Білім беру саласы "Коммуникация"

Тақырыбы: «Бауырсақ» ертегісі
Топ: І- балапан тобы
Сабақтың мақсаты: Балаларға ертегілер туралы түсінік беру. Ертегі кейіпкерлерін қонаққа шақыра отырып,қиялы мен қабілетін жетілдіру. Балалардың сөздік қорын, байланыстырып сөйлеуге дағдыландыру. Балаларға жағымды, жағымсыз қасиеттерді айыра білуді үйрету.
Тәрбиелігі: Өзара сыйласып, достық қарым-қатынаста болуға, біреуге қызғанып қарамауға, бірін-бірі құрметтеп, үлгі тұтуға тәрбиелеу.
Технологиясы: «Тәй-тәй» технологиясы
Қойылымның кейіпкерлері: Ертекші, шал, кемпір, бауырсақ, қоян, қасқыр, аю, түлкі.
Көрнекілігі: тақта, орман, орманды мекендеген аңдар, ағаштар.
Сәлем, сәлем, басым!
Сәлем, сәлем, көзім!
Сәлем, сәлем, бетім!
Сәлем, сәлем, тісім!
Сәлем, сәлем, балалар!
Сәлем, сәлем, апайлар!
Тәрбиеші:
Құрметті қонақтар! Ертегілер еліне қош келдіңіздер! І-ші сәбилер тобының тәрбиеленушілерінің қиалынан туындаған «Бауырсақ» ертегісін тамашалаңыздар.

- Біз бүгінгі тіл дамыту сабағында ертеден келе жатқан «Бауырсақ» ертегісімен танысамыз.
«Бауырсақ» ертегісінің сахналық қойылымы:

Тәрбиеші
Кемпір мен шал болыпты. Бірде шал жалынып:
Шал
- Кемпір-ау, маған бауырсақ пісіріп берсеңші.
Кемпір
- Неден пісірейін? Ұн жоқ қой!
Шал
- Әй, кемпірім-ай ! Қойманың түбін қырнап көрсең ғой бауырсақтық ұн табылып қалар.
Тәрбиеші
Кемпірі солай істейді: қойма түбін қырып-қырнап екі уыс ұн табады да, қаймаққа шылап, қамыр илеп, бауырсақты майға пісіріп, терезе алдына суытқалы қояды.
Жата-жата жалыққан бауырсақ терезе алдынан үйдің іргесіне домалап түседі, іргеден көгал үстіне домалайды, көгалдан жылжып жолға жетеді. Одан әрі жолмен зырлай жөнеледі. Бауырсақ жолда зымырап бара жатса, қарсы алдынан қоян шыға келеді.
Қоян
Бауырсақ! Бауырсақ! Мен сені жеп қоямын!
Бауырсақ
Жоқ, сен мені жеме, саған қандай өлең айтып берер екем, онан да соны тыңда.
Тәрбиеші
Қоян құлағын түреді, ал бауырсақ әнге басады:
Бауырсақ
Әжей қойма қырнаған, екі уыс ұн жинаған.
Балқаймаққа шылаған, пісіріп маймен сылаған.
Суытып та сынаған, бауырсақпын зулаған!
Атайдан да құтылдым, әжейден де құтылдым.

Тәрбиеші
Бауырсақ жалғыз аяқ жолмен келе жатса, оның алдынан қасқыр шыға келіп:
Қасқыр
Бауырсақ! Бауырсақ! Мен сені жеп қоямын!
Бауырсақ
- Сен мені жеме, мен саған өлең айтып берейін.
Тәрбиеші
Бауырсақ әндете жөнеледі
Бауырсақ
Әжей қойма қырнаған,екі уыс ұн жинаған.
Балқаймаққа шылаған, пісіріп маймен сылаған.
Суытып та сынаған, бауырсақпын зулаған!
Атайдан да құтылдым, әжейден де құтылдым.
Қояннан да сытылдым, қасқыр, сенен құтылу
Қиын емес бұл маған
Қасқыр
Тәрбиеші
Бауырсақ орман ішімен домалап келе жатса оған аю қарсы шығады.
Аю
- Әй , бауырсақ ! Мен сені жеп қоямын!
Бауырсақ
- Сен мені жеме, мен саған өлең айтып берейін.
Әжей қойма қырнаған, екі уыс ұн жинаған.
Балқаймаққа шылаған, пісіріп маймен сылаған.
Суытып та сынаған, бауырсақпын зулаған!
Атайдан да құтылдым, әжейден де құтылдым.
Қояннан да сытылдым, қасқырдан да құтылдым,
Маймақ, сенен құтылу, қиын емес бұл маған!
Тәрбиеші
Осылай бауырсақ әрі қарай домалай жөнеледі.
Түлкі
-Амансың ба, бауырсақ! Көргендерге ұнайды, жүзің қызыл шырайлы!
Тәрбиеші
Бауырсақ мақтағанға мәз болып, өлеңін айта бастайды. Түлкі болса құмарта тыңдаған боп, қыбырын білдірмей,бауырымен сырғып, жақындай береді.
Бауырсақ
Әжей қойма қырнаған, екі уыс ұн жинаған.
Балқаймаққа шылаған, пісіріп маймен сылаған.
Суытып та сынаған, бауырсақпын зулаған!
Атайдан да құтылдым, әжейден де құтылдым.
Қояннан да сытылдым, қасқырдан да құтылдым,
Аюдан да сытылдым, түлкі, сенен құтылу
Қиын емес бұл маған!
Түлкі
- Оңай құтала алмасың, менің тапсырмамды орында
Түлкі : (қолында бір бума қағаз). Онда менің жұмбақтарымды шешіп көріңдер.

  1. Қыста ақ,
Жазда сүр.
(қоян)
2.Қорбаң- қорбаң етеді,
Орманда ол жүреді (аю)
3.Орманда тұрады, өзі бір қу,
Жүрген жері айқай-шу.
(түлкі).
Түлкі бауырсақты бас сап жейіндеп жатқанда, балалар айғайлап жібереді.
Балалар: -жоқ, қу түлкі олай болмайды біз сенің тапсырмаларынды түгел орындадық. Сен бауырсақты жей алмайсың деп бауырсақты алып кетеді.
Түлкі ештене істей алмай жөніне кете береді.
Ал балалар, бауырсақты жетектеп ата мен әжеге келеді.
Тәрбиеші
Қорытындылау:
- Балалар ертегі сендерге ұнады ма?
Ертегінің мазмұны не жайында екен? Ал, енді балалар, ертегідегі жағымды және жағымсыз кейіпкерлерді айыру үшін мынадай тапсырмалар орындайық.
Неліктен бұл жерде аю, қасқыр, жағымды кейіпкерлерге жатады? (Өйткені олар бауырсақты жеген жоқ.)
- Өте жақсы!
- Ал, түлкі ше?
-Түлкі қу, айлакер.
Жағымды-Жағымсыз
Балалар, бауырсақ неден жасалады? (Ұннан)
-Ұн неден алынады? (Бидайдан)
Тәрбиеші: Бауырсақтың түсі қандай?
Бауырсақ: Сары.
Тәрбиеші: Бауысақтың пішіні қандай?
Бауырсақ: Домалақ, шеңбер.
Ұннан жасалатын тағамдар: Бауырсақ. Нан. Торт. Печенье. Бәліш. Түрлі макарон өнімдері.
Қатысушылар: Автор-Тәрбиеші, Кемпір-Жанеля, Шал-Мирас, Бауырсақ-Аяла, Қоян-Бексұлтан, Қасқыр-Алихан, Аю-Айсұлтан, Түлкі-Іңкәр.

«Бекітемін»

«Диана» жекеменшік балабақша

Директор Болатбаева М.А.

Тақырыптық сабақ

Тақырыбы: «Бауырсақ» ертегісі
Топ: І- балапан тобы:Оразбаева Жансая

2018-2019жыл

«Бекітемін»

«Диана» жекеменшік балабақша

Директор Болатбаева М.А.

Тақырыптық сабақ

«Қоянмен серуенге барамыз»
I - сәбилер тобы: Шавкабаева Ләззат

2018-2019жыл

«Қоянмен серуенге барамыз»
I - сәбилер тобы
Мақсаты: Бір - бірінің артынан жүрү және жүгіруге жаттықтыру; Екі аяқпен итеріліп 2 қарам - қарсы сызықтан дұрыс секіруді қалыптастыру;
Гим. отырғыштың үстімен жүргенде, тепе - теңдікті сақтай білуге; керілген баудың астымен еңбектеп өтуді бекіту; кеңістікті бағдарлай білуге; жылдамдық пен ептілікті жетілдіру.
Құралдар: әр балаға 2 жапырақтан, екі тіреудің ортасына байланған бау, гим. отырғыш, 2 секіргіш, жұмсақ ойышықтар - қоян мен аю; қоянға сыйлық (көкөністермен жемістердің муляжі), үлкен қолшатыр
Қызмет кезеңдері Тәрбиешінің әрекеті Балалардың әрекеті
Мотивация - қозғаушы Қоянмен амандасу. Қоян бізді күзгі орманға серуенге шақырады. Қоянмен барамыз ба? Қоянмен баруға ұсыныс жасайды Қоянмен амандасады. Сұраққа жауап береді.
Іздену - ұйымдастыру Жолдармен біз жүреміз (бір - бірінің артынан жүру)
(Тәрбиеші қоянды қолына ұстап алға арқамен жүреді, балаларға қоянға қарауларын ұсынады )
Аяқты қатты соғамыз, (тарсылдатады)
Судан, тастан өтеміз
Секіреміз, жүреміз (алға жылжи отырып секіру)
Шаршамаймыз, күлеміз. (жай жүру)
Шаршамасақ егерде,
Жүгірейік бірлесе! (бір - бірінің артынан жүгіру)
Тәрбиеші: Міне, біз орманға келдік, Қараңдар, мында қаншама жапырақтар! 2 жапырақтан қолымызға алып, ойнаймыз. Ал, қоян көрсін балалар қалай жапырақтармен ойнайды екенін.
1. «Жапырқаты көрсетеміз, жасырамыз» Б. Қ.- қол төменде, жапырақты алға созып көрсетіп, арқға жасыру
2. «Аяғымызды жапырақпен сипайық» Б. Қ.- аяқты ашып отырып, бақайдың ұшына еңкейіп жапырақпен сипау
3. «Қоңыздар жапыраққа тығылады» Б. Қ.- арқамен жатып, қолды дене көлемінде ұстау, аяқпен қолды көтеріп еркін қимылдату
4. «Жапырақтар алда» Б. Қ.- ішпен жатып, қолды шынтақтан бүгу, қолды түзеп, басты көтеру, жапырақты көрсетіп қайтадан қолды бүгу.
5. Жапырақты еденге қойып, қасында секіру (қоян бірге секіреді.)
6. «Жапырақты жел үрледі»
Жапырақтарымызды қоянға сыйлайық!
Қ. Н. Т.
Міне, алда өзен тұр
Өтемін деп бала тұр (екі жол арасынан секіру, арақашықтығы 15см)
Қоян алға жүгірді,
Көрсетем - деп көпірді
Көпірдің астымен өтейік (төртаяқтап еңбектеп өту)
Жолдан қане, өтеміз
Қоянға сыйлық береміз (отырғыштың үстімен тепе - теңдікті сақтай отырып жүру) Қоян алғысын білдіреді
Қ/ойын: «Сұр қоян отыр»
Тәрбиеші көңілді ойынды ойнауға ұсыныс жасайды. Балалардың жауабы
Арқаны дұрыс ұстап жүреді
Тәрбиешінің берілген тапсырмасын орындайды. Бір іс - әрекеттен екінші іс - әрекетке көшеді, белгі бойынша.
Балалар тәрбиешіге қарап шашыраңқы тұрады, әр қайсының қолында екі жапырақтан.
Балалар жапыраққа үрлейді.
Балалар жапырақтарды себетке салады.
Еңбектеп өтіп, орындарынан тұрып қоянға қолдарын былғайды.
Орындықтың үстімен өтіп қоянға сыйлықты алып береді
Балалар орындықта отырады. Мәтінге байланысты қимылдарды көрсетеді
Жетекші - жөндеуші Балалар, қараңдаршы жаңбыр басталайын деп тұр. Естисіңдер ме, қалай тырсылдайды?
Саусақ ойыны: «Жаңбыр»
Ағаштар мен шатырға
Жаңбыр жауды аспаннан (саусақтар «адымдайды»)
Басып қатты шөптерді,(аяқты топ - топ басады)
Жапырақты ұшырды (алақан соғады)
Кап - кап - кап,(сол алақанды жұдырықтап соғады)
Тук - тук - тук, (оң алақанды жұдырықтап соғады)
Жауды жаңбыр көбірек (алақанды басқа көтеріп соғады)
Тәрбиеші: Жаңбыр қатты жауды, бізге үйге қайту керек! Қолшатырға жасырыңдар!
Сұрақтаға жауап береді
Тәрбиешіге қарап қимылды қайталайды
Күтілетін нәтиже:
- Білу қажет: денені шынықтыру керектігін түсіну
- Қалыптасқан түсінік: Жүру, жүгіру әдістерін білу, жаттығудың пайдасын білу.
- Орындаушылық қабілеті: баудың астынан еңбектеп өтуді, тепе - теңдікті ұстауды біледі