Береке бастауы бірлік, ел іші тату тірлік

Береке бастауы бірлік, ел іші тату тірлік

Бүгінгі таңда əлемдегі құбылыстарды зерделей қарасақ, бейбіт өмір мен
тұрақтылықтың, тыныштықтың қадірін арттыра түсетін жағдаяттар аз емес.
Жаһандық аумалы-төкпелі жағдайды бастан кешкен, мемлекеттік жүйенің
тепе-теңдігі бұзылған, берекесі төгіліп, бірлігі сөгілген елдердің саны артып
келе жатқанын да байқауға болады. Əсіресе, жылдар бойына жалғасып келе
жатқан дінаралық, ұлтаралық қақтығыстар бойынша əлемдік дипломатияның
небір озық үлгілері де отты нүктелердің шоғын сөндіре алмай отырғанына
əлем жұртшылығы куə. Сондықтан да, бірлігі, ынтымақтастығы жарасқан
елде тұрақтылық сақталып, болашақ дамуы да баянды болмақ.
1 мамыр-Қазақстан халқының бірлігі күніне орай, Ақтау қаласындағы
№10 жалпы орта мектебінің ұжымы бір жеңнен қол шығарып, Қазақстанды
мекендеген ұлттар мерекесін өткізді. Қазақ, өзбек, орыс, тəжік, кəріс, түрік,
т.б. өзге де ұлт өкілдерінің ұл-қыздары оқып, білім алатын алтын шаңырақ
Қазақстан халқының бірлігі күнін жыл сайын ерекше атап өтеді.
Барлық ұлттардың арасындағы достықты нығайтып, ынтымағын
жарастыратын айтулы күнді атап өтуде барлық оқушылар ат салысты.
«Татулық пен тұрақтылық ел иесі ретінде ең алдымен қазаққа керек», - деген
еді Н. Назарбаев. Осыны есте ұстаған абзалырақ.
Түптеп келгенде, 1 Мамыр мерекесі елдің бірлігін одан сайын нықтап,
сол арқылы қазақтың тірлігінің берекелі болуына жол ашсын деп тілейік!