БІЛІМ БЕРУДІ НЫҒАЙТУДАҒЫ КӨЗҚАРАСЫМ

Әділханова Назерке Абайқызы

«Көркем сурет балалар мектебінің»мұғалімі

Менің өмірлік ұстанымым - халқыма адал қызмет ету. Сол мақсатта ұстаздық мамандықты таңдадым. Ұстаз деген ұлағатты ұғым, ол шәкіртерін аялап, өз уақытысын аямайды.Мен білім беруде әр балаға өзінің ерекшелігіне сай сабақты бойына сіңіруге тырысамын. Сабағымды қазіргі заманауи ағымның заңдылықтарына байланысты жүргіземін. Сабақты мазмұнды және қызықты өткізу үшін мен көп ізденіс жасаймын.

«Ұстаз дегеніміз кім? » заманауи мұғалім қандай болуы керек? бұл мамандық несімен құнды? деген сұрақтарға әр кез жауап іздеп келемін. Ең бастысы, шәкірт жүрегіне жол табу, ұстаздық шыңның асқары болып саналады. Әр бала жеке тұлға, олардың әр-қайсысына әртүрлі тәсіл қажет.Бүгінгі таңда ұстаз шәкіртіне білім беріп қана қоймай, оны әлемдік білім, заманауи технология кеңістігіне шығаруға, яғни қатаң бәсеке жағдайында өмір сүруге тәрбиелеу қажет. Себебі әлем қас-қағым сәтте өзгеріске ұшыраған кезде қоғам мамандардан кәсіби икемділік пен ұтқырлықты талап етеді.

«Біз білім, ғылым саласында бәсекеге қабілетті болмасақ өз мақсатымызызға жете алмаймыз». «Барлығы мектептен,ал Қазақстан үшін ауыл мектебінен басталады». Ауыл мектебі- зиялылық пен зияткерліктің, дарындылықтың қайнар бастауы,ұлттың күре тамыры екенін біз әр кез ұмытпауымыз қажет. Ы.Алтынсарин атамыз айтқандай «Білімдінің қолында - алтын шырақ»-демекші, қоғам талабына сай интеллектуалды, дені сау, ой-өрісі жоғары дамыған, халықаралық деңгейге сай білімі бар ұрпақ тәрбиелеу қазіргі заман мұғалімінің басты міндеті.

Олай болса, тәуелсіз еліміздің болашақ тағдырын тәрбелейтін қазіргі заман ұстазы қандай болуы керек?

Ол терең кәсіби маман, барлық рухани күш-жігерін,парасат қуатын шәкірт бойына сіңіруге арнайды. Бұл әркімнің қолынан келе бермейтін ерекше күш-жігер. Сондықтанда ұстазды әр баланы жан дүниесін танып білуші, әрі оның жеке тұлға етіп қалыптастырушы, ел болашағының мүсіншісі деуге болады.

Оқушыны жеке тұлға ретінде қарастырып, оның өз-өзін тануына жол ашу, бойындағы қасиетті зерделеп, жалпы жақсы нәтижеге жете білу үшін өз мамандығыңды өте жақсы көруің керек.Уақытпен санаспау қажет және төзімділік керек.Төзімді еңбек бәрін де жеңбек.Мұғалім күнделікті өмірдің жай ғана адамы емес, адамзаттың сәулетті болашағын жасаушыларды тәрбиелеуші. Осы қағидаларды ұстанған ұстаз, шәкіртінің сый – құрметіне бөленетіні сөзсіз.

Шәкірт тәрбиелеу білім саласының негізгі мақсаты. Осы орайда елімізде «Балалар жылы» болып жариялануы соның дәлелі.

Ақын Абай атамыз айтқандай-

Ақырын жүріп анық бас,

Ееңбегің кетпес далаға

Ұстаздық еткен жалықпас,

Үйретуден балаға. -деген өлеңінде ұстаз еңбегіне орынды баға берген. Мен өзімнің ұстаз болғанымды да ,шәкірттерімді де үнемі мақтан етемін.