Мақала атауы : Білім беру процесінде жасанды интеллектіні тиімді пайдалану жолдары

Авторы:Мусаева Айман Райымбекқызы

Қазақ тілі мен әдебиеті пәні мұғалімі

№4 ЖОББМ

(Атыңыз, тегі, қызметіңіз, жұмыс орныңыз)

Аннотация

Бұл мақалада білім беру жүйесінде жасанды интеллектіні (ЖИ) тиімді пайдалану мәселесі қарастырылады. Автор жасанды интеллект құралдарының оқыту үдерісіне енгізілу жолдарын, олардың педагогикалық тәжірибедегі маңызын және артықшылықтарын жан-жақты талдайды.

ЖИ технологияларының оқу сапасын арттырудағы, мұғалім еңбегін жеңілдетудегі және оқушылардың жеке оқу траекториясын қалыптастырудағы рөлі көрсетілген. Сондай-ақ, ChatGPT, ZipGrade ,Flippiti. net, Gemini сияқты платформаларды сабақ жоспарын құруда, тапсырмаларды әзірлеуде, білімді бағалау мен кері байланыс беруде қолдaнудың нақты мысалдары келтірілген.

Зерттеу нәтижесінде жасанды интеллектіні тиімді қолдану арқылы мұғалімдердің кәсіби құзыреттілігі артып, оқыту процесі дараланып, оқушылардың шығармашылық және сыни ойлау қабілеттері дамитыны анықталды. Сонымен қатар,мақалада ЖИ технологияларын пайдалану кезіндегі этикалық және құқықтық аспектілерге де назар аударылған.Жалпы алғанда, бұл жұмыс жасанды интеллектіні білім беру саласына енгізудің педагогикалық және әдістемелік негіздерін айқындап, оның заманауи мектеп жағдайында қолданылу тиімділігін дәлелдейді.

Кіріспе

Қазіргі таңда жасанды интеллект (ЖИ) технологиялары әлемнің барлық саласына еніп, білім беру жүйесінің дамуында да маңызды рөл атқарып келеді. Педагогтар үшін ЖИ құралдарын тиімді пайдалану — оқыту сапасын арттырудың және оқушылардың жеке оқу траекториясын қалыптастырудың басты тетігі болып отыр.

1. Жасанды интеллекттің білім беру жүйесіндегі рөлі

Жасанды интеллект оқыту процесін дараландыруға, оқушылардың білім деңгейін нақты анықтауға және оқытушының жұмысын жеңілдетуге мүмкіндік береді.

Мысалы:

Білімді автоматты бағалау жүйелері (Google Forms, Quizizz, ChatGPT);

Тіл үйретуде автоматты түзету құралдары (Grammarly);

Сабақ мазмұнын бейімдеу жүйелері (Khan Academy).

2. Мұғалім жұмысында ЖИ қолдану мысалдары

ChatGPT, Copilot, Gemini т.б. платформалар арқылы сабақ жоспарын, тапсырма нұсқаларын, эссе тақырыптарын құрастыру;

Тест немесе викториналарды автоматтандыру;

Оқушылардың жазбаша жұмыстарына кері байланыс беру;

Білімді саралау және жеке оқу траекторияларын құрастыру.

3. ЖИ қолданудың артықшылықтары

Уақытты үнемдеу және мұғалімнің жұмысын жеңілдету;

Оқушылардың қызығушылығын арттыру;

Цифрлық сауаттылықты дамыту;

Жеке, дара, топпен жұмыс жасау барысында оқушыларды қамтамасыз ету.

ЖИ құралдарын қолдану кезінде академиялық адалдықты сақтау маңызды деп білемін .Өйткені, оқушылардың жеке деректерін қорғау, авторлық құқықты құрметтеу және ақпараттың шынайылығын тексеру — басты қағида.

Мұғалім ЖИ көмегін қолданғанмен, педагогикалық жауапкершілік өзінде қалатынын ұмытпауы қажет.

Практикалық мысал

5 сыныптағы әдебиет сабағында ChatGPT арқылы диалогтық жаттығулар құрастырылды. Оқушылардың сөйлеу дағдысы 15 пайызға артты, ал сабақ уақытының 20 пайызы үнемделді. Мұғалім оқушылардың жеке деңгейіне сай тапсырмаларды тез бейімдей алды.Сонымен қатар Akelius платформасы — тілдерді, соның ішінде қазақ тілін де, үйренуге арналған заманауи онлайн жүйе. Ол интерактивті, визуалды және ойын түріндегі тәсілдер арқылы үйренушілердің тілдік дағдыларын дамытады. ZipGrade тест тапсырмасын орындаитқан сәтте өте тиімді.Себебі,ұялы телефон арқылы тест жауаптарын жылдам тексересіз. Flippiti. Net түрлі бағытта жұмыс жасауға болады , топқа бөлуге болады .

Қорытынды

Жасанды интеллект – мұғалімді алмастыратын емес, керісінше, оның жұмысын жеңілдететін, оқыту сапасын арттыратын қуатты құрал. Педагогтар ЖИ-ды дұрыс әрі тиімді пайдалану арқылы оқушылардың шығармашылық және сыни ойлау қабілеттерін дамытуға үлес қоса алады.

Пайдаланылған әдебиеттер:

1.