Білім мен ғылымды біріктірген университет

Ж.М.Ибраева,

Әл-Фараби атындағы Қазақ ұлттық университетінің 1-курс докторанты

Н.А.Утемгалиева, PhD, доцент м.а.

Р.А.Авакова, ф.ғ.д., профессор

Білім мен ғылымды біріктірген университет.

Әл-Фараби атындағы Қазақ ұлттық университеті - Қазақстанның жетекші жоғары оқу орындарының бірі. Ғылым мен білімнің ордасы болып отырған университет Қазақстанда ғана емес, әлемнің үздік жоғары оқу орындарының қатарында.

Қазақ ұлттық университеті - еліміздің ғылыми-зерттеу орталығы. Мұнда заманауи зертханалар, ғылыми-техникалық парктер және инновациялық кластерлер жұмыс істейді. Университет кітапханасы өте бай. Онда көркем әдебиет қоры, ғылыми еңбектер қорымен қатар, диссертациялық зал оқырмандарға сапалы қызмет көрсетеді.

Университеттің ғалымдары әлемдік деңгейдегі зерттеулер жүргізіп, олардың нәтижелері халықаралық ғылыми журналдарда жарияланады. Жас ғалымдар үшін ғылыми шығарылымдар үшін «ҚазҰУ Хабаршысы» жылына мыңдаған мақалалар жариялайды.

Университетте жыл сайын ондаған мың студент, магистрант және докторант сапалы білім алады, оларды 2 мыңнан астам жоғары білікті оқытушы оқытады.

Қазақ ұлттық университеті - 500-ден астам шетелдік университеттермен әріптестік қарым-қатынас орнатқан. Бұл студенттерге академиялық алмасу бағдарламаларына қатысуға, қос дипломдық білім алуға және халықаралық ғылыми жобаларға қатысуға мүмкіндік береді.

Әл-Фараби атындағы Қазақ ұлттық университеті – тек білім беру ордасы ғана емес, сонымен қатар еліміздің болашақ көшбасшыларын тәрбиелейтін мекеме. ҚазҰУ түлектері мемлекеттік қызметте, бизнес саласында және ғылымда жоғары жетістіктерге жетіп, Қазақстанның дамуына елеулі үлес қосып жүр.

ҚазҰУ – білім мен ғылымды біріктірген, болашаққа сеніммен қадам басқан университет. Бұл мекеме жас ұрпақ үшін мүмкіндіктер әлемі және еліміздің болашағының іргетасы.