Тақырыбы: Берекелі, Алтын күз!

-Балалар бізге жыл мезгілі келді. Алдымен менің бір сұрағыма жауап беріңдерші. - Бір жылда неше мезгіл бар? — Төрт - Дұрыс айтасыңдар, ендеше мен өлең оқимын, сендер өлеңде қай мезгіл айтылғаны жайлы айтасыңдар.

Сары ала тон жамылған Қойны толы дәмді нан, Тәттісі көп не түрлі Қандай өзі береген Жемісі көп не деген Неге аласың демейді Айтыңдаршы балалар Бұл қай кезде болады?

• Ендеше, Күз мезгілін ортаға шақырайық.

Алтын күз: - Армысыздар дархан елім! Мен сары алтындай алтын күз болам. Сары желегімді жамылып, сары шапанымды киініп сар даламды аралап сағынып жеттім ортаңа.

Хор: «Күз – тамаша»

- Ал, енді балалар, Алтын күзімізге арналған қандай тақпақтарыңыз бар? Ортаға шығып айтып берейік.

Балалардың тақпақтары:

Алтын, алтын сары алтын Алтын күзде нұр жатыр. Біз мектепке баратын, Алақай-ау күн жақын..

Алтын, сары, қызыл, көк
Алуан - алуан жапырақ
Ағаштардан жамырап
Ұшты кенет жамырап

Берекесін сыйлауға Өлкемізге күз келді Жемістерін жинауға Шақырады біздерді

Құстар қайтты ән салып Бұлт шарлады аспанды Қыс келеді жыр салып Күзгі суық басталды.

Алтын күз-қыркүйек,                                                                                                                       Жер қара, күн жылы.                                                                                                              Жарқын күз-қыркүйек,                                                                                                                   Жайнайды бұл күні. Қазан болды молшылық,                                                                                                           Дәулет қорын қалады. Жарқырады жарқын күз,                                                                                                                 Келді міне Алтын күз!

Қараша, күз келді, күз келді, Сары алтын жауып іздерді.                                                                                                   Құс біткен керуен түзеді,                                                                                                        Қара бұлт қабағын түйеді.

Жеміс-жидек пісіп жатыр,                                                                                         Түсіп жатыр бау-бақта. Жапырақтар ұшып жатыр,                                                                                                    Ұшып жатыр жан-жақта.

Дала қандай керемет,                                                                                                         Сары түске боянды.                                                                                                                  Қызыл-жасыл жапырақтар,                                                                                                    Бір ұшып, бір қонады.

Күзде жаңбыр жауады,                                                                                  Күзде жел де тұрады.                                                                                                  Жапырақтар жерге қарай,                                                                                                            Желмен бірге ұшады.

Түсті алтын жапырақ,                                                                                    Ағаштардан үзіліп.                                                                                                   Ұшты ұзақ сапарға,                                                                                                  Тырналар да тізіліп.

Жапырақтар боянып,                                                                                                        Сылдырлап жерге түседі.                                                                                        Қызанақтар қызарып,                                                                                                           Күзге қарай піседі.

Жайдарлы күз, жарқын күз,                                                                                              Аяулы күз, алтын күз.                                                                                                      Дәнге толы кең далам,                                                                                                              Дариядай шалқыған.

Жапырақтар сарғайып,                                                                                                        Күн бұлтты болады.                                                                                                                    Жаңбыр жиі жауады,                                                                                                                 Құстар ұшып барады.

Би: « Алтын күз»

Алтын күз: - Ал қане, жемістеріңізді тыңдайық, көкөністердің де өнерін көрейік

Жемістер тобы

1.Алма
Қызыл, сары түсім
Домалақ, сұлу мүсін
Ағашта өсем салбырап
Күзде пісем албырап
2. Шие
Қып - қызыл нарттай
Шиемін өзім
Қызығасың маған
Түскенде көзің
3. Өрік
Мына мен өрік
Бақшаға көрік
Піскенде жайнап
Аласың теріп
4. Мандарин
Сарғыш түсті мандарин
Ортасында дәні бар
Ауызға салсаң еритін
Балдай тәтті дәмі бар
5. Жүзім
Мен жүзіммін, жүзіммін
Жаңа пісіп, үзілдім
Күлгін, жасыл, қара, көк
Көркі болам күзіңнің
6. Алмұрт
Шамға ұқсаған келісті
Сопақша бір жеміспін
Алмұрт деген атым бар
Тәттісімін жемістің
7. Банан
Арттырам күшін адамның
Балбыраған бананмын
Ыстығында өсемін
Тропикалық аралдың

Ән: « Алтын күз»

Алтын күз: - Көкөністердің де өнерін көрейік

Көкөністер тобы
1. Қызылша
Көкөністің ішінде
Менің атым қызылша
Денсаулығын нығайтып
Қызмет етем адамға
2. Қызанақ
Қызара піскен бақшада
Қызанақты білерсің
Шырыным мен етіме
Тояттап - ақ жүресің
3. Сәбіз

Қызыл сары сәбізбін
Жер бетінде бұрымым
Көзге берер күш қуат
Дәруменнің бірімін
4. Капуста
Жайлы жұмсақ төсегім
Домаланып өсемін
Қабат - қабат тоным бар
Қалай оны шешемін
5. Картоп
Отаным менің қиырдан
Күз болғанда жиылам
Асыққанда аналар
Мені табаға қуырған
6. Қияр
Бақшада көп өсетін
Мен кәдімгі қиярмын
Жұлып алып жесеңіз
Қырт - қырт етіп тұрамын
7. Қарбыз:

Көрсең мені бақшадан,

Доп екен деп қалма

Менің атым қарбыз.

Ерте үзіп алма

- Олай болса, осы жемістер мен көкөністеге байланысты ойын ойнап жіберейік.

Дидактикалық ойын: «Бұл не және қандай?»

Балалар себеттен көкөністер мен жемістерді таңдап, пішінін, түр- түсін, дәмін, пайдасын сипаттайды.

«Өз орнын тап» Презентациясы бар

Екі себет қойылады, балалар «көкөністер» және «жемістер» себетіне көкөністер мен жемістерді дұрыс таңдап алып салады.

Көрініс: «Нан қадірі»

Автор: Баяғыда бір патша болған екен, оның Гүлжан мен Айжан атты екі қызы болыпты. Екі қызы байлыққа өте құмар екен.
Бір күні Гүлжан мен Айжан таңертеңгі тамақта дастархан үстінде тұрған нанды көріп жерге лақтырып жібереді.

Айжан: Әке, мен енді нан жемеймін. Нан өте жаман.

Гүлжан: Мен де жемеймін. Нан тәтті емес.

Әкесі: Қыздарым, бұл қылықтарың дұрыс емес. Сендерге көтергендеріңше алтын берейін. Сендерді мына сарайдан қуып шығамын. Сендерді енді көрмейтін болайын.

Автор: Әкесі оларға көтергендерінше алтын береді де, сарайдан қуып шығады. Екі қыз орманға келеді. Гүлжан мен Айжанның қатты қарны ашады. Қолдарында алтыннан басқа ештеңе жоқ.

Айжан: Гүлжан, менің қарным ашты, нан жегім келіп тұр. Қолымызда алтыннан басқа ештеңе жоқ.

Гүлжан: Алтынды жеуге болмай ма?

Айжан: Жоқ, жеуге болмайды.

Автор: Сөйтіп, қарындары ашып сандалып жүргенде, орман ішінде бір кедейдің үйін көреді. Екеуі сол үйге келеді. Үйде саулығы кем бір әжей жатады.

Айжан: Бізге нан тауып бер!

Кемпір: Ана қапта ұн бар, өздерің пісіріп жеңдер.

Гүлжан: Айжан, сен нан пісіре аласың ба?

Айжан: Жоқ, сен білесің бе?
Гүлжан: Біздің қылығымыз дұрыс емес екен. Әкемізден кешірім сұрайық.

Айжан: Сөйтсек, сөйтейік

Екеуі: Әке, бізді кешіре көр. Біздікі дұрыс емес екен.

Әкесі: Қыздарым, қателіктеріңді түсінгендеріңе рахмет. мен өте ризамын.

Автор:
Нан болса ойнап күлеміз.
Тіршіліктің көзі – нан ғана
Нан қадірін білеміз,
Баспа нанды абайла.

Қорытындылау.

Мақал: «Ас – атасы нан» - Балалар, осы көріністен не түсіндіңдер? (балалар пікірі)

Хор: «Күз – жомарт»

Алтын Күз: - Мен бүгін сендерге сондай ризамын. Бүгін мен сендерге өзімнің керемет сыйымды алып келдім. Ол сендердің алтын күз мерекесінде ерекше өнер көрсеткендерің үшін.