Кербұлақ ауданы Сарыөзек ауылы

«Д. Қонаев атындағы орта мектеп» КММ өзін-өзі тану пәнінің мұғалімі

Спатаева Фарида Асқарқызы

Білім берудегі жаңа үдеріс

«Тегінде, адам баласы адам баласынан ақыл, білім, ар мінез деген қасиеттермен озады» деген ұлы ақын Абай сөзі барлық уақытта өз мәнін жойған емес. Озық ойлы білімдар адамдар заманның, қоғамның дамуына, өзгеруіне өз үлесін қосады. Осындай қоғамдық, әлеуметтік, мәдени өзгерістер, дамулар мектептің оқыту процесіне әсер етеді.

Жоспарымды іске асыру мақсатында әр сабағымда жүйелі орындауға көп көңіл бөлдім. Бұл талаптарды орындау үшін бүгінгі таңда Кембридж тәсілінің теориялық негіздері қол жеткізген жетістігім болды. Әр сабақты тиімді ұйымдастыру барысында жан-жақты тәжірибе жинақтап, оқушы жүрегіне жол таба білетін әдістерді үйрендім десем артық айтпаймын.

Мектебімізде үш айлық курсты оқып келген ұстаздардың үйымдастыруымен «Ізденген жетер мұратқа» атты апталығы өтті. Апталық барысында бірнеше мұғалімдер әртүрлі іс-шаралар өткізді. Атап айтсақ Арысбаева Айша сынып сағатын, Ануарбекова Ардақ ашық сабақ, Жұмахметова Айгүл ашық сабақ, Аймағамбет Таңшолпан мұғалімдермен коучинг, Култанова Жанар ашық сабақ, Базарбаева Камшат тренинг, Құрамбекова Гүлнар, Ақылбекова Қарлығаш, Шавенова Ләззат ашық сабақ өткізді. Осы ұстаздардың бойынан ерекше дарындылық пен шығармашылық қасиеттерді көруге болады. Жеке, жұптық, топтық жұмыстар арқылы оқушылардың сабаққа деген қызығушылықтары арта түскенін байқауға болады.

Әрқайсының бойында Шульманның «Үш көмекші» - деп атаған қасиеттері, мұғалімге тән белгілері бар, бұл қасиеттер болған жағдайда ғана оқыту жақсы болып саналады, сонымен қатар нәтижесі де нақты, сапалы болмақ.

Сабақ барысында оқушыларды еркін ұстауға үйретумен қатар қызықтыра оқытпақпыз, келешекте шәкірттері сол сабақты асыға күтіп отыратын дәрежеге жетуіміз қажет. «Бүгінгі сабақ қалай болар екен, ұстазымыз не айтар екен?»- деген құштарлық оқушы бойында қалыптасса еңбегіміздің жанғаны емес пе! Оқушыларды сабаққа қызықтыра білмесек, олардың білімге деген ынтасын жоғалтамыз.

Қорыта келгенде болашақта оқушылармен жұмысты жаңаша оймен, ерекше сезіммен, жақсы көңіл-күймен өткіземіз деген ойдамын.

Әріптестеріме сәттілік, шығармашылық табыс тілеймін!