Берекелі, мерекелі Алтын күз!

«Берекелі, мерекелі Алтын күз»

Зал іші күз мерекесіне лайықталып безендірілген. Балалар қол ұстасып музыка әуенімен эалға кіреді.

Жүргізуші:

Сары жібек көйлегін желбіретіп,

Жапырағын ағаштардың селдіретіп,

Тойға бөлеп елімізді күзім келді,

Нұр тамшысын аспанның мөлдіретіп.

Сәлеметсіздер ме, құрметті ата-аналар, қонақтар.Мерекелеріңіз құтты болсын. Сіздерді «Мөлдір» тобының бүлдіршіндерінің «Берекелі,мерекелі Алтын күз» атты ертенгілігін тамашалауға шақырамыз.

Ән «Күз-жомарт».

Жүргізуші: -Балалар, қазір жылдың қай мезгілі?

-Күз мезгілі.

-Балалар, күз мезгілінің ерекшеліктерін атап беріңдерші?

-Күз айында жеміс-жидектер піседі.Күн суытады. Жауын-шашын көп жауады. Құстар жылы жаққа ұшады. . Балалар, күзде адамдардың еңбектері ерекше. Қандай еңбекпен айналысады?

-Егін орады,бау-бақшаларда жемістер мен көкөністер жинайды.

Бүгін мейрам, бүгін той,

Қуаныш күн біліп қой.

Күзгі бақтай сыңғырлап,

Алақанды соғып қой,- деп балаларға сөз кезегін берейік. «Алтын күз» кешімізді бастайық.

1-бала:Заңғар

Қараңдаршы, қандай сұлу

Бидай басқан кең дала!

Алтын жайып тастағандай,

Біздің дала- бай дала.

2-бала:Айару

Күздің осы айында

Алма,алмұрт піседі.

Жапырақтар сарғайып,

Сыбдыр-сыбдыр түседі.

3-бала: Ару

Жер берді жемісті,

Күз келді келісті.

Күз-байлық, береке,

Алтын-күз мереке.

Жүргізуші: Балалар,біз қазір жыл мезгілінің ең әдемі кезін тойлап жатырмыз.

Өрік,шие,алма,алша,

Жидек, жүзім піседі.

Қауын,қарбыз,қияр,сәбіз

Қоймаларға түседі.

Айтыңдаршы, балалар,

Бұл қай кезде болады?

Балалар: Күзде.

Жүргізуші: Мерекемізді одан әрі жалғастырамыз.Ендеше ортамызға мерекеміздің сәнін келтіретін Алтын Күзді шақырайық.

Келші-келші, Алтын күз,

Келші-келші, жарқын күз.

Мерекені жалғастырып,

Ойнап- күлші алтын күз.

Осы кезде музыка ойналып, залға «Алтын Күз » кіреді.

Алтын күз :

Армысыңдар, балалар,

Күзгі бақтағы қонақтар.

Өздеріңе әкелдім,

Күздің сыйын көз тартар.

Ән: « Алтын күз»

Жүргізуші: Алтын күз, мына қолыңыздағы сыйларыңызды балаларға берсек бола ма?

Алтын күз: Бұл сыйымды балалар еңбек етіп алулары керек.

Жүргізуші: Ендеше, балалар, Алтын күзге күз туралы тақпақтарымызды айтып берейік .

4-бала: Димаш

Алтын,сары, қызыл, көк

Алуан-алуан жапырақ.

Күзгі бақта күлімдеп,

Көз тартады атырап.

5-бала: Азария

Сап-сары ғып даланы

Бояпты ғой күз деген.

Құстар қанат қағады

Қоштасқандай бізбенен.

6-бала: Жасұлан

Жемісі мол теретін,

Күз дос екен бізбенен.

Бәрін тауып беретін

Жомарт екен күз деген.

7-бала:Арсен

Көк майсалы көрікті,

Алқаптағы көк егін.

Бұл күндері киіпті,

Сары жібек көйлегін.

Алтын күз: Ал енді, балалар, менің сендерге алып келген жұмбағым бар.

Жұмбақ:

1. Түрі шар сияқты.

Түсі қып- қызыл,

Дәмі бал сияқты.

(Шие)

2. Жер астында басы бар,

Жер бетінде шашы бар.

(Сәбіз)

3.Сырты тәтті, іші тәтті,

Ортасы сүйек-сүйек қатты.

( Өрік)

Жүргізуші: «Мереке басы ән болар,

Береке басы дән болар» дейді халқымыз.

Ортаға астық дақылдарын шақырайық.

Бидай: Нан атасы- бидаймын,

Елге астық сыйлаймын.

Дәнім толып піскенде

Қауызыма сыймаймын.

Сұлы: Мен сұлымын, ұланның,

Тұлпарына ұнадым.

Баптаған әр диқанға,

Басымды иіп тұрамын.

Ән: «Күз келіпті.».

Жүргізуші: Мерекемізді әрі қарай жалғастырамыз.

Бүгін біз бақшада және бақта өскен көкөністер мен жемістердің айтысын тамашалайық.

Жүргізуші:

Кім керек және тәттірек,

Қайсысы бізді сақтайтын

Ауру менен сырқаудан?

Қане, көріп тыңдайық.

8-бала: Айару

Мен алмамын, алмамын

Таңдай жұлар бар дәмім.

9-бала:Жасұлан

Мен алмұртпын,алмұртпын

Аузындамын бар жұрттың.

Шырынды ғой алмұртта

Ұнайды бар жұртқа.

10-бала: Ақжол:

Мен өрікпін, өрікпін

Айналаға көрікпін.

11-бала: Заңғар

Мен жүзіммін, жүзіммін,

Моншақ болып тізілдім.

12-бала: Ақжол:

Мен өрікпін, өрікпін

Айналаға көрікпін.

13-бала: Сабина:

Шиемін мен шиемін,

Күннің көзін сүйемін.

Бала келсе қасыма,

Басымды мен иемін.

Дабырды естіп Доктор Айболит кіреді.

Айболит: Балалар, қандай айтыс болып жатыр?

Көкөністер:

Айтшы,айтшы, Айболит,

Қайсымыз біз қажетпіз?

Айболит:

Күшті, мықты болу үшін

Көкөніс бізге қажетті.

Барлығың да керексің,

Барлығың да қажетсің.

14-бала: Ару

Топырақта шырайлы,

Өскен қызыл шырайлы.

Мен қызанақ боламын,

Барлығына ұнаймын.

15-бала: Арсен

Дәмім тілді үйірген,

Мен тұздалған күйімде.

Жейді бәрі сүйсіне.

16-бала: Айшабибі

Өсіретін бойыңды,

Дамытатын ойыңды,

Қоянға да азықпыз-

Сәбіздерміз жазықсыз.

Ойын: «Бұл қай жеміс, көкөніс»

16-бала:Саян

Қамба толды астыққа,

Алғыс саған, алтын күз.

Бір уыс дән шаштық та,

Арба қауын алдық біз.

17-бала: Марлен

Берекесін сыйлауға,

Өлкемізге күз келді.

Жемістерін жинауға,

Шақырады біздерді.

18-бала:Арман

Күзім-ау,күзім-ау,

Мінезің бұзық-ау.

Жаңбырың сіркіреп,

Келгенің қызық-ау.

Алтын күз: Рахмет,балалар! Өнершіл- өрендерім! Міне, менің сыйлығым бір себет күз сыйы. Сендерге денсаулық, шаттық және байлық әкелсін.

Жүргізуші: Алтын күз, саған мың алғыс! Бізге тағы кел, біз сені сағына күтеміз.

Алтын күз:

Берекелі бақ дәулет,

Арта түссін тойланып.

Сау болыңдар, балалар,

Келгенше жыл айналып.

(Осы кезде әуен ойналады, Алтын күз қоштасып кетеді).

Балалар: Сау болыңыз, Алтын күз!

Жүргізуші: Міне, құрметті қонақтар, балалар, ата-аналар «Алтын күз» мерекесіне арналған ертеңгілігіміз де аяқталды. Көріп тамашалағандарыңызға рахмет. Сау болыңыздар!

Балалар екі-екіден қолдарынан ұстап, залдан музыка әуенімен шығып кетеді.