты кейіпкерлерді.

2. Түсіну — Ертегі мазмұнын түсінді.

3. Қолдану — Кедергілерден қалай құтылды?

4. Талдау — Жағымды және жағымсыз кейіпкерлер.

5. Синтездеу — Бауырсақ болсаңдар не істер едіңдер?

6. Бағалау — Түлкінің іс әрекетін қорғауға болама?

Немен аяқталды?

«Еркін микрофон» әдісі. Мұғалім сабақты қорытындылау мақсатында оқушылардың сабаққа деген көзқарасын, рефлексиясын тыңдайды.