«Жаса қазақ»

Қарақия ауданы, Жетібай ауылы №3 орта мектебінде «Рухани жаңғыру аясында» 6 «ә» және 7 «ә» сынып оқушылары, (сынып жетекшілері: Ақбураева Т, Жолдас Г) бірігіп «Жаса қазақ» атты ашық тәрбие сағатын өткізді. Ашық тәрбие сағатында Қазақстан Республикасының сонау бастан кешкен тарихи жылнамаларымен бірге қазіргі тәуелсіз Қазақстанның толағай жетістіктері, болашақ жоспарлары аталып өтілді.Оқушыларға «Мәңгілік ел», «Рухани жаңғыру» деген ұғымдар жан-жақты қырынан айтылып, түсіндірілді. 6-7 сынып оқушылары арасында «Мен егер Президент болсам......» тақырыбында ғылыми жоба қорғалып, оқушылардың мемлекетімізді болашағына, ертеңіне алаңдайтыны барша ұстаздың көңілінен шықты,

Сабақ соңында ұстаздар ашық тәрбие сағатының жоғары деңгейде өткенін атай келе, оқушылардың елбасымыз Н. Ә . Назарбаевтың «Рухани жаңғыру» бағдарламасы аясына өз үлсетерін қосып жатқандарына алғыстарын білдірді.

Ақбураева Тоғжан Жеңісқызы

Қарақия ауданы, «№3 орта мектебі»

Мәңгілік қарыздармын

Мен ең алғаш ұстаз ретінде қызмет жолымды Қарақия ауданының қара шаңырағына айналған 3-ші орта мектебінде бастадым. Басқа ауданнан келген маған бұл мектепке,бұл ауданға сіңісіп кету оңайға соқпады. Өзімді басқа жерде жүргендей сезінетін кездерімнің болғаны да жасырын емес еді. Бірақ ұстаз ретінде өзімді-өзім «Сен осылай жасауға тиістісің» деп қажаумен болдым. Мен үнемі өзімді осы мектептің шәкірті, кейіннен ұстазы болған ұстаздармен салыстыратынмын.Бәлкім бұл «Менен гөрі осы ұстаздарға деген көңілдің басым болары-ау»деген сол кездегі іштей қызғаныштың қылаңы болар.Бірақ, бұл мектепте ешкімді, ешкімнен бөлмейтін,бәріне тең қарап,білгендерін айтудан шармашамайтын ардагер аға-апайлармен қатар, үнемі жаңашылдыққа ұмтылатын, ойлары ұшқыр, жас мамандарды көргенде, іштегі қызғаныш су сепкендей басылып, бойымды «Мен де осы мектептің ұстазымын» деген мақтаныш сезімі баурап алды.Осылайша мен осы мектепте қызмет атқарып келемін.Осы жұмыс жасаған 3 жылымда қоржынымда кейбір мұғалімнің 10 жылда да қол жеткізе алмайтын жетістіктері бар.Әрине, Аллаға шүкір. Бірақ, бұл жетістіктің артында, мені осы дәрежеге жеткізген Қарақия ауданынының,№3 орта мектебі мен маған үнемі қолдау білдіретін ұжымдастарымының тұрғанын жасырмаймын. Маған кейде бұл мектептен алған тәжірибемді,білімімді әлемнің мен деген оқу орындары да бере алмайтын шығар деген ой келеді.Алғысым шексіз. Бұл менің екінші-алтын ұям. Бұл мектепке, ондағы әрбір ұстаздарға да, тіптен менен тәлім алып, ұстаз бақытын сезіндірген әрбір шәкіртке де мәңгілік қарыздармын.

Ақбураева Тоғжан Жеңісқызы

Қарақия ауданы, «№3 орта мектебі»