Бірінші коучинг сабағы бойынша рефлексивті есеп

В1.1 есебі

Бірінші коучинг сабағы бойынша рефлексивті есеп

Мектептегі іс-тәжірибенің бірінші бетпе-бет кезеңінен соң мектептегі әріптестеріме коучинг ұғымы туралы түсіндіріп, бірнеше тақырыптарға тоқталып, өздеріне таңдау жасатып сауалнама алдым.

«Коучинг- (ағылшынша, coaching) сөзбе-сөз аудармасы - тәлім ету, дайындау, жаттықтыру. Бұл - әріптестердің (коуч пен әріптесі) құпия, белсенді және жасампаз өзара әрекеттестік үдерісі. Оның барысында қолданыстағы оқыту тәжірибелерін бірлесіп ойластыру, идеялармен алмасу, коуч тарапынан рефлексиялық диалогқа тарту негізінде басқа мұғалімдер өз жұмысының жекелеген салаларын жетілдіру, оларды тереңірек дамытып, анағұрым жоғары сапалық деңгейге көтеру және іске асыру жөнінде шешім қабылдау мақсатында кәсіби білімін, игерген дағдылары мен тәжірибесін жетілдіреді» (МАН,80).

Әріптестерімнің басым бөлігі «Мектепте инклюзивті оқыту керек пе?», «Талантты және дарынды балаларды оқыту туралы не білеміз?», «Коучинг және тәлімгерлік» тақырыптарын таңдағанын, тәжірибе жинақтап, үйренгісі келетіндіктерін сауалнамадағы жауаптарынан аңғардым.

Мектеп шағын жинағы жалпы орта мектеп, оқыту тілі: қазақ тілі. Мектеп 1974 жылы пайдалануға берілген, 12 оқу кабинеті,19 сынып 2 ауысымда оқиды. Мектепте 41 мұғалім қызмет етеді. Қазіргі кезде мектепте 346 оқушы білім алуда. Коучингке қатысқан мұғалімдердің сапалық құрамына тоқталып өтер болсам:

Әріптестеріме түрлі жаттығулар жасату арқылы олардың әр қайсысының мінез - құлқына талдау жасай отырып тесттің жауаптары арқылы мінездерін анықтадық. Интербелсенді тақта арқылы презентациялармен мектептегі инклюзивті оқытудың мақсаты, нәтижесі, негізгі принциптері туралы түсіндірдім.

Инклюзивті оқытудың негізгі принциптері:

1.Адам құндылығы оның мүмкіндігіне қарай қабілеттілігі мен жеткен жетістіктерімен анықталады.

2.Әрбір адам өзін еркін сезінуге және ойлауға қабілетті.

3.Барлық адам бір-біріне қажет екендігін ұғынды.

4. Барлық адамдар құрбы - құрдастарының қолдауы мен шынайы достығын қажет етеді. Қатысушыларға «Инклюзивті оқытуды қалай түсінесіз?» деген сұрақтар қойып, топтардың жауаптарын тыңдадым. Әріптестеріме осы тақырыпта эссе жазғыздым. Олардың жазған эссе жұмыстарына тоқталып өтейін: Инклюзивті оқыту барлық балалардың мұқтаждықтарын ескеріп қоғамда құқықтарын кемсітпеу. Әрбір бала өмірде өзін еркін сезінуге құқылы. Әрбір шығармашылық топ «мектептегі инклюзивтік оқыту» тақырыбына постер жасап, қорғады. Постер жасағанда әріптестерім алғашқыда түсінбегені рас, кейіннен ойларын жинақтап топ мүшелері ойласа отырып жұмыс жасады. Экраннан «Создание инклюзивного пространсства в школе №20. Бейнефильм көрсеттім. «Инклюзивті оқытуды мектептерге енгізу қажет пе?» -деген сұраққа коучингке қатысушы мұғалімдер мүмкіндігі шектеулі жандардың қозғалыс мүмкіндігі шектелгенімен, жан дүние кеңістігі аясының тарылып, күйзеліске ұшырауына жол бермеуіміз қажет, яғни инклюзивті оқытуды мектептерге енгізу қажет деп ойларын қорыта келе, барлық бала бақытты болуға тиіс деп жауап берді.

«Инклюзив» ұғымы туралы коучингке қатысушылар бейнефильмдерден көру, түсіну,сезіну арқылы көптеген мағлұматтар алды. Қолдану, талдау, жинақтауды өздерінің орындаған тапсырмаларынан көруге болады. Әр шығармашылық топ жұмыстарының маңыздылығын бағалай алады.

Коучингтің соңында мұғалімдер «Басмармақ» әдісі арқылы түсіндім, күмәнім бар, түсінбедім деген бейнелерге қарап рефлексия арқылы қорытынды жасады.

Коучингтің нәтижесіне тоқталар болсам сабақ барысында әріптестерім сыни тұрғыдан ойлауды, кері байланысты жасауды, топтарға бөлініп ынтымақтастықта жұмыс жасау үлгісін көрсете білді.

Сәтті тұстарым:

Тақырыптың өзектілігі:

Коучингке қатысқан мұғалімдердің тапсырмаларды қызығушылықпен орындауы. Өз ойларын жүйелі түрде жинақтауы. Постер жасап қорғаған кезде әр топ мүшелерінің сөздік қорының молдығы, тақырыпты аша білуі, коучингтің әріптестеріме ұнауы.

Сәтсіз тұстарым: АКТ құралдарын пайдалануға толық мүмкіндіктің болмауы. Интербелсенді тақтаның тек бір кабинетте жұмыс істеуі және бос кабинеттердің болмауы.

Коучинг сабағымның нәтижесінде әріптестерім мына мәселелерді үйрендідеп айта аламын:

Инклюзивті оқытудың мақсаты, нәтижесі туралы түсінді.

Постер құрастыруды, ортаға шығып қорғауды.

Топтарға бөлініп ынтымақтастықта жұмыс жасауды.

Сыни тұрғыдан ойлауды.

Кері байланыс жасауға үйренді.

Болашақта мен коучинг өту барысында жіберген кемшіліктерімді ескере отырып, оны жоюдың тиімді жолдарын қарастырып теориялық білімімді жетілдіремін деп алдыма мақсат қойып отырмын.

Коучинг жоспары:

Коучинг тақырыбы: Мектепте инклюзивті оқыту керек пе?

Мақсаты: Мектептегі инклюзивті оқытудың міндеттерін айқындау, кемшіліктері мен кездесетін қиындықтарға тоқталу.

Коучингтен күтілетін нәтиже: Мүмкіндігі шектеулі балалардың қоғамның бір мүшесі екендігін ұғындыру, көзін жеткізу.

Коучингте туындаған негізгі идеялар : Инклюзивті мектептердің жалпы орта мектептерден айырмашылығын түсіндіру.

Қатысушылар: 6 мұғалім.

Коучингтің жүргізілу барысы:

Пайдаланылған әдебиеттер:

1. Мектептегі тәжірибе кезеңінде орындауға арналған тапсырмалар. Екінші (негізгі) деңгей. Үшінші басылым.2012

2. Мұғалімге арналған нұсқаулық. Екінші (негізгі) деңгей. Үшінші басылым. 2014

3. Жақсылықова К.З.«Тренингтік ойындар мен жаттығулар. Әдістемелік құрал.» Алматы, 2014

4. Жартынова Ж.А., ОрақоваА.Ш.,Карнилова Т.Б. т.б «Коуч-мұғалімінің кітабы». Алматы 2014ж